MATIUS 7:3 - KITTA KAREBA MADECENG

³ Magi muwitai bulisa'é ri laleng matanna silessuremmu, na balo'é ri laleng matammu dé' mupéneddingiwi?

MATIUS 7:3 ပူးပေါင်းရင်းမြစ်များ

MATIUS 7:4

Pékkugi mulléi makkeda lao ri silessuremmu, ‘Laono mai upassurekko bulisa'é polé ri matammu’, na ri laleng matammu engka balo'?

MATIUS 7:5

Eh munapé'! Passuni riyolo' iyaro balo'é polé ri matammu, nainappako makkita sibawa manessa, nanamuwulléi passui bulisa'é polé ri matanna silessuremmu.

LUKAS 18:11

Iyaro tau Farisié natampuiwi arona namassempajang ri laleng ati, ‘Oh Allataala, mattarima kasi'ka ri Idi, saba' dé' upada-pada tau laingngé, iya mangowaé, macéko-céko iyaré'ga malaweng. Sukkuru'ka saba' dé' upada iyaro passinge' simaé.

ROMA 2:1

Rimakkuwannanaro, Saudara-saudara, niga Saudara angkanna Saudara maélo passalai tau laingngé? Dé' agaga nappunnai Saudara untu' méwaiwi alému! Saba' rékko Saudara passalai tau laingngé, padahal napogau' towi Saudara pangkaukeng iya pada-padaé mennang, tentu Saudara pakennai towi aléna pahukkungeng.

GALATIA 6:1

Saudara-saudara! Rékko séddié tau ripoléiwi pogau' séddi dosa, sitinajako iya tuwoé manuru' Rohna Allataala, pimpingngi iyaro tauwé lisu ri laleng iya tongengngé. Iyakiya harusu'ko pogau'i iyaro sibawa malemma, sibawa jagaiwi aja' narapii alémmu rigodato.