MATIUS 4:9 - KITTA KAREBA MADECENG

⁹ Nainappa makkeda Ibillisi' lao ri Yésus, “Iya manennaé uwérék-Ko matu, rékko suju'-Ko sompaka.”

MATIUS 4:9 ပူးပေါင်းရင်းမြစ်များ

MAZMUR 72:11

Sininna arungngé suju'i matu ri yolona, sininna bangsaé mancajiwi ata-atanna.

AMSAL 8:15

Ubantuwi sining arungngé pajoppai apparéntangngé, utulungngi sining panguwasaé patettongngi adélé'é.

DANIEL 4:32

Ripaddésu'ko matu polé ri masaraka tolinoé, nenniya tuwo sibawa sining olokolo'é ri padangngé. Pituttaung ittana manréko matu wella pada-pada sapingngé. Purairo muwangakuiwi matu makkedaé Allataala Iya Pommatanré makuwasai ri yasé'na akkarungenna tolinoé na iyaro akkarungengngé Nabbéréyangngi lao ri nigi-nigi iya Napilé.”

MATIUS 26:15

Makkedai ri mennang, “Aga maélo muwérékka rékko uwabbéréyangngi Yésus lao ri iko?” Nanabilanna telluppulo dowi péra'; nainappa nawéréng iyaro dowié.

MATIUS 4:10

Nappébali Yésus, “Addésu'ko Ibillisi'! Ri laleng Kitta'é tarokii: Sitinajako sompai Puwang Allataalamu, sibawa tumaningiwi Aléna bawang!”

YOHANES 12:31

Narapini wettunna makkekkuwangngé riyadéléki linoé; risulléini panguwasana linoé makkekkuwangngé.

YOHANES 13:3

Naissenni Yésus makkedaé pura nabbéréyanni Ambo'é sininna akuwasangngé lao ri Aléna. Naisseng towi makkedaé poléi ri Allataala sibawa maéloi lisu ri Allataala.

YOHANES 14:30

Dé' namaéga Upowada matu lao ri iko, saba' narapini wettunna panguwasana linoéwé polé. Iyakiya dé' nakuwasaiwi alé-Ku.

YOHANES 16:11

sibawa makkedaé mappammulani Allataala pahukkung, saba' purani rihukkung panguwasana linoé.

2 KORINTUS 4:4

Déwata maja iya makuwasaéngngi linoéwé tongkoi pikkiranna sining tau iya dé'é namateppe'ro. Iyanaritu lawa-lawaiwi mennang kuwammengngi mennang dé' naitai tajang polé ri Karéba Madécéngngéro passalenna arajanna Kristus, iya maddapangengngéngngi gambara'na Allataala.

1 TIMOTIUS 3:6

Séddié pamimping jema' dé' nawedding tau iya nappaé mancaji Kristéng, saba' matempoi matti angkanna tattanroi pada-pada Ibillisi'é riyolo.

WAHYU 19:10

Tassulunna ri yolona iyaro malaéka'é maélo sompai, iyakiya makkedai lao ri iyya, “Aja'! Aja' musompaka, sompai Allataala! Saba' iyya atato pada-pada iko enrengngé pada-pada sininna saudaramu iya makkatenning masse'é ri asabbiyanna Yésus!” Saba' asabbiyanna Yésusnaro iya panurungengngéngngi tau iya mabbotoé.

WAHYU 19:16

Ri jumbana sibawa ri poppan-Na tarokii asengngéwé, “Arunna sininna arungngé, sibawa Puwanna sininna puwangngé.”