MATIUS 7:7 - KITTA KAREBA MADECENG

⁷ “Ellauno, namutarimai matu. Sappai, namulolongengngi matu. Getto'i, naritimpakekko matu tange'é.

MATIUS 7:7 ပူးပေါင်းရင်းမြစ်များ

KAJAJIYANG 26:32

Iyatoro essoé napolé ata-atanna Ishak sibawa laporo'i ri aléna passalenna bujung iya puraé nakali mennang. Adanna mennang, “Lolongenni uwai.”

1 ARUNG-NGARUNG 3:5

Iyaro wennié nappaitangngi aléna Puwangnge ri aléna ri laleng nippi sibawa makkeda, “Salomo, éllauni aga muwacinnai, iyaro uwérékko matu!”

MAZMUR 10:17

Puwang, Muwéngkalingai sempajanna tau matunaé sibawa péwatangiwi atinna mennang.

MAZMUR 10:4

Tau madosaé dé' napaduliwi Puwangnge matu, nasaba tempona mappikkiri'i dé'gaga Allataala.

MAZMUR 119:12

Upoji-Ko, oh Puwang, pagguruka attettekem-Mu.

MAZMUR 27:8

Makkeda-Ko, “Poléno sompa-Ka.” Ubaliwi, “Masitta'ka polé, oh Puwang;

MAZMUR 34:4

Sibawakka pakarajai Puwangnge, laono mai tasibawa pakalebbii asen-Na.

MAZMUR 37:4

Sappani asennangemmu ri Puwangnge, Nanasennangiwi matu cinnana atimmu.

MAZMUR 50:15

Angobbino ri Iyya ri wettu aperisengngé, Upaleppe'ko matu, namupoji-Ka matu.”

MAZMUR 69:32

Lebbi naéloriwi Puwangnge iyaro naiya akkarobangeng sapingngé, akkarobangeng saping lai iya battowaé.

MAZMUR 70:4

Leppessangngi tau iya cawa-cawaiyékka mancaji tasséleng sibawa masiri.

MAZMUR 86:5

Makessikko, oh Puwang, sibawa mupoji maddampeng, tau iya massempajangngé lao ri Iko tette'i Muwamaséi sibawa pammasé iya maonaé.

AMSAL 8:17

Uwamaséiwi mennang iya pojiyékka; iya sappaékka, naruntu'ka matu.

ELONG MARAJA 3:2

Maéloka moto sibawa mattulilingiwi kotaé, jalajja'i sininna lalengngé sibawa loronna. Maéloka sappai canriku; usappai, iyakiya siya-siyai.

YESAYA 30:19

Eh iko iya monroé ri Yérusalém, dé' mumatteru matu teri. Maressé babuwai Puwangnge, sibawa nabaliko masitta rékko mangobbiko méllau tulung ri Aléna.

YEREMIA 33:3

“Angobbino ri Iyya, na Umetté matu; Upaissengiko matu gau'-gau' iya magelloé sibawa mappabengngaé iya dé'éppa muwissengngi.

AMOS 5:4

Makkedai Puwangnge lao ri umma Israélié, “Lisuno lao ri Iyya, namutuwo matu.

MATIUS 18:19

Naisseng towi: Rékko ri yelle'mu ri linoéwé duwa tau siyempe' passalenna agi-agi sibawa nassempajangenna, iyaro sempajanna natarimai matu Ambo'-Ku ri surugaé.

MATIUS 21:22

Agi-agi muwéllau ri laleng sempajammu, mutarimai matu, assaleng mateppe'ko.”

MATIUS 6:33

Jaji usahakangngi riyolo', kuwammengngi napparénta Allataala ri laleng atuwo-tuwommu sibawa pogau'ni élo-Na. Naiya manenna laingngé nawéréttokko matu Allataala.

MATIUS 7:11

Namuni majako, iyakiya muwisseng towi mabbéréyangngi iya makessingngé lao ri ana'-ana'mu, apalagi Ambo'mu ri surugaé? Lebbi-lebbipi Ambo'mu ri surugaé nabbéréyangngi matu iya makessingngé lao ri tau iya méllauwéngngi ri Aléna.

MATIUS 7:8

Nasaba tau iya maréllauwé, natarimai matu; tau iya massappaé nalolongengngi matu; na tau iya maggettoé ritimpakengngi matu tange'.

MARKUS 11:24

Rimakkuwannanaro éngngerangngi iyaé: Rékko massempajakko sibawa engka muwéllau, ateppe'ko makkedaé purano nawéréng Allataala aga muwéllau, namutarimai matu.

LUKAS 13:25

Wettunna moto punna bolaé sibawa nasului tange'na, tettokko ri saliweng namumammula maggetto-getto sibawa makkeda, ‘Puwang, timpakekki tange!’ Nappébali matu iyaro Puwangngé, ‘Dé' uwissekko, polé kégao!’

LUKAS 18:1

Purairo nacuritani Yésus séddi pakkalarapangeng untu' paggurui ana'-ana' gurun-Na kuwammengngi natuli massempajang sibawa dé' napettu paddennuwang.

YOHANES 15:16

Tenniya iko pilé-Ka. Iyya ritu piléko, sibawa suroko lao untu' mabbuwa maéga – buwa-buwa iya dé'é nawedding binasa. Nawérékko Ambo'é agi-agi muwéllau ri Aléna ri laleng asek-Ku.

YOHANES 15:7

Rékko tette'ko masséddi sibawa Iyya enrengngé pappagguruwak-Ku monroi ri laleng atimmu, éllauni ri Ambo'é; agi-agi muwacinnai; iyaro paréllaummu ripaddupai matu.

YOHANES 4:10

Nappébali Yésus, “Akkalarapanna muwissengngi pabbéréna Allataala sibawa niga iya méllauwé uwai rinung ri iko, tentu méllau tokko uwai rinung ri Aléna, na-Nawérékko matu uwai tuwo.”

ROMA 2:7

Allataala mabbéréyangngi atuwong tongengngé sibawa mannennungengngé lao ri mennang iya mattunru-tunrué pogau' décéng untu' lolongeng iya malebbié, iya ripakarajaé sibawa mannennungengngé.

ROMA 3:11

dé' muwi séddi tau pahangngi sibawa dé' muwi séddi tau sompai Allataala.

IBRANI 11:6

Temmateppe, dé' muwi séddi tau mulléi sennangiwi atinna Allataala. Saba' tau iya laowé ri Allataala harusu'i mateppe' makkedaé engka Allataala sibawa Allataala mpale'i tau iya sappaéngngi.

YAKOBUS 5:15

Rékko sining sempajanna mennang ripalettu'i ri Puwangngé sibawa mateppe', napajjappai matu Puwangngé iyaro tau malasaé, jaji Puwangngé mappajjappa, sibawa maddampengengngi dosa-dosaé iya puraé napogau'.

1 YOHANES 3:22

Na aga riyéllau polé ri Aléna, talolongengngi, nasaba matinuluki ri parénta-parénta-Na sibawa pogau'i aga iya pésennangiyéngngi atin-Na.