MAZMUR 100:2 - KITTA KAREBA MADECENG

² Assompano lao ri Puwangnge sibawa marennu, poléno ri yolona sibawa élok-kélong marennu!

MAZMUR 100:2 ပူးပေါင်းရင်းမြစ်များ

1 ARUNG-NGARUNG 8:66

Ri esso maaruwaé nasuroni Salomo lisu sining tauwéro. Iya manenna mennang pojiwi nainappa lisu ri bolana sibawa ati marennu, nasaba sininna barakka iya puraé nabbéréyang Puwangnge lao ri atan-Na Daud sibawa lao ri bangsa Israélié umma'-Na.

2 TAWARIKH 29:30

Arungngé sibawa sining tomariyolona masaraka'é suroi sining tau Léwié makkélong untu' Puwangnge pappoji-pojiyang iya nakarangngé Daud sibawa Nabi Asaf. Makkélonni sininna tauwé sibawa marennu senna namakkaluttuto sompai Allataala.

2 TAWARIKH 31:2

Napattette'ni paimeng Arung Hizkia regu-regu sining imangngé sibawa tau Léwié situru abbagéngeng jamanna mennang. Iyaro jama-jamangngé muttama'ni gau'-gau' mangoloéwé: makkasuwiyangeng akkarobangeng ritunu sibawa akkarobangeng pappasidamé, tumaningiwi upacara assompangngé ri Bolana Puwangnge, sibawa pojiwi enrengngé mattarima kasi lao ri Puwangnge ri maddupa-rupang onrong ri laleng Bolana Puwangnge.

MAZMUR 42:4

Esso wenni terika, banna uwai mata inanréku. Puppu esso makkutana balikku, “Kégai Allataalamu?”

MAZMUR 71:23

Gora-goraka sibawa penno ariyo-riyong, nanakkélongeng tok-Ko pappojiyang. Tubu nyawaku makkélongngi sibawa marennu, saba' puraka Mupassalama.

MAZMUR 95:2

Laono mai tamangolo ri Aléna sibawa élong sukkuru, gora-gora untu' Aléna sibawa élong pappojiyang.

ULANGENG 12:12

Arennuno ri yolona Puwang Allataalamu, silaong ana'-ana'mu, ata-atammu sibawa sining tau Léwié iya monroé ri kota-kotamu, nasaba tau Léwié dé' nalolongeng bagiyang tana ri wanuwammu.

ULANGENG 16:11

Ri yolona Puwang Allataalamu, ri onrong iya Napilé, harusu'ko marennu silaong ana'-ana'mu, ata-atammu sibawa tau Léwié, tau laingngé, ana' béué sibawa sining janda iya monroé ri kota-kotamu.

ULANGENG 16:14

Assennas-sennanno sibawa ana'-ana'mu, ata-atammu, tau Léwié, tau laingngé, ana' béué sibawa sining jandaé iya monroé ri kota-kotamu.

ULANGENG 28:47

Purano ribarakkaki ri Puwang Allataalamu ri laleng sininna gau'éro, iyakiya dé' mumaélo mattumani ri Aléna sibawa ati iya masagénaé sibawa marennu.

FILIPI 4:4

Tennapodo tuli marennuko nasaba tuwoko masséddi sibawa Puwangngé. Siseppa makkeda: arennuno!