MATIUS 27:34 - KITTA KAREBA MADECENG

³⁴ Kuwaniro mennang napaénung Yésus anggoro iya sicampuru'é essung. Iyakiya purana nakanyamé Yésus iyaro anggoro'é, dé'na namaélo ménungngi.

MATIUS 27:34 ပူးပေါင်းရင်းမြစ်များ

MAZMUR 69:21

Appakatunangngé mébbuka makeccé ati, sibawa pettu paddennuwakka. Usappai paressé babuwaé, iyakiya siya-siyai, usappai passaléwoé, iyakiya dé' ulolongengngi.

YEREMIA 8:14

Makkedai umma'na Allataala, “Magi nadé' aga-aga tapogau'? Laono mai tasibawa mangungsi lao ri kota-kota mabbénténgngé, leppessanni maté kuwaro. Puwang Allataalata pura pettuiwi makkedaé harusu'ki binasa. Purani nawéréng racung riyénung saba' madosaki lao ri Aléna.

MATIUS 27:48

Engka séddi tau polé ri mennang mapperi-perini lao mala bunga karang, nanapajajje'i ri laleng anggoro' makeccié, nainappa napasopo ri laleng cappa'na séddié aju, nanassoppakengngi ri témunna Yésus.

MARKUS 15:23

Kuwaniro mennang maélo mpéréngngi Yésus anggoro iya sicampuru'é mur, iyakiya dé' namaélo Yésus ménungngi iyaro anggoro'é.

IBRANI 6:4

Saba', sining tau iya salaiyéngngi atepperenna, dé'na namungking ripimpinna lisu. Riyolo mennang engkai ri laleng tajang polé ri Allataala, enrengngé péneddingiwi pabbéré-Na polé ri surugaé. Turu' toni mennang rikuwasai ri Rohna Allataala.