MATIUS 4:4 - KITTA KAREBA MADECENG

⁴ Nappébali Yésus, “Ri laleng Kitta'é tarokii: Tolinoé dé' naulléi tuwo polé ri rotié bawang, iyakiya polé towi ri tungke' ada-ada iya napowadaé Allataala.”

MATIUS 4:4 ပူးပေါင်းရင်းမြစ်များ

ASSURENG 16:15

Wettunna naita tau Israélié, dé' naissengngi aga iyaro. Namakkutanana séddié lao ri laingngé, “Aga iyaro?” Nanakkeda Musa lao ri mennang, “Iyanaro inanré iya nabbéréyangngé Puwangnge lao ri iko.

ASSURENG 16:35

Iyaro mannaé mancajiwi inanréna tau Israélié patappulo taung ittana mangoloé, narapi lettu ri Kanaan, onronna mennang mattette. (

ASSURENG 16:8

Puwangnge mpérékko matu juku ri arawéngngé, sibawa roti ri éléé gangkammu messo, nasaba naéngkalingani Puwangnge macaiko lao ri Aléna. Sitongenna, rékko macaiko lao ri idi, macaiko lao ri Puwangnge.”

ASSURENG 23:15

Ri laleng uleng Abib ri wettu iya ripattentué, harusu'ko ramé-raméiwi Pésta Roti Dé'é Raginna sibawa cara-cara iya puraé Uparéntakko, saba' ri laleng ulengngéro musalaiwi Maséré. aja' muwanré roti iya riyébbué paké ragi ri laleng ramé-ramé pitungngessoéro ittana. Assaleng laoko massompa ri Iyya, harusu'ko tiwi pakkasuwiyang.

MATIUS 15:11

Iya muttama'é ri temué dé' napanajisi'i tauwé'; iya bawang massué polé ri témunna, iyanaritu mébbui tauwé najisi'.”

MATIUS 4:10

Nappébali Yésus, “Addésu'ko Ibillisi'! Ri laleng Kitta'é tarokii: Sitinajako sompai Puwang Allataalamu, sibawa tumaningiwi Aléna bawang!”

MATIUS 4:7

Nappébali Yésus, “Iyakiya ri laleng Kitta'é taroki towi, ‘Aja' mucobaiwi Puwang Allataalamu.’ ”

MARKUS 7:20

Nainappasi makkeda Yésus, “Iya massué polé ri tauwé, iyanaritu carépaiwi.

LUKAS 4:12

Nappébali Yésus, “Ri laleng Kitta'é tarokii, ‘Aja' mucobaiwi Puwang, Allataalamu.’ ”

LUKAS 4:4

Nappébali Yésus, “Ri laleng Kitta'é tarokii, ‘Rupa tauwé dé' naulléi tuwo polé ri rotié bawang.’ ”

LUKAS 4:8

Nappébali Yésus, “Ri laleng Kitta'é tarokii, ‘Sitinajako pakalebbii Puwang Allataalamu sibawa tumaningiwi Aléna bawang!’ ”

YOHANES 15:26

Usuroi matu lao ri iko Pattulung iya polé ri Ambo'é. Iyanaritu Roh iya pannessaéngngi matu atongengeng passalenna Allataala. Rékko poléi, mabbéréi matu asabbiyang passalek-Ku.

YOHANES 6:63

Iya patuwoéngngi rupatauwé iyanaritu Rohna Allataala. Awatangenna rupa tauwé dé'gaga gunana. Ada-ada iya Upalettukengngékkoé iyanaritu ada-adanna Rohna Allataala iyanaritu ada-ada iya mabbéré atuwong.

ROMA 15:4

Sininna iya riparisure'é ri laleng Kitta'é iyanaritu untu' pagguruki. Saba' pappagguruwang iya ritarimaé polé ri Kitta'é pancajiki sabbara' sibawa mawatang, angkanna weddikki maddennuwang lao ri Allataala.

EFESUS 6:17

Alai asalamakengngé selaku palo-palo baja, sibawa ada-adanna Allataala selaku peddang polé ri Rohna Allataala.

ULANGENG 8:3

Naleppessakko alupureng, nainappa Nawérékko manna untu' inanré. Iko sibawa toriyolomu dé' naengka nanréi iyaro inanré ri yolona. Napogau'i Puwangnge makkuwaéro untu' pagguruko makkedaé tolinoé dé' natuwo polé ri inanré bawang, sangadinna poléi risininna iya napowadaé Puwangnge.