MATIUS 5:3 - KITTA KAREBA MADECENG

³ “Masennangngi tau iya marasa dé'é pakkullénna na banna maddennuwang ri Puwangngé bawang; anggotanai iyanaritu umma'na Allataala!

MATIUS 5:3 ပူးပေါင်းရင်းမြစ်များ

2 TAWARIKH 33:12

Ri laleng anrasa-rasannaro napakariyawai aléna lao ri Puwang Allataalana, sibawa massempajang méllauwi pattulun-Na.

2 TAWARIKH 33:19

Ri laleng kitta Sejarana Nabi-nabié pura toni riyoki sempajanna Manasyé sibawa pappébalinna Allataala lao ri sempajannaro, enrengngé curita passalenna dosa-dosana ri wettu dé'napa natoba', sining onrong assompang barahalaé sibawa dato'-dato'na Déwi Asyéra iya naébbué, nenniya sining barahala iya nasompaé.

2 TAWARIKH 33:23

Iyakiya silaingengngi sibawa ambo'na, Amon dé' napakariyawai aléna sibawa dé' nalisu lao ri Puwangnge; mala lebbi madosai naiya ambo'na.

2 TAWARIKH 34:27

massesse kaléko sibawa pakariyawai alému riyolo-Ku. Pura-Ka mangancang untu' hukkungngi Yérusalém sibawa pabbanuwana, iyakiya wettunna muwéngkalinga passalenna angancangek-Kuro teriko sibawa sapé'i pakéyammu tanrang masara. Uwéngkalingani sempajammu,

2 TAWARIKH 7:14

nainappa umma'-Ku iya pakééngngi asek-Kuro pakariyawai aléna, namassempajang sibawa lao ri Iyya enrengngé nasalaiwi pangkaukenna mennang iya majaé, na polé ri surugaé Uwéngkalingai matu sempajanna mennang. Uwaddampengengngi matu dosa-dosana sibawa pancajiwi wanuwanna macommo paimeng.

AYUB 42:6

Rimakkuwannanaro masirika méngngerangngi sininna ada-adakku nanasibawang sessekalé tudakka ri laleng awué.”

MAZMUR 1:1

Masennangngi tau iya dé'é naccowériwi pangajana tau majaé, dé' nacontoi tau madosaé nenniya dé' nasiwollompollong sibawa tau iya pakatunaéngngi Allataala,

MAZMUR 112:1

Pojiwi Puwangnge! Masennangngi tau mateppe'é, iya pojiyéngngi sining paréntana Puwangnge.

MAZMUR 128:1

Elong ziyara. Masennangngi tau iya mateppe'é sibawa tuwo situru paréntana Allataala.

MAZMUR 146:5

Masennangngi tau iya mattuwangngéngngi Puwang Allataalana, sibawa mappunnaiwi Allataalana Yakub selaku pattulunna.

MAZMUR 2:12

suju'no ri yolo-Na sibawa ténré, aja' narapii mancaji macai Puwangnge naripaccappuko silalona, saba' malluwa'i cai-Na tennasenna-senna. Masennangngi tau iya mallinrungngé ri Puwangnge!

MAZMUR 34:18

Rékko mangobbii tau malempué, naéngkalingai Puwangnge, sibawa passalama'i mennang polé ri sininna aperisengngé.

MAZMUR 41:1

Untu' pamimping kor. Mazmurna Daud.

MAZMUR 51:17

Oh Puwang, tulukka mabbicara, naupoji-poji-Ko matu.

MAZMUR 84:12

Saba' Puwang Allataala pallinrutta sibawa arung iya marajaé, iya mpéréngngékki pammasé sibawa alebbireng. Dé' naengka nasampéyangngi muwi aga iya makessingngé lao ri tau iya atuwonnaé dé' cellana.

AMSAL 16:19

Lebbi kessing muwi mariyawa atié sibawa dé' nakéwaramparang, naiya maccowéé ri tau matempoé sibawa péneddingiwi waramparang rampasa'na mennang.

AMSAL 29:23

Tau matempoé ripakariyawai matu; tau iya mariyawa atié ripojiwi matu.

AMSAL 8:32

Rimakkuwannanaro, éngkalingaka, éh kallolo! Turusiwi panunju'ku, namumasennang matu.

YESAYA 30:18

Namuni makkuwaro, natajengngi Puwangnge wettunna untu' mappaitangngi paressé babuwa-Na lao ri iko. Sadiyai untu' mamaséiko. Saba' Puwangnge iyanaritu Allataala iya pogau'éngngi aga iya teppa'é. Masennangngi tau iya mamménasaé ri Aléna.

YESAYA 57:15

Saba' makkuwaiyé adanna Allataala Iya Pommatanré sibawa mapaccingngé, iya makuwasaé untu' mannennungeng, “Monroka ri onrong iya matanré sibawa mapaccingngé, iyakiya ri yelle'nato sining tau iya mariyawa atié sibawa iya sesse'éngngi dosa-dosana, untu' palisui sumange'na sibawa amménasanna mennang.

YESAYA 61:1

Akuwasanna Puwang Iya Pommatanré engkai ri aléku; napiléka sibawa nasuroka untu' tiwi karéba lao ri tau kasiyasié sibawa pajjappai tau iya mareppo'é atinna; untu' mappallebbangengngi lao ri tau ritahangngé makkedaé ripaleppe'i mennang masitta, sibawa lao risining tauwé ri laleng tarungkué makkedaé ripaleppe'i matu mennang.

YESAYA 66:2

Sininna alangngé iyanaritu ébbu limak-Ku, na sininnaro ripancajiwi. Iyakiya iya Upojiyé iyanaritu tau iya mariyawa atié, iya sesse'éngngi dosa-dosana, iya métaué sibawa mapatoé ri Iyya.

MIKHA 6:8

Dé'! Puwangnge pura pannessai lao ri idi aga iya makessingngé. Iya Natuntu'é polé ri idi iyanaritu kuwammengngi nakédo adélé'ki, tuli makkammalakengngi pappoji pammasé, enrengngé mariyawa ati tuwo masséddi sibawa Allataalata.

MATIUS 11:25

Iyaro wettué massempajanni Yésus, “Ambo', Puwang iya makuwasaiyéngngi langié sibawa linoé! Mattarima kasi'-Ka lao ri Iko saba' iya manennaro Murahasiyakangngi polé risining tau maccaé sibawa engkaé pangissengenna, iyakiya Muwappaitangngi lao risining tau dé'é namacca.

MATIUS 11:6

Masennangngi tau iya dé'é nappunnai alasang untu' sampéyangngi Iyya”

MATIUS 13:16

Nakkeda Yésus lao ri ana'-ana' gurun-Na, “Iyakiya temmaka upe'mu iko, saba' tonget-tongengngi muwita sibawa muwéngkalinga.

MATIUS 19:14

Nakkeda Yésus lao ri ana'-ana' gurun-Na, “Leppessangngi iyaro ana'-ana'é lao ri Iyya! Aja' muwattéyangngi mennang, saba' sining tau makkuwaéwé mancaji anggotana umma'na Allataala.”

MATIUS 24:46

Temmaka senna'na iyaro pattumanié rékko lisui puwanna, nanapoléiwi mattonget-tongeng pogau'i jama-jamanna.

MATIUS 25:34

Nainappa makkeda matu iyaro Arungngé lao risining tauwé ri seddé ataun-Na, ‘Laono mai iko iya nabarakkakiyé Ambo'-Ku. Uttama'no ri laleng akkarungeng iya napassadiyangengngékko mappammulai pammulanna linoé.

MATIUS 3:2

Adanna, “Toba'no polé ri dosa-dosamu, saba' dé'na namaitta napparénta matu Allataala selaku Arung!”

MATIUS 8:11

Tongeng! Maéga tau polé alau sibawa yajang untu' mariyo-riyo sibawa Abraham, Ishak enrengngé Yakub ri laleng Lino Barunna Allataala.

MARKUS 10:14

Naitana gau'éro, macaini Yésus nakkeda lao ri ana'-ana' gurun-Na, “Leppessangngi siya iyaro ana'-ana'é lao ri Iyya! Aja' muwattéyangngi mennang, saba' sining tau pada-padaénnaé mancaji anggotana umma'na Allataala.

LUKAS 11:28

Iyakiya mappébaliwi Yésus, “Lebbi masennappi tau iya méngkalingaéngngi ada-adanna Allataala sibawa pajoppaéngngi!”

LUKAS 18:14

Nakkeda Yésus, “Ateppe'no, wettunna lisu ri bolaé, iyaro passinge' simaé ritarimai ri Allataala na tenniya iyaro tau Farisié. Saba' tungke' tau iya pakatanréngngi aléna ripakariyawai matu; natungke tau iya pakariyawaéngngi aléna ripakatanréi matu.”

LUKAS 22:29

Pada-pada Ambo'é pura mpérék-Ka ha' untu' mapparénta, makkuwatoniro Uwérékko matu iyaro ha'é.

LUKAS 22:30

Narimakkuwannanaro weddikko maccowé massennas-sennang sibawa Iyya ri wettuk-Ku mancaji Arung. Natudakko matu ri yasé'na seppuloé duwa kadéra akkarungengngé untu' paréntai seppuloé duwa suku bangsana Israélié.”

LUKAS 4:18

“Engkai Rohna Puwangngé ri Iyya, saba' pura-Ka nalanti' untu' mabbirittangngi Karéba Madécéngngé lao ri tau kasiyasié. Nasuro-Ka untu' mappallebbangengngi aleppekengngé lao ri tau ritawangngé sibawa ajjappang lao ri tau butaé; untu' paleppe'i tau iya ripanrasa-rasaé

YOHANES 20:29

Nakkeda Yésus lao ri aléna, “Mateppe'ko saba' pura-Ka muwita? Masennangngi tau iya mateppe'é, namuni dé' naita-Ka!”

ULANGENG 8:2

Engngerangngi! Patappulo taung ittana Puwang Allataalamu pimpikko ri laleng allalengeng mabélaé molai padang kessi'é. Iyaro allalengengngé nakkattaiwi Puwangnge untu' cobaiko, kuwammengngi Naulléi mitai aga tattampu ri laleng atimmu sibawa aga muturusiwi matu parénta-parénta-Na.

YAKOBUS 1:10

Sibawa tau Kristéng iya sugié sitinajai marennuto, rékko Allataala pakariyawai. Saba' lennye'i matu tau sugié pada-pada unga wellaé.

YAKOBUS 1:12

Masennangngi tau iya mattahangngé ri wettunna péneddingi paccobang. Saba' rékko naulléi mattahang ri laleng paccobangngé, natarimai matu sarona, iyanaritu atuwong iya puraé najjanciyang Allataala lao risining tau iya mamaséiyéngngi Allataala.

YAKOBUS 2:5

Engngerangngi, Saudara-saudara iya ripojiyé! Tau iya nangga'é kasiyasi linoéwé, napiléi Allataala untu' mancaji sining tau iya sugié ri laleng teppe'. Iyaro sining tauwé mancajiwi matu anggota umma'na Allataala pada-pada iya najjanciyangngé Allataala lao ri tau iya mamaséiyéngngi Aléna.

WAHYU 19:9

Nainappa makkeda iyaro malaéka'é lao ri iyya, “Okii iyaé: ‘Masennangngi tau iya riundangngé lao ri pésta akawingenna iyaro Ana' Bimbala'é.’ ” Nainappa iyaro malaéka'é tambai towi, “Iyanaé biritta tongeng polé ri Allataala.”

WAHYU 22:14

Masennangngi sining tau iya sessa'éngngi jumbana gangka mapaccing. Mappunnaiwi mennang ha' manréi buwa polé ri pong atuwongngé enrengngé muttama ri laleng kotaéro lalo ri pintu gerbanna.

WAHYU 3:17

Makkedako, ‘Sugiki enrengngé genne maneng; dé' taakurangeng aga-aga.’ Iyakiya dé' muwissengngi pékkugi kasiyasimmu sibawa pékkugi mappakaessé-esséna keadaammu! Kasiyasiko, mallusu-lusu, enrengngé buta.