MATIUS 6:3 - KITTA KAREBA MADECENG

³ Iyakiya iko, rékko mabbéréko sidekka, abbéréko sibawa mammekko-mekko, angkanna dé'gaga missengngi.

MATIUS 6:3 ပူးပေါင်းရင်းမြစ်များ

MATIUS 12:19

Dé' matu Nassasa iyaré'ga gora, iyaré'ga mappidatong risining watattanaé.

MATIUS 6:2

Jaji rékko mabbéréko sidekka ri tau kasiyasié, aja' mugora-gorangngi iyaro gau'é pada-pada iya napogau'é sining munapé'é. Napoji mennang pogau'i iyaro ri laleng bola assompangngé sibawa ri watattanaé, kuwammengngi naripoji ri tauwé. Engngerangngi purani mennang natarima sarona.

MATIUS 6:4

Leppessangngi siya iyaro pangkaukemmu dé'gaga missengngi muwi niga, sangadinna Ambo'mu ri surugaé. Naitai pangkaukemmu iya tassubbuéro nanawérékko matu saro.”

MATIUS 8:4

Nakkeda Yésus lao ri aléna, “Engngerangngi! Aja' mucuritai lao ri nigi-nigi. Iyakiya laoko ri imangngé, namuwéllauwi untu' pattentui makkedaé majjappano. Purairo akkasuwiyangenno akkarobangeng iya napparéntangngé Musa, selaku butti lao ri tauwé makkedaé tonget-tongenno majjappa!”

MATIUS 9:30

Naweddinna makkita mennang. Riparéngngerangini mennang ri Yésus sibawa matedde kuwammengngi aja' nappaissengengngi iyaro gau'é lao ri nigi-nigi.

MARKUS 1:44

“Jaga-jagako, aja' mucuritai lao ri nigi-nigi, iyakiya laoko ri imangngé, namuwéllauwi untu' pattentui makkedaé majjappano. Nainappa untu' ajjappammuro, akkasuwiyangekko akkarobangeng situru napparéntangngé Musa, selaku butti lao risining tauwé makkedaé tonget-tongenno majjappa.”

YOHANES 7:4

Dé'gaga tau subbui matu aga iya napogau'é, rékko maéloi tarompo. Rékko Mupogau'i gau'-gau' pada-padaéro, naissengngi sininna linoé!” (