MATIUS 27:41 - KITTA KAREBA MADECENG

⁴¹ Makkuwatoro kapala-kapala imangngé sibawa guru-guru agamaé enrengngé sining pamimpinna Yahudié naéllékéllé'ni Yésus. Makkedai mennang,

MATIUS 27:41 ပူးပေါင်းရင်းမြစ်များ

AYUB 13:9

Rékko naparéssako Allataala, makessigga matu wassélé'na? Mulléga bengnguwangngi, pada-pada bengnguwangngi tolinoé?

MAZMUR 35:26

Leppessangngi tau iya masennangngé mitai anrasa-rasakku mancaji malippu sibawa masiri. Leppessangngi tau iya mattempowangngéngngi aléna lao ri iyya ripakatuna sibawa ripakasiri.

YESAYA 28:22

Purani uwéngkalinga apettunna Puwang Iya Pommatanré sibawa Pommakuwasaé untu' paccappui sininna wanuwaé. Aja' mucellai ada-ada papparéngngerang iya upalettu'éwé. Pédé lebbi mawatangngi matti ri alému untu' paleppe'i alé!

YESAYA 49:7

Allataala mapaccing Pappassalama'na Israélié makkeda lao ri tau iya ripakatuna senna'é, sibawa iya ricéccé ri bangsa-bangsaé enrengngé mancaji atanna sining panguwasaé, “Naitai matu sining arungngé pangkaukek-Ku; tokkongngi matu mennang pakalebbi-Ka. Naita towi matu sining panguwasaé, nanasuju' massompa.” Kajajiyangngi iyaro nasaba Puwangnge pura piléi atan-Na; Allataala mapaccinna Israélié matinului lao ri jancin-Na.

ZAKHARIA 11:8

Tellu tau pakkampi iya céccéékka paccappui asabbarakekku. Upaddésu'i mennang ri laleng wettu si ulengngé.

MATIUS 27:40

Makkedai mennang, “Iko maéloé ruttungngi Bolana Allataala, sibawa patettongngi ri laleng tellungngesso! Rékko Ana'nako Allataala, nonnono polé ri salliéro, namupassalama'i alé-Mu!”

MATIUS 27:42

“Napassalama'i tau laingngé, padahal Aléna dé' naulléi passalama'i! Rékko arunnai Israélié, madécénni makkekkuwangngé nonno polé ri salliéro, nainappaki maélo mateppe' ri Aléna.

LUKAS 18:32

Riyabbéréyangngi matu lao risining tau tenniyaé Yahudi, iya méllékéllé'éngngi matu, pakatunai sibawa mamméccuiwi.

LUKAS 22:52

Nanakkeda Yésus lao ri kapala-kapala imangngé sibawa sining parawira pangawalna Bolana Puwangngé, enrengngé sining pamimpinna Yahudié iya engkaé kuwaro untu' tikkengngi, “Tau maja-Ka'ga, namupolé sibawa peddang nenniya tarasulu untu' tikkek-Ka?

LUKAS 23:35

Pada tettonni tauwé kuwaro makkita-ita, nasining pamimpinna Yahudié méllékéllé'i Yésus sibawa makkeda, “Purani napassalama' tau laingngé; cobani makkekkuwangngé passalama'i alé-Mu, rékko tonget-tongengngi Arung Pappassalama' iya napilé Allataala!”