MATIUS 4:3 - KITTA KAREBA MADECENG

³ Poléni Ibillisi' sibawa makkeda, “Ana' Allataala-Koto? Nah, suroi batu-batuéwé mancaji roti.”

MATIUS 4:3 ပူးပေါင်းရင်းမြစ်များ

ASSURENG 16:3

Makkedani mennang, “Lebbi kessing muwi akkalarapanna purani nauno Puwangnge ri Maséré. Kuwaro wedding muki tudang: manré juku sibawa roti gangka messo. Iyakiya mutiwiki lao kuwaé kuwammengngi tamaté maneng alupureng.”

MATIUS 14:33

Nasuju'na massompa ana'-ana' gurunna Yésus. Makkedani mennang, “Tongekki Puwang iyanaritu Ana'na Allataala!”

MATIUS 16:16

Nappébali Simon Pétrus, “Bapa' iyanaritu Arung Pappassalama'é, Ana'na Allataala Iya Tuwoé.”

MATIUS 26:63

Iyakiya mammekko bawammi Yésus. Siseppi makkeda iyaro imang lompoé lao ri Yésus, “Nasabbing Allataala iya tuwoé, powadani Ikoga Arung Pappassalama'é, Ana'na Allataala?”

MATIUS 3:17

Nainappa naéngkalingani saddanna Allataala makkeda, “Iyanaé Ana'-Ku iya Uwamaséiyé. Napésennangi atik-Ku.”

MARKUS 1:1

Iyanaé Karéba Madécéng passalenna Yésus Kristus, Ana'na Allataala.

MARKUS 3:11

Sining tau iya nauttamakiyé roh maja, sises-siseng naitai, matteru bawammi suju' ri yolo-Na sibawa gora, “Ikona Ana'na Allataala!”

MARKUS 5:7

Nasibawang sadda battowa gorani, “Yésus, Ana'na Allataala Iya Pommatanré! Maélo-Ko magaka? Uwéllauwi ri laleng asenna Allataala, aja' Mupanrasa-rasaka!” (

LUKAS 1:35

Nappébali iyaro Malaéka'é, “Poléi matu Rohna Allataala ri iko, sibawa akuwasanna matu Allataala salipuriko. Iyanaro saba'na ana' iya mujajiyangngé matu riyasengngi matu Mapaccing, Ana'na Allataala.

LUKAS 22:70

Makkeda manenni mennang, “Rékko makkuwaitu, Ana'na-Ko Allataala?” Nappébali Yésus, “Makkuwaitu adammu.”

LUKAS 4:3

Nakkeda Ibillisi' ri Aléna, “Ana'na-Koto Allataala? Jaji suroni iyaé batué mancaji roti.”

LUKAS 4:41

Nassuna sining sétangngé polé ri tau maégaé, nagora-gorato, “Ikona Ana'na Allataala!” Iyakiya rigera'i mennang ri Yésus sibawa dé'naripalalo mennang mabbicara, saba' naissengngi mennang makkedaé Aléna ritu Arung Pappassalama'é.

LUKAS 4:9

Nainappa Ibillisi' natiwi Yésus ri Yérusalém, nanataroi ri yasé'na coppo'na Bolana Puwangngé, nanakkeda lao ri Yésus, “Ana'na-Koto Allataala? Jaji luppe'no polé kuwaé.

YOHANES 1:34

Alékuna pura mitai,” adanna Yohanés, “nausabbingngi makkedaé Aléna ritu Ana' Allataala.”

YOHANES 1:49

Nakkeda Natanaél, “Pa' Guru, Bapa' iyanaritu Ana' Allataala! Bapa' ritu Arunna bangsa Israélié!”

YOHANES 20:31

Iyakiya iya manennaé riyokii, kuwammengngi mumateppe makkedaé Yésus iyanaritu Arung Pappassalama'é, Ana'na Allataala, sibawa nasaba teppe' ri aléna, lolongekko atuwong.

YOHANES 9:35

Naéngkalingani Yésus makkedaé purai mennang nattéyang iyaro tauwé muttama' ri bola assompangngé. Nasappani iyaro tauwé nainappa makkeda lao ri aléna, “Mateppe'koga ri Ana'na Tolinoé?”

RIWAYA'NA RASUL-RASUL-E 9:20

Matteruni lao ri bola assompangngé sibawa mappammula mabbirittangngi makkedaé Yésus ritu Ana'na Allataala.

2 KORINTUS 1:19

Saba' Yésus Kristus, Ana'na Allataala, iya riyabbirittangngé lao ri iko polé ri Silas, Timotius, sibawa iyya paimeng tenniya tau “Iyyé” sibawa “Dé'”. Sibalé'na sinrupai pappébali “Iyyé” polé ri Allataala.

GALATIA 2:20

Makkekkuwangngé tenniyana iyya tuwo, iyakiya Kristus iya tuwoé ri laleng aléku. Atuwongngéwé iya uwattemmekiyé makkekkuwangngé iyanaritu tuwo ri laleng teppe' lao ri Ana'na Allataala iya mamaséiyékka sibawa iya puraé makkarobangngi Aléna untu' iyya.

1 TESALONIKA 3:5

Iyanaro saba'na usuroi Timotius, nasaba macinna senna'ka missengngi pékkugi amajungemmu ri laleng atepperengngé lao ri Kristus. Bata-bataka naullé ammai Ibillisi' godako angkanna sininna turuppuse'ta mancaji paracumai.

IBRANI 12:16

Jagaiwi kuwammengngi aja' naengka iya tuwoé mappangaddi iyaré'ga dé' naangke'i gau'-gau' rohanié, pada-pada iya napogau'é Esau. Nabalu'i ha'na selaku ana' macowa, banna untu' simangko inanré.

IBRANI 4:14

Iyanaro saba'na harusu'ki makkatenning masse ri angakungeng atepperetta. Saba' mappunnaiki Imang Lompo iya battowaé, iya muttama'énna lettu ri yolona Allataala – Aléna ritu Yésus Ana'na Allataala.

IBRANI 7:3

Passalenna iyaé Malkisédék dé'gaga pappakatajang muwi kégi makkedaé mappunnaiwi ambo' iyaré'ga indo' iyaré'ga néné; dé'to gaga pappakatajang passalenna ajajiyanna, iyaré'ga amaténna. Pada-padai Ana'na Allataala; aléna iyanaritu imang iya mannennungengngé.

1 YOHANES 3:8

Iyakiya tau iya matteru-terué pogau' dosa, ana'nai iyanaritu Ibillisi', saba' Ibillisi' pammulanna mupa namadosa. Untu' iyanaé napolé Ana'na Allataala, iyanaritu untu' mancuru'i jama-jamanna Ibillisi'.

WAHYU 2:10

Aja' mumétau ri anrasa-rasang iya dé'énna namaitta naharusu' mupéneddingi. Engngerangngi, naputtama'i matu Ibillisi' sibagiyang polé ri iko ri laleng tarungkué untu' cobaiko. Manrasa-rasako matu seppulo esso ittana. Sitinajako matinulu lao ri Iyya gangka maté, na-Uwérékko matu atuwong tongengngé sibawa mannennungengngé selaku hadiya apakalang.