MATIUS 3:9 - KITTA KAREBA MADECENG

⁹ Aja' muwasengngi muwulléi leppe' polé ri pahukkungengngé sibawa powadai makkedaé Abraham iyanaritu néné-nénému. Engngerangngi, polé ri batu-batuéwé, naulléi Allataala mébbu wija-wijanna untu' Abraham!

MATIUS 3:9 ပူးပေါင်းရင်းမြစ်များ

YEHEZKIEL 33:24

“Eh tolino dé'é namannennungeng, makkedai sining tau iya monroé ri ruttungenna kota-kota Israéliéro, ‘Abraham lolongengngi sininna tanaéwé, padahal banna alé-aléna. Idi'é maégaki jumellata, jaji iyaé tanaé mancajiwi appunnangetta.’ ”

MARKUS 7:21

Saba' polé ri lalengngi, iyanaritu polé ri laleng ati, mompoi sining akkaleng majaé iya nassabariyé tauwé pogau' mappangaddié, ménnau, mabbuno,

LUKAS 12:17

Iyaro tau sugié mamulani mappikkiri' ri laleng atinna, ‘Dé'na gaga onronna wassélé tanaku. Agana akkalekku makkekkuwangngé?’

LUKAS 16:24

Nagorana iyaro tau sugié, ‘Bapa' Abraham! Amaséika. Suroi Lazarus remméi jarinna ri laleng uwai nainappa lao bésa'i lilaku. Manrasa-rasa senna'ka ri lalenna apiéwé!’

LUKAS 19:40

Nappébali Yésus, “Ateppe'no! Rékko mammekkoi mennang, gorai matu iyaé batu-batuéwé.”

LUKAS 3:8

Appaitanni ri laleng pangkaukemmu makkedaé toba'no polé ri dosa-dosamu! Aja' muwakkeda makkedaé Abraham iyanaritu néné-nénému. Engngerangngi! Polé ri batu-batuéwé, naulléi Allataala pinru wija-wijanna untu' Abraham!

LUKAS 5:22

Naissengngi Yésus pakkutanana mennang. Jaji makkedani, “Magi muwakkutana makkuwaro ri laleng atimmu?

LUKAS 7:39

Wettunna tau Farisié iya mundangngengngi Yésus naita iyaro gau'é, makkedani ri laleng atinna, “Akkalarapanna iyaé tauwé nabi, tentu Naisseng niga iyaro makkunrai géssaéngngi, sibawa iyaro makkunraié tuwoi ri laleng dosaé!”

YOHANES 8:33

Nakkeda mennang, “Idi'é wijannaki Abraham. Dé'pa taengka tancaji atanna niga-niga! Aga akkatta-Mu namuwakkeda, ‘Ripamaradékako matu’?”

YOHANES 8:37

Mémeng Uwissekko wija-wijanna Abraham. Iyakiya maéloko mpuno-Ka, nasaba dé' mumaélo tarimai pappagguruwak-Ku.

YOHANES 8:53

Rékko aléna Abraham maténi, sibawa maté toni sininna nabi-nabié, nigako Iko? Masa Iko lebbi battowa naiya ambo'ta Abraham!”

RIWAYA'NA RASUL-RASUL-E 13:26

Saudara-saudara wijanna Abraham, sibawa sininna Saudara-saudara laingngé kuwaé iya matinulué ri Allataala! Allataala pura kiringngi lao ri idi karéba asalamakengngéro;

RIWAYA'NA RASUL-RASUL-E 15:14

Silalona Simon napakatajang pékkugi Allataala ri pammulanna mappaitangngi perhatian-Na lao risining bangsa laing tenniyaé Yahudi, akkattana piléi polé ri mennang sining tau laingngé iya maéloé mancaji umma'-Na.

ROMA 4:1

Rékko makkuwaitu, aga wedding ripowada passalenna Abraham, néné-nénéna bangsata? Pékkugi pangalamanna?