MATIUS 3:2 - KITTA KAREBA MADECENG

² Adanna, “Toba'no polé ri dosa-dosamu, saba' dé'na namaitta napparénta matu Allataala selaku Arung!”

MATIUS 3:2 ပူးပေါင်းရင်းမြစ်များ

1 ARUNG-NGARUNG 8:47

tennapodo Muwéngkalingai sempajanna mennang. Rékko ri wanuwaéro nasalaiwi dosa-dosana, sibawa massempajang lao ri Iko nanangakui towi makkedaé madosani mennang sibawa pogau'i majaé, éngkalingai sempajanna, oh Puwang.

AYUB 39:12

Muwatepperiga paddeppungekko éngngalammu, sibawa tiwii lao ri onrong addésekemmu?

AYUB 42:6

Rimakkuwannanaro masirika méngngerangngi sininna ada-adakku nanasibawang sessekalé tudakka ri laleng awué.”

YEHEZKIEL 33:11

Powadangngi mennang makkedaé nasaba Iyya, Allataala iya tuwoé, Puwang Iya Pommatanré, dé' Umasennang rékko matéi tau majaé; sibalé'na macinna-Ka nasalaiwi dosa-dosana kuwammengngi natette tuwo. Eh bangsa Israélié, appésauno pogau'i majaé! Magi mumaélo maté?

DANIEL 2:44

Ri wettu apparéntanna arung-ngarungngéro, Allataala ri surugaé patettongngi matu séuwa akkarungeng iya mattahangngé matu mannennungeng sibawa iya dé'é naricau matu muwi ri bangsa niga. Iyaro akkarungengngé nancuru'i matu sininna akkarungeng iya laingngéro.

MATIUS 10:7

Powadangngi mennang makkedaé dé'na namaitta napparénta Allataala selaku Arung.

MATIUS 11:20

Nainappa mappammulani Yésus cellai kota-kotaé, ri onrong kaminang maégaé mébbu anu makalallaingngé. Saba' sining tauwé ri kota-kotaéro dé' namaélo toba' polé ri dosa-dosana mennang.

MATIUS 12:41

Ri Esso Kiyame', moto'i matu pabbanuwana Niniwé silaong sining tauwé makkekkuwangngéwé nanatenre'i mennang. Saba' toba'ni tau Niniwé polé ri dosana, wettunna Yunus makkatobba lao ri mennang. Iyakiya makkekkuwangngé kuwaé engka lebbi battowa naiya Yunus!

MATIUS 13:11

Nappébali Yésus, “Saba' purani riwéréng pangissengeng untu' missengngi rahasiyana passalenna pékkugi Allataala mapparénta, na mennang dé'.

MATIUS 13:24

Nacuritasi Yésus séddi pakkalarapangeng, lao ri tau maégaé, adan-Na, “Rékko mapparéntai Allataala, keadaanna pada-padai iyaé: Engka séddi patani mampo biné gandong iya makessingngé ri dare'na.

MATIUS 13:31

Nacuritasi Yésus séddi pakkalarapangeng lao ri tau maégaé, adan-Na, “Rékko mapparéntai Allataala, keadaanna pada-padai pakkalarapangngéwé: Séddié batu sawi riyala riséddié tau nainappa nataneng ri dare'na.

MATIUS 13:33

Engka séuwa pakkalarapangeng laing iya nacuritaé Yésus lao ri tau maégaé. “Rékko mapparéntai Allataala, keadaanna pada-padai ragi iya nalaé séddié makkunrai, nainappa napasigaru patappulo banna labbu tarigu angkanna sawé maneng.”

MATIUS 13:47

“Rékko mapparéntai Allataala, keadaanna riyakkalarapangengngi jala iya ripallebba'é ri tapparengngé, nalolongeng maddupa-rupang balé.

MATIUS 13:52

Nakkeda Yésus, “Iyanaro saba'na tungke' guru agama iya mancajiyé anggotana umma'na Allataala, pada-padai séddié punna bola iya passué polé ri onrong waramparanna barab-barang barué sibawa malaungngé.”

MATIUS 18:23

Saba' rékko mapparéntai Allataala, keadaanna pada-padai ri laleng pakkalarapangngéwé: Engka séddi arung maélo pacceppi manengngi inrenna ata-atanna.

MATIUS 20:1

“Rékko mapparéntai Allataala, keadaanna pada-padai pakkalarapangengngéwé: Engka séddi tau mappunnai dare' anggoro, massui ri éléé untu' sappa tau majjama ri dare' anggoro'na.

MATIUS 22:2

adan-Na, “Rékko mapparéntai Allataala, keadaanna pada-padai pakkalarapangengngéwé: Engka séddi arung pabbottingngi ana' worowanéna.

MATIUS 23:13

“Cilakano iko guru-guru agamaé sibawa sining tau Farisié! Mupoji mabbonga-bonga. Mulawa-lawaiwi tauwé untu' mancaji wargana umma'na Allataala. Nadé' mumaélo mancaji wargana umma'na Allataala, na tau laingngé iya maéloé mulawa-lawaiwi. [

MATIUS 25:1

“Rékko poléi Ana'na Tolinoé selaku Puwang, keadaanna pada-padai ri laleng pakkalarapangngéwé: Engka seppulo ana'dara tinrosiwi bottingngé tungke'-tungke' mala pajjennangeng, nainappa lao duppaiwi bottimpurané.

MATIUS 25:14

“Rékko poléi Ana'na Tolinoé selaku Puwang, keadaanna pada-pada towi ri laleng pakkalarapangngéwé. Engka séddi worowané maélo lao ri onrong mabélaé. Naobbini sining pattumaninna, nainappa nappaddettangeng waramparanna ri mennang.

MATIUS 4:17

Mappammulai wettuéro nabbirittanni Yésus, “Toba'no polé ri dosa-dosamu, nasaba dé'na namaitta napparénta Allataala selaku Arung!”

MATIUS 4:23

Ri Galiléa, mattulilini Yésus ri sininna wanuwaéro. Mappagguruni risining bola assompangngéro, sibawa nappallebbangengngi Karéba Madécéngngé makkedaé mapparéntai matu Allataala sibawa napajjappai sining tau sala-salangngé sibawa malasaé.

MATIUS 5:10

Masennangngi tau iya nakennaé paccallang nasaba napogau'i élona Allataala; anggota umma'nai Allataala!

MATIUS 5:3

“Masennangngi tau iya marasa dé'é pakkullénna na banna maddennuwang ri Puwangngé bawang; anggotanai iyanaritu umma'na Allataala!

MATIUS 6:10

Iko ritu Arutta. Tennapodo mapparénta-Ko ri linoé, na élo-Mu riturusi pada-pada ri surugaé.

MATIUS 6:33

Jaji usahakangngi riyolo', kuwammengngi napparénta Allataala ri laleng atuwo-tuwommu sibawa pogau'ni élo-Na. Naiya manenna laingngé nawéréttokko matu Allataala.

MARKUS 1:15

Adan-Na, “Dé'na namaitta napammulaiwi Apparéntanna Allataala. Toba'no polé ri dosa-dosamu, sibawa mateppe'no ri Karéba Madécéng polé ri Allataala!”

MARKUS 1:4

Pada-pada iya tarokiéro, makkuwatoniro mompoi Yohanés ri padang kessi'é. Nacemméi tauwé sibawa napalettu'i karéba polé ri Allataala. Makkedai Yohanés, “Harusu'ko toba' polé ri dosa-dosamu sibawa harusu'ko ricemmé, kuwammengngi naddampengekko Allataala.”

MARKUS 6:12

Najoppana iyaro seppuloé duwa ana' gurunna Yésus. Laoni mennang mappallebbangengngi karébaé makkedaé harusu'i toba' rupa tauwé polé ri dosa-dosana.

LUKAS 1:16

Maéga tau Israél napimping matu lisu ri Allataala, Puwanna mennang.

LUKAS 11:20

Iyakiya Iyya, Upaddésu'i sétangngé sibawa akuwasanna Allataala, na bettuwanna iyaro iyanaritu mappammulai Allataala mapparénta ri tengnga-tengngamu.

LUKAS 13:3

Dé' sises-siseng! Iyakiya éngngerangngi: Rékko dé' mutoba' polé ri dosa-dosamu, maté maneng tokko matu pada-pada mennang.

LUKAS 13:5

Dé' sises-siseng! Siseppi Upowada: Rékko dé' mutoba' polé ri dosa-dosamu, maté maneng tokko matu pada-pada mennang.”

LUKAS 15:10

Makkuwatoniro malaéka'na Allataala marennui rékko engka séddi tau maja toba' polé ri dosa-dosana. Ateppe'no!”

LUKAS 15:7

Nah, makkuwaniro ri surugaé, engka ariyo-riyong iya lebbi battowaé nasaba toba'na séddié tau madosa, naiya lao ri aséraé pulona aséra tau iya makessingngé dé'é naparellu toba'.”

LUKAS 16:30

Iyakiya mappébaliwi iyaro tau sugié, ‘Dé' nagenne iyaro, Bapa' Abraham. Iyakiya rékko engka tau maté tuwo paimeng sibawa lao ri mennang, toba'i matu mennang polé ri dosa-dosana.’

LUKAS 21:31

Makkuwatoro rékko muwitai gau'-gau'é kajajiyang, muwissenni matu makkedaé dé'na namaitta napparénta Allataala selaku Arung.

LUKAS 24:47

Makkuwatoro ri laleng asenna iyaro Arung Pappassalama'é harusu'i riyabbirittang lao ri sininna bangsaé makkedaé harusu'i toba' rupa tauwé, sibawa Allataala maddampengengngi dosaé. Na iyaro karébaé harusu'i riyabbirittang mappammulai ri Yérusalém.

LUKAS 6:20

Naitani Yésus ana'-ana' gurun-Na, nainappa makkeda, “Asennanno iko sining tau kasiyasié, nasaba anggotanako umma'na Allataala!

LUKAS 9:2

Nainappa nasuro mennang lao pajjappai tau malasaé sibawa mappallebbangengngi pékkugi Allataala mapparénta selaku Arung.

RIWAYA'NA RASUL-RASUL-E 11:18

Naéngkalinganaro, dé'na nabbantana mennang. Napojini Allataala. Makkedani mennang, “Rékko makkuwaitu, muwi sining tau tenniyaé Yahudi riwérétto kasempatang ri Allataala untu' toba' polé ri dosa-dosana sibawa nennun-nennungngi atuwong tongengngé!”

RIWAYA'NA RASUL-RASUL-E 17:30

Iyaro wettué nallupaini Allataala adonggotta, iyakiya makkekkuwangngé nasuro manengngi tauwé ri sininna linoé toba' polé ri dosa-dosana.

RIWAYA'NA RASUL-RASUL-E 2:38

Nappébali Pétrus, “Toba'no polé ri dosa-dosamu sibawa sitinajako tungke'-tungke' ricemmé ri laleng asenna Yésus Kristus, kuwammengngi nariyaddampengeng dosa-dosamu. Namutarimai matu hadiya Rohna Allataala polé ri Allataala.

RIWAYA'NA RASUL-RASUL-E 20:21

Muwi lao risining tau Yahudié muwi lao risining tau bangsa laingngé tuli mabbéréka papparéngngerang kuwammengngi natoba' mennang polé ri dosa-dosana sibawa lao ri Allataala, enrengngé mateppe' ri Puwang Yésus.

RIWAYA'NA RASUL-RASUL-E 26:20

Terus terakka powadangngi sining tauwé makkedaé harusu'i mennang toba' polé ri dosa-dosana sibawa mabbéréyangngi aléna lao ri Allataala enrengngé mappaitangngi ri laleng atuwo-tuwonna mennang makkedaé toba'ni mennang polé ri dosa-dosana. Upowadangngi iyaro gau'é bunge'-bunge'na ri Damsyik, nainappa ri Yérusalém sibawa sininna Yudéa sibawa ri yelle'na tau tenniyaé Yahudi.

RIWAYA'NA RASUL-RASUL-E 3:19

Rimakkuwannanaro, toba'no polé ri dosa-dosamu sibawa lisuno ri Allataala, kuwammengngi naleddai dosa-dosamu.

2 KORINTUS 7:10

Saba' amesséng iya pada-padaéro powassélé'i atappinrang ati iya mappapolé asalamakeng. Nadé' nassesse kalé matu tauwé lao ri gau'éro. Sibalé'na, amesséng iya siturué élona tolinoé powassélé'i amaténg.

KOLOSE 1:13

Puraki napaleppe' polé ri akuwasanna pettangngé sibawa napalétté'ki ri laleng akkarungenna Ana'-Na iya Namaséiyé.

2 TIMOTIUS 2:25

Harusu'i nasibawang lemma kininnawa paggurui sining tauwé iya pojiyéngngi méwa; memmuwaré Allataala mpéréngngi wettu lao risining tauwéro untu' toba' polé ri dosa-dosana mennang sibawa missengngi pappagguruwang iya tongengngé.

IBRANI 6:1

Rimakkuwannanaro, laono mai aja' banna puriyatiwi poko'-poko' mammulanna pappagguruwatta. Makessingengngi majuki ri pappagguruwang iya lebbi matterué passalenna atuwong Kristéng secara mattanggung jawa'é sibawa aja' tapakkolingngi paimeng pappagguruwang bunge'-bunge'é makkedaé harusu'i tauwé mappésau pogau'i gau'-gau' iya dé'é nakkéguna sibawa harusu mateppe' lao ri Allataala,

2 PETRUS 3:9

Dé' namatengnge Puwangngé mabbéréyangngi aga iya puraé najjanciyang, namuni engka masengngi makkuwaro. Sibalé'na, sabbara'i lao ri iko, saba' dé' namaélo muwi séddi tau binasa. Macinnai kuwammengngi sininna tauwé natoba' polé ri dosa-dosana.

WAHYU 2:21

Purani Uwéréng kasempatang untu' toba' polé ri dosa-dosana, iyakiya dé' namacinna mappésau pogau'i gau'-gau' iya mappangaddiéro.

WAHYU 2:5

Rimakkuwannanaro, éngngerangngi pékkugi bélanako sempé'na! Toba'no polé ri dosa-dosamu, enrengngé pogau'ni aga iya mupogau'é pammulanna. Rékko dé', maélo-Ka lao ri iko sibawa bébbui ajé lampummuro polé ri onronna.