MATIUS 3:3 - KITTA KAREBA MADECENG

³ Yohanés iyanaé tau nakkattaiyé Nabi Yésaya ri laleng adannaé, “Engka tau gora-gora ri padang kessi'é, ‘Passadiyangengngi laleng Puwangngé; palapparengngi laleng Aléna.’ ”

MATIUS 3:3 ပူးပေါင်းရင်းမြစ်များ

YESAYA 40:3

Engka sadda iya mangobbié, “Passadiyai lalengngé ri padang kessi'é untu' Puwangnge. Pallempui lalengngé ri padang makkale-ale'é untu' Allataalata!

MALEAKHI 3:1

Pappébalinna Puwang Iya Pommakuwasaé, “Ukiringngi matu suro-Ku untu' passadiyangek-Ka laleng. Na temmusenna-sennai Iyya, Puwang iya musappaé, laowi matu ri Bola-Ku. Suro-Ku iya muwuddaniyéro poléi matu sibawa mappallebbangengngi assijancik-Ku.”

MARKUS 1:3

Engka tau gora-gora ri padang kessi'é, ‘Passadiyangengngi laleng Puwangngé; paratai sining laleng iya maéloé Nalaloi.’ ”

LUKAS 1:17

Mancajiwi matu surona Puwangngé iya mawatangngé sibawa makuwasana pada-pada Elia. Napasidaméi matu ambo'é sibawa ana'é, enrengngé tau iya dé'é namatinulu napimpingngi matu lisu ri laleng pikkiranna iya tongengngé. Nanallalengiro napassadiyai matu séuwa umma' iya sadiyaénna untu' Puwangngé.”

LUKAS 1:76

Iko, éh ana'ku, riyasekko matu nabinna Allataala Iya Pommatanré. Risuroko poddiyoloiwi Puwangngé untu' sarakengngi laleng Aléna.

YOHANES 1:23

Nappébali Yohanés, “Iyya'naé iya napowadaé Nabi Yésaya: ‘Tau iya goraé ri padang kessi'é: Paratai lalengngé untu' Puwangngé.’ ”