MATIUS 8:2 - KITTA KAREBA MADECENG

² Iyaro wettué poléni séddi tau iya malasa oli iya mappakatau-taué. Makkaluttuni ri yolona Yésus, nainappa makkeda, “Pa', rékko maéloki Pa', taullé pajjappaka' Pa'.”

MATIUS 8:2 ပူးပေါင်းရင်းမြစ်များ

2 SAMUEL 3:39

Namuni iyya arukka iya napilé Allataala, iyakiya makkekkuwangngé marasa malemmaka. Iyaro ana'-ana'na Zéruya mabecco senna. Dé' uwulléi kuwasaiwi mennang. Tennapodo Puwangnge hukkungngi sining tau majaéro, situru sibawa pangkaukenna mennang!”

2 ARUNG-NGARUNG 15:5

Puwangnge mébbui nakenna lasa oli iya mappakatau-taué, nanarapi maté, iyaro lasana dé' najjappa. Ripassalai riséddié bola sibawa ripaleppe polé ri jama-jamanna. Yotam ana' worowanéna paréntai ra'ya'é selaku wakkélé'na.

2 ARUNG-NGARUNG 5:1

Naaman iyanaritu pallima tentarana Siria iya ripoji senna'é sibawa riyangke ri arung Siria. Saba' naolai Naaman, mabbéréi Puwangnge apakalang lao ri tentara Siriaé. Naaman iyanaritu séddiwi pallima iya poré, iyakiya malasa olii iya mappakatau-taué.

2 ARUNG-NGARUNG 5:27

Nasaba mutarimai iyaro pabbéré, mutarima towi matu lasana Naaman. Mala untu' mannennungeng muwi wija-wijammu lolongeng towi matu iyaro lasaé!” Wettunna massu Géhazi polé kuwaro, lolongenni lasa oli – mancaji maputé senna'ni olina.

ABBILANGENG 12:10

Wettunna iyaro ellungngé nasalai Kémana Puwangnge, paitani Miryam nakenna lasa oli iya mabbahayaé; maputé olina pada-pada ape'é. Wettunna Harun giling lao ri Miryam sibawa mitai makkedaé nakennani iyaro lasaé,

MATIUS 10:8

Pajjappai sining tau malasaé; patuwoi sining tau iya mate'; pajjappai sining tau iya malasa oli mappakatautaué, sibawa paddésu'i sétangngé. Purani mutarima manenro sibawa cuma-cuma. Jaji abbéréyang towi sibawa cuma-cuma.

MATIUS 13:58

Rimakkuwannanaro dé' napogau'i Yésus maéga anu makalallaing kuwaro saba' dé' mennang namateppe'.

MATIUS 14:33

Nasuju'na massompa ana'-ana' gurunna Yésus. Makkedani mennang, “Tongekki Puwang iyanaritu Ana'na Allataala!”

MATIUS 15:25

Napolé iyaro makkunraié nasuju' ri yolona Yésus nakkeda, “Tulukka, Puwang.”

MATIUS 18:26

Nasuju'na iyaro ataé ri yolona iyaro arungngé, nanaéllauwi, ‘Puwang, sabbara'ki lao ri atatta. Maélo muwi atatta mpajai manengngi inrenna atatta.’

MATIUS 2:11

Muttama'ni mennang ri laleng bolaéro nanaitai iyaro Ana'é sibawa Maria, indo'-Na. Suju'ni mennang nanasompai iyaro Ana'é, nainappa natimpa onrong waramparanna, nanakkasuwiyangengngi lao ri ana'éro ulaweng, kamennyang, sibawa mur.

MATIUS 20:20

Napoléna bainéna Zébédéus sibawa ana'-ana'na ri Yésus. Suju'ni ri yolona Yésus untu' méllauwi anu séuwaé.

MATIUS 26:6

Wettunna Yésus engka ri Bétania, ri bolana Simon, iya nakennaé riyolo lasa oli iya mabbahayaé,

MATIUS 28:17

Wettunna mennang naita Yésus kuwaro, suju'ni mennang sompai. Iyakiya engka ri yelle'na mennang bata-bata.

MATIUS 28:9

Tappa polé muni Yésus méwai sita iyaro sining makkunraié, nakkeda, “Salama'!” Napoléna mennang maddeppériwi, nainappa nakaddao ajé-Na sibawa nasompai.

MATIUS 4:9

Nainappa makkeda Ibillisi' lao ri Yésus, “Iya manennaé uwérék-Ko matu, rékko suju'-Ko sompaka.”

MATIUS 8:1

Nonnoni Yésus polé ri bulu-bulué, namaéga tau maccowériwi.

MATIUS 8:25

Nalaona sining ana' gurun-Na nateddui. Namangobbi, “Pa', tulukki! Cilakaki'é!”

MATIUS 9:18

Ri wettu mabbicarana mupa Yésus sibawa sining ana' gurunna Yohanés Paccemmé, poléni séddi pamimpinna bola assompangngé. Makkaluttuni ri yolona Yésus, nakkeda, “Silalona maté ana' makkunraikku. Iyakiya, laoki mai takarawai kuwammengngi natuwo paimeng.”

LUKAS 4:27

Makkuwatoro ri wettunna Nabi Elisa engka maéga tau ri Israélié malasa oli iya mappakatautaué, iyakiya dé' séddi polé ri mennang ripajjappa; sangadinna Naaman tau Siriaéro.”

YOHANES 9:38

Nakkeda iyaro tauwé, “Mateppe'ka, Puwang.” Nasuju'na ri yolona Yésus.

RIWAYA'NA RASUL-RASUL-E 10:14

Nappébali Pétrus, “Dé' Puwang! Dé'pa naengka uwanré aga-aga iya harangngé iyaré'ga najisi'é.”

RIWAYA'NA RASUL-RASUL-E 10:25

Lettu'nana Pétrus, laoni Kornélius duppaiwi sibawa suju' ri yolona.

1 KORINTUS 14:25

Gau'-gau' iya tassubbué ri laleng atinna ripannessai matu, angkanna napakariyawai matu aléna nainappa nasompa Allataala. Mangakui matu makkedaé tonget-tongengngi Allataala engka ri tengnga-tengngamu.

WAHYU 19:10

Tassulunna ri yolona iyaro malaéka'é maélo sompai, iyakiya makkedai lao ri iyya, “Aja'! Aja' musompaka, sompai Allataala! Saba' iyya atato pada-pada iko enrengngé pada-pada sininna saudaramu iya makkatenning masse'é ri asabbiyanna Yésus!” Saba' asabbiyanna Yésusnaro iya panurungengngéngngi tau iya mabbotoé.