MAZMUR 100:3 - KITTA KAREBA MADECENG

³ Engngerangngi makkedaé Puwangnge ritu Allataala. Aléna pancajiki sibawa appunnangenna-Ki; idi umma'-Na, bangsa iya napiyaraé.

MAZMUR 100:3 ပူးပေါင်းရင်းမြစ်များ

2 ARUNG-NGARUNG 19:19

Oh Puwang, Allataalata, leppessakki polé risining tau Asyur-éro, kuwammengngi naissengngi sininna bangsaé ri linoé makkedaé banna Iko alé-aléna Allataala.”

1 TAWARIKH 16:14

Puwangnge iyanaritu Allataalata, apettun-Na takkennai ri sininna linoé.

AYUB 10:3

Aga sarona Mutenre makkuwaiyé, sibawa mabbéréyangngi wassélé ébbu-Mu muto? Aga sarona rékko Musokongngi pallolongenna sibawa rancanana sining tau majaé?

MAZMUR 119:73

Iko ritu pancajika sibawa tappaka, wérékka pappahang untu' magguruiwi sining parénta-Mu.

MAZMUR 12:4

Pappajani ada-ada iya mappalécéro, Puwang, pammekkoi sining tau iya maloppoé bawana,

MAZMUR 149:2

Ariyo-riyono, éh Israélié nasaba Pappancajimmui; arennuno, éh pabbanuwana Sion nasaba Arummui!

MAZMUR 46:10

Napappajai musué ri sininna linoé, Naancuru'i panaé sibawa bessié, Natunui sining kaliyawo malébué.

MAZMUR 78:52

Nainappa napimping umma'-Na pada-pada bimbala makkonrongngé, sibawa dulungngi mennang molai padang kessi'é.

MAZMUR 79:13

Na idi umma'-Mu, bimbala Muampié, sukkuru matu lao ri Iko untu' mannennungeng, sibawa poji-Ko massossoreng.

MAZMUR 95:3

Saba' Puwangnge iyanaritu Allataala iya marajaé. Arung poré iya cauéngngi sininna déwataé.

ASSURENG 6:7

Utiwiko matu ri wanuwa iya Uwajjanciyangngé sibawa tanro lao ri Abraham, Ishak sibawa Yakub; iyaro tanaé Uwérékko mancaji appunnangeng ri alému. Iyya'na Puwang.”

PAKKATOBBA 12:1

Engngerangngi Pappancajimmu ri wettu malolomu mupa, ri wettu dé'napa nalettu taut-taung pennoé anrasa-rasang. Ri wettuéro makkedako matu, “Dé' namasennang atuwokku.”

YESAYA 63:11

Nanaéngngeranni mennang wettu riyolo, wettunna Musa, atanna Puwangnge. Makkutanai mennang, “Kégani Puwangnge iya dulungngéngngi sining pamimpinna umma'-Na molai tasi'é? Kégani Puwangnge iya mabbéréyangngéngngi akuwasan-Na lao ri mennang?

YESAYA 63:19

Mugaukekki samanna dé' naengka Mukuwasaiki; samanna dé' naengka tamancaji umma'-Mu.

YESAYA 64:7

Dé'gaga massempajang lao ri Iko, iyaré'ga méllauwi pattulum-Mu, saba' Musubbui tappa-Mu polé ri idi, sibawa leppessakki ripaccappu ri dosata.

YEREMIA 10:10

Iyakiya Idi, Puwang, Allataala iya tongengngé, Allataala mabbéré atuwong, arung mannennungengngé. Rékko macai-Ko, taggottangngi linoé, rékko majjameru'-Ko dé' natahang bangsa-bangsaé. (

YEHEZKIEL 34:11

Makkedai Puwang Iya Pommatanré, “Alé-Ku maélo sappai sining bimbala'-Ku sibawa piyarai mennang,

YOHANES 17:3

Iyanaé atuwong mannennungengngé; kuwammengngi tauwé naissengngi Ambo'é, séddi-séddinna Allataala iya tongengngé, sibawa missengngi Yésus Kristus iya nasuroé Ambo'é.

2 KORINTUS 4:6

Allataala iya makkedaé, “Sitinajai polé ri laleng pettangngé mompoi tajangngé,” Allataala éttoro iya paompoéngngi tajangngéro ri laleng atitta, kuwammengngi namancaji matajang pakkitatta untu' pahangngi acakkarenna Allataala iya mattappaé ri rupanna Kristus.

EFESUS 2:10

Idi iyanaritu winrunaki Allataala, nanaolai Kristus Yésus, nabentu'ki Allataala kuwammengngi naripogau' gau'-gau' iya makessingngé iya puraé napassadiyangekki.

ULANGENG 32:15

Mancaji sugii umma'na Puwangnge, iyakiya napoji maronta, macommo-commo mennang, messo inanré. Nainappa mennang nasalai Allataala, Pappancajinna sibawa nasampéyang Pappassalama'na iya poré.

ULANGENG 32:6

Makkuwakoga wale'i akessingenna Puwangnge, éh sining tau madonggoé sibawa dé'é akkalenna? Tenniyaga Ambo'mu, Pappancajimmu, iya pancajiyékko séddi bangsa?

ULANGENG 4:35

Iya manennaro najellokekko Puwangnge untu' pabuttiwi makkedaé banna iyaro Puwangnge Allataala, sibawa dé'gaga laingngé.

ULANGENG 4:39

Rimakkuwannanaro amaingekini iyaé essoé sibawa aja' muwallupaiwi: Puwangnge alé-aléna Allataala ri langié sibawa ri linoé; dé'gaga laingngé.

ULANGENG 7:9

Engngerangngi makkedaé Puwang Allataalamu iyanaritu séddi-séddinna Allataala, na Aléna Allataala iya matinulué. Puwangnge pennoiwi jancin-Na sibawa mappaitangngi pammasé-Na iya tette'é narapi sisebbu assossoreng lao ri tau iya pojiyéngngi sibawa turusiwi parénta-parénta-Na.

1 PETRUS 2:25

Riyolo pada-padako bimbala' iya pusaé, iyakiya makkekkuwangngé ritiwiko lisu untu' maccowériwi Pakkampi sibawa Pappiyara nyawamu.

1 PETRUS 2:9

Iyakiya iko iyanaritu bangsa iya ripilé, imang-ngimang iya tumaningiyéngngi Arungngé, bangsa iya mapaccingngé, banna untu' Allataala, umma'na muto Allataala. Allataala piléko sibawa mobbiko massu polé ri pettangngé untu' muttama ri laleng tajanna iya mattappaé, sibawa akkatta kuwammengngi muwappallebbangengngi biritta passalenna sining pangkaukenna iya dé'é padanna.

1 PETRUS 4:19

Rimakkuwannanaro, rékko engka sining tau iya manrasa-rasaé nasaba Allataala puwéloi makkuwaro, sitinajai sining tauwéro tuwoi sibawa tongeng enrengngé mabbéréyangngi aléna lao ri Pappancajinna mennang. Tuli narupaiwi matu jancin-Na.

1 YOHANES 5:20

Taissenni makkedaé Ana'na Allataala poléni sibawa purani mabbéré pappahang lao ri idi, kuwammengngi taissengngi Allataala iya tongengngé. Tuwoki masséddi sibawa Allataala iya tongengngé sibawa tuwo masséddi sibawa Ana'na Yésus Kristus. Iyanaé Allataala iya tongengngé, sibawa Aléna ritu atuwong tongengngé sibawa mannennungengngé.