MATIUS 8:3 - KITTA KAREBA MADECENG

³ Nakarawani Yésus iyaro tauwé, namakkedato, “Uwéloriwi. Ajjappano!” Iyatoro wettué najjappa lasana.

MATIUS 8:3 ပူးပေါင်းရင်းမြစ်များ

KAJAJIYANG 1:3

Nakkedana Allataala, “Ancajino tajang!” Naengkana tajangngé.

2 ARUNG-NGARUNG 5:11

Naéngkalinganaro, macaini Naaman sibawa makkeda, “Uwasengngi aléna matu massu méwaka sita, namassempajang lao ri Puwangnge, Allataalana, enrengngé pakédoi limanna ri yasé'na watakkaléku iya malasaéwé naumajjappa.

2 ARUNG-NGARUNG 5:14

Rimakkuwannanaro laoni Naaman ri Salo Yordan, nanauttama sibawa patallemme'i aléna ri laleng saloéro wékkapitu pada-pada iya nassurowangngé Elisa. Nanajjappana Naaman. Madisinni watakkaléna paimeng pada-pada watakkaléna kalloloé.

MAZMUR 33:9

Saba' makkeda-adai, Naripancaji maneng; Namabbéréi parénta, naengka maneng.

ASSURENG 4:7

Nanakkeda Puwangnge, “Puttama'i paimeng limammu ri laleng wajummu.” Napogau'ni Musa makkuwaro, na wettunna napassusi paimeng, iyaro limaé majjappani.

MATIUS 12:13

Nainappa makkeda Yésus lao ri tau iya maté siwalié limanna, “Loro'i limammu.” Naloro'ni limanna iyaro tauwé, najjappana limanna iyaro tauwé pada-pada limanna siwalié.

MARKUS 1:41

Namesséna Yésus ri tauwéro. Jaji nakarawani iyaro tauwé, nanakkedato, “Uwéloriwi, ajjappano!”

MARKUS 4:39

Moto'ni Yésus, nanagera'i iyaro angingngé, nanakkeda lao ri tapparengngé, “Ammekkono, tennanno!” Nasorona angingngé sibawa tennang senna'ni tapparengngé.

MARKUS 5:41

Nakkatenninni Yésus limanna iyaro ana'é nainappa makkeda, “Talita kum,” bettuwanna, “Ana' makkunrai, makkeda-Ka lao ri iko: oto'no!”

MARKUS 7:34

Purairo congani Yésus ri langié, nainappa mannyawa loppo sibawa makkeda lao ri tauwéro, “Efata,” bettuwanna, “Tabbukkano!”

MARKUS 9:25

Wettunna naita Yésus makkedaé mammulani polé tau maégaé makkatulung, nasuroni iyaro roh majaé meddé. Makkedani, “Eh roh mataru-tarué sibawa pépé, Uparéntakko massu polé ri ana'éwé sibawa aja' sises-sisenna mumattama ri lalenna!”

LUKAS 4:27

Makkuwatoro ri wettunna Nabi Elisa engka maéga tau ri Israélié malasa oli iya mappakatautaué, iyakiya dé' séddi polé ri mennang ripajjappa; sangadinna Naaman tau Siriaéro.”

LUKAS 5:13

Nakarawani Yésus iyaro tauwé nakkedato, “Upuwéloi, ajjappano!” Iyatoro wettué najjappa lasana.

LUKAS 7:14

Nainappa Yésus maddeppériwi uléreng ujuéro nanakarawai. Naléppanna iyaro sining tau mabbuléé. Nakkeda Yésus, “Eh kallolo, Usuroko moto!”

YOHANES 11:43

Purana makkeda makkuwaro, gorani Yésus sibawa sadda battowa, “Lazarus, assuko!”

YOHANES 15:24

Akkalarapanna ri tengnga-tengngana mennang dé' Upogau'i gau'-gau' iya dé'éppa naengka napogau'i tau laingngé, dé'na namadosa mennang. Iyakiya makkekkuwangngé purani naita aga iya Upogau'é, nanabenci-Ka mennang sibawa Ambo'-Ku.

YOHANES 5:21

Iyaro Ambo'é napaoto'i tau maté, sibawa nawéréngngi mennang atuwong tongengngé sibawa mannennungengngé; makkuwatoro Ana'é Nabbéréyangngi atuwong mannennungengngé lao ri tau iya maéloé nawéréng atuwong.