MATIUS 27:12 - KITTA KAREBA MADECENG

¹² Iyakiya wettunna kapala-kapala imangngé sibawa pamimping-pamimpinna Yahudié pauwi maéga riteppuwangngi Yésus, dé' sises-siseng nabaliwi.

MATIUS 27:12 ပူးပေါင်းရင်းမြစ်များ

MATIUS 26:63

Iyakiya mammekko bawammi Yésus. Siseppi makkeda iyaro imang lompoé lao ri Yésus, “Nasabbing Allataala iya tuwoé, powadani Ikoga Arung Pappassalama'é, Ana'na Allataala?”

YESAYA 53:7

Rigaukengngi sibawa mabecco, iyakiya natanggungngi sibawa sabbara. Dé' natimpa'i bawana pada-pada ana' bimbala iya ritiwié ri aggérékengngé iyaré'ga indo' bimbala iya ricukkuru'é bulunna.

1 PETRUS 2:23

Iyaro wettué rirodda-roddaiwi, dé' nappébali sibawa makkarodda-karodda. Wettunna manrasa-rasa, dé' nangancang; banna nabbéréyangngi parakara-Na lao ri Allataala, Haking iya adélé'éro.

RIWAYA'NA RASUL-RASUL-E 8:32

Iyanaé aya'-aya' iya nabacaéro, “Pada-padai bimbala' iya rirénréngngé untu' rigéré, pada-pada ana' bimbala' iya dé'é nabbémbé rékko rigoncingngi bulunna, makkuwaniro dé' nakkedada muwi silappa.

MATIUS 27:14

Iyakiya dé' nappébali Yésus muwi céddé angkanna hérang senna' iyaro gubernur-é.

MATIUS 27:13

Rimakkuwannanaro makkedani Pilatus lao ri Yésus, “Dé'ga Muwéngkalingai iya maneng nateppuwangngék-Ko mennanro?”

LUKAS 23:9

Rimakkuwannanaro maéga nakkutang ri Yésus, iyakiya dé' sises-siseng nappébali Yésus.