MATIUS 3:4 - KITTA KAREBA MADECENG

⁴ Pakéyang napaké Yohanés poléi ri bulu untaé. Babbanna poléi ri bingkulangngé, sibawa anréna incalé sibawa cani ale'.

MATIUS 3:4 ပူးပေါင်းရင်းမြစ်များ

2 ARUNG-NGARUNG 1:8

Nappébali mennang, “Jumba sibawa babbanna poléi ri bingkulangngé.” Nakkeda arungngé, “Oh, Elia iyaro!”

YESAYA 20:2

Telluttaung ri yolona, Puwangnge suroi Yésaya ana' Amos ludungngi lapikajéna sibawa kaing karung iya mattengngangngé napaké. Turui sibawa joppai mallusu-lusu nenniya dé' nallapikajé.

ANGIMANGENG 11:22

Jaji incalé, jangkaré'é, incalé manyilaé wedding riyanré.

ZAKHARIA 13:4

Iyaro essoé, masirii matu sining nabié untu' tinda pada-pada nabié. Dé' matu mennang napakéi pakéyang nabié untu' mabbellé sibawa mattempowangngi sining pakkitanna.

MALEAKHI 4:5

Iyakiya ri wettu dé'napa napolé esso iya héba'é sibawa maseroé iya Upattentuéro, Usuroi matu lao ri iko Nabi Elia.

MATIUS 11:18

Poléi Yohanés – mappuwasai dé' nainung anggoro; nakkeda sining tauwé ‘Nauttamakiwi sétang!’

MATIUS 11:8

Aga maélo lao muwita? Séddi tau iya mappakéyang makessingngéga? Tau iya mappakéyang makkuwaéro monroi ri saorajaé!

MARKUS 1:6

Pakéyang iya napaké Yohanés poléi ri bulu untaé. Babbanna poléi ri bingkulangngé, sibawa anréna incalé nenniya cani' ale'.

LUKAS 1:17

Mancajiwi matu surona Puwangngé iya mawatangngé sibawa makuwasana pada-pada Elia. Napasidaméi matu ambo'é sibawa ana'é, enrengngé tau iya dé'é namatinulu napimpingngi matu lisu ri laleng pikkiranna iya tongengngé. Nanallalengiro napassadiyai matu séuwa umma' iya sadiyaénna untu' Puwangngé.”

ULANGENG 32:13

Naébbui mennang makuwasaiwi sining bulué; nanréi mennang wassélé'na sining dare'é sibawa ménung cani liya polé ri bulu-bulu batué. Lolongengngi mennang minnya polé ri pong zaitungngé iya tuwoé ri tana mabbatué.

WAHYU 11:3

Maélo-Ka suroi duwa tau sabbik-Ku iya mappaké pakéyang mabbarata, sibawa nappallebbangengngi matu mennang birittanna Allataala 1.260 esso ittana.”