MAZMUR 113:3 - KITTA KAREBA MADECENG

³ Polé ri alau lettu ri yajang harusu'i ripoji asenna Puwangnge.

MAZMUR 113:3 ပူးပေါင်းရင်းမြစ်များ

MAZMUR 18:3

Padai Puwangnge bénténg mawatangngé onrokku mallinrung. Padai Allataalaku bulu batué onrokku maccinaung. Padai kaliyawoé tongkoka, sibawa jagaika kuwammengngi utuli amang.

MAZMUR 48:10

Ri laleng Bola-Mu rinennun-nennungngi pammasé-Mu, oh Allataala.

MAZMUR 50:1

Mazmurna Asaf. Puwang, Allataala Iya Pommakuwasaé mabbicara; mangobbii lao ri sininna linoé polé ri alau lettu ri yajang.

MAZMUR 72:11

Sininna arungngé suju'i matu ri yolona, sininna bangsaé mancajiwi ata-atanna.

MAZMUR 86:9

Sininna bangsa iya Mupancajiyé poléi matu, oh Puwang, untu' sompa-Ko sibawa pojiwi arajam-Mu.

YESAYA 24:16

Polé ri cappa linoé riyéngkalingai élong pappojiyangngé untu' Israélié, bangsa iya mapatoé. Iyakiya cilakana iyya! Makkanrodokka! Pabbali'bella'é matteru mupi bali'bella, mala pédé bali'bellai mennang.

YESAYA 49:13

Akkélonno éh langi, gorano éh lino, éh sining bulu, gorano marennu! Saba' poléi Puwangnge saléworiwi umma'-Na, Namaséiwi umma'-Na iya ritenre'é.

YESAYA 59:19

Akuwasang sibawa arajan-Na naétauriwi matu sininna tauwé polé ri alau lettu ri yajang. Poléi matu pada-pada salo iya masolo'é iya ripabbombangngé ri anging marajaé.

HABAKUK 2:14

Iyakiya pada-pada tasi'é ripennoiwi sibawa uwai, makkuwatoro linoé ripennoi matu sibawa pangissengeng passalenna Puwangnge sibawa akuwasan-Na.

MALEAKHI 1:11

Ripakalebbi-Ka ri bangsa-bangsaé ri sininna linoé. Kégi-kégi ritunui dupaé untu' pakalebbii asek-Ku sibawa riyakkasuwiyangeng sining akkarobangeng iya sitinajaé, saba' sininna bangsaé pakalebbi-Ka!

WAHYU 11:15

Nainappa malaéka' mapitué naseppung tarompé'na, nariyéngkalingana ri surugaé sadda battowa senna'é iya makkedaé, “Akuwasang untu' paréntai linoé engkani makkekkuwangngé ri laleng limanna Puwatta enrengngé Arung Pappassalama' iya najjanciyangngé. Mapparéntai matu lettu mannennungeng!”