MAZMUR 1:3 - KITTA KAREBA MADECENG

³ Iyaro tauwé naduppai sininna usahana; pada-padai ajué ri wiring saloé iya mabbuwaé ri wettunna sibawa dé' naengka namakelle daunna.

MAZMUR 1:3 ပူးပေါင်းရင်းမြစ်များ

KAJAJIYANG 39:23

Iyaro kapala tarungkué dé'na najagaiwi sininna iya nappadettangengngé lao ri Yusuf, nasaba Puwangnge sibawangngi angkanna mallolongengngi ri laleng sininna jama-jamanna.

KAJAJIYANG 39:3

Naitani puwanna makkedaé, Puwangnge sibawangngi Yusuf narimakkuwannanaro namallolongeng makessing ri laleng sininna jama-jamang iya najamaé.

2 ARUNG-NGARUNG 18:7

Iyanaro saba'na natette Puwangnge tulungngi angkanna mallolongengngi ri laleng sininna usahana. Maronta'i lao ri arung Asyur, sibawa dé' namaélo tunru' lao ri aléna.

1 TAWARIKH 22:11

Nakkedapasi Daud, “Makkekkuwangngé, ana'ku, tennapodo Puwang Allataalamu tuli tulukko. Na tennapodo mulléi patettongengngi bola Puwangnge pada-pada iya puraé Najjanciyang.

1 TAWARIKH 22:13

Rékko muturusiwi sininna hukkung nabbéréyangngé Puwangnge lao ri Musa untu' bangsa Israélié, papoléko matu wassélé. Harusu'ko mateppe sibawa barani. Aja' mumétau moloiwi muwi aga.

2 TAWARIKH 31:21

Lolongengngi wassélé, nasaba sininna iya naébbué untu' Bolana Puwangnge iyaré'ga untu' turusiwi hukkung-hukkunna Puwangnge, napajoppai sibawa sukku atinna enrengngé pappoji lao ri Puwang Allataalana.

2 TAWARIKH 32:23

Maéga tau lao ri Yérusalém tiwi pakkasuwiyang untu' Puwangnge sibawa hadiya-hadiya untu' Hizkia, angkanna sipongennaro ripakalebbii ri sininna bangsaé.

AYUB 14:9

iyakiya rékko nagéssai uwai, tuwoi paimeng; pada-pada tanet-taneng maloloé, mompoi cura-cura'na paimeng.

AYUB 22:28

Tuli mallolongengngi matu usahamu, sibawa tajangngé tappai matu atuwommu.

MAZMUR 128:2

Muwanréi matu wassélé jama-jamammu, tuwo madécéng sibawa saléwangeng.

MAZMUR 129:8

Dé' nakkeda matu sining tau laloé, “Tennapodo ribarakkakiko ri Puwangnge, idi barakkakiko ri laleng asenna Puwangnge.”

MAZMUR 92:14

Padai mennang aju iya ritanengngé ri Bolana Puwangnge, sibawa mabbija ri Bolana Allataalata,

MAZMUR 92:15

aju iya mabbuwaé mupa ri wettu macowana, tette'i manyila matakka.

YESAYA 27:11

Rékko marakkoni takké-takkéna sibawa mapolo, poléni sining makkunraié sibawa pancajiwi aju tunung. Iyaro bangsaé dé' najeppuiwi aga-aga, na Allataala Pappancajiyé dé' matu naéloriwi iyaré'ga mamaséiwi mennang.

YESAYA 3:10

Makkedai Puwangnge, “Palettukengngi tau iya mapatoé lao ri iyya makkedaé masennangngi matu sibawa salama'i. Napéneddingiwi matu mennang wassélé turuppuse'na.

YESAYA 44:4

Tuwoi matu sibawa macommo pada-pada wellaé ri seddéna uwai, pada-pada pong gandarusaé ri wiring saloé.

YESAYA 58:11

Tuli upimpikko matu sibawa pamessoriko ri tana iya marakkoé; Ujagaiko matu kuwammengngi tette'ko madising sibawa mawatang. Pada-padako matu tammeng iya genne'é uwaina, pada-pada mata uwai iya dé'é naengka namarakko.

YEREMIA 17:8

Pada-pada pong ajué ri wiring salo massolo'é; makkalolo ure'na lettu ri uwai. Dé' namétau wettu timoé, tuli manyilai daud-daunna. Namuni nakennai timo wanuwaé, dé' namausé saba' tuli powassélé'i buwa.

YEHEZKIEL 17:8

Padahal iyaro pong anggoro'é tattanenni ri laleng tana iya macommo'é sibawa uwai iya maonaé, angkanna naulléi maddaung maworong, mabbuwa maéga, sibawa mancaji pong anggoro iya makessingngé.

YEHEZKIEL 19:10

Indo'mu samannai pong anggoro magello iya tuwoé ri dare macawé'é ri ana' saloé. Mancaji maworongngi sibawa mabbuwa saba' tabbollompollongngi uwai kuwaro.

YEHEZKIEL 31:5

Nasaba dé' naengka nakurang uwaina, macommo'i tuwona, takkéna maloppo sibawa malampé. Polé ri sininna ajué ri alé'é, aléna ritu kaminang matanré maccaloli.

YEHEZKIEL 47:12

Risillampé iya duwa wirinna saloéro tuwoi sininna rupanna pong buwa-buwaé. Daunna iyaro ajué dé' naengka namakelle, sibawa buwa-buwana dé' naengka nacappu. Iyaro ajukajungngé powassélé'i matu buwa-buwa iya barué tungke uleng, saba' uwai iya massolokiyéngngi poléi ri Bolana Puwangnge. Buwa-buwana mancaji inanréi sibawa daud-daunna makkégunai untu' pabbura.”

ABBILANGENG 24:6

Pada-pada lompo malowang iya mallebba'é, iyaré'ga tammeng ri wiring saloé; pada-pada pong gaharu iya natanengngé Puwangnge, iyaré'ga pong aras ri wiring saloé.

MATIUS 13:6

Iyakiya wettunna matanréni essoé, mammulani makelle cura'-cura'na sibawa maté nasaba dé' namalamung ure'na.

MATIUS 21:19

Naitana sipong ara ri wiring lalengngé. Nalaona ri pong araéro, iyakiya dé' nalolongengngi muwi séddi buwa sangadinna daud-daung bawang. Nainappa makkeda Yésus lao ri pong ajuéro, “Dé'na muwabbuwana matu!” Tappa matteru makelle iyaro pong araé.

MATIUS 21:34

Narapinana wettunna maccéppu buwa anggoro, nakirinni iyaro punna tanaé sining pattumaninna lao risining pajjamana dare' anggoro'éro untu' tarimai bagiyanna.

MATIUS 21:41

Nappébali mennang, “Pasti naunoi matu iyaro sining tau majaé, nainappa nappasséwang iyaro dare' anggoro'é lao ri tau laingngé iya maéloé mabbéréyangngi bagiyanna polé ri wassélé tanaéro ri wettunna.”

YOHANES 15:6

Tau iya dé'é natette' masséddi sibawa Iyya, riyabbéyangngi matu pada-pada takké, namancaji marakko. Takké-takké iya pada-padaéro ripaddeppungengngi matu, nariyabbéyang ri apié, nainappa ritunu.

ULANGENG 28:8

Puwang Allataalamu matu barakkakiwi usahamu sibawa lisekiwi sining lappomu sibawa gandong. Nabarakkakiko matu ri wanuwa iya Nawéréngngékko.

YUDAS 1:12

Wettummu pakangka pésta manré, kédo-kédona iyaro sining tauwé napéjariwi pappéneddingngé ri yelle'mu. Saba' manréi mennang sibawa mabuwaja temmasiri, enrengngé banna aléna bawang naéngngerang. Pada-padai mennang ritu ellungngé iya nairié anging, iyakiya dé' napateppa bosi. Pada-pada towi aju-kajungngé iya dé'é napowassélé' buwa namuni wettu buwa-buwani; sining pong ngaju iya puraé ribébbu ure'na sibawa maté sisenni.

WAHYU 22:2

ri tengnga-tengngana watattanaé ri kotaéro. Ri wirinna saloéro, ri wirinna wali-wali engka aju assalenna atuwongngé, iya mabbuwaé wékkaseppulo duwa sitaung, iyanaritu siseng siuleng. Daunna ripakéi untu' pajjappai bangsa-bangsaé.