MATIUS 26:74 - KITTA KAREBA MADECENG

⁷⁴ Nappammulana Pétrus mattanro-tanro, “Matéka, dé' uwissengngi iyaro tauwé!” Iyatoro wettué naonina manu'é.

MATIUS 26:74 ပူးပေါင်းရင်းမြစ်များ

MATIUS 10:28

Aja' mumétau lao ri mennang iya mpunoéngngi tubué, iyakiya dé' namakuwasa mpunoi nyawaé. Etauko ri Allataala iya makuwasaé pabbinasai tubué nenniya nyawaé ri laleng ranaka.

MATIUS 26:34

Nakkeda Yésus lao ri Pétrus, “Engngerangngi, iyato wenniéwé, riwettu dé'napa naoni manu'é, wékkatelluni muwassakkarek-Ka.”

MATIUS 26:73

Dé' namaitta puranaro, sining tau iya tettongngé kuwaro laoni ri Pétrus sibawa makkeda, “Pasti iko sala séddinna polé ri mennang. Matanrang senna' polé ri saddammu.”

MATIUS 26:75

Naéngngeranni Pétrus makkedaé purai makkeda Yésus ri aléna, “Riwettu dé'napa naoni manu'é, wékkatelluna muwassakkareng.” Nassuna Pétrus, sibawa teri tassénge'-sénge'.

MATIUS 27:25

Nappébali iya maneng tau maégaéro, “Leppessanni idi sibawa ana'-ana'ta tanggungngi pahukkungengngé nasaba amatén-Na!”

MARKUS 14:30

Nakkeda Yésus, “Engngerangngi, iyato wennié, riwettu dé'napa naoni manu'é wékkaduwa, wékkatelluni muwassakkarek-Ka.”

MARKUS 14:68

Iyakiya massakkai Pétrus. Nakkeda lao ri pattumaniéro, “Dé' uwissengngi sibawa dé' upahangngi akkattamu.” Nainappa Pétrus lao ri pintu gerbanna bolana imang lompoéro. [Iyaro wettué, monini manu'é.]

LUKAS 22:60

Iyakiya mappébaliwi Pétrus, “Aga akkattamu, dé' uwissengngi!” Iyatoro wettué, ri wettu mabbicarana mupa Pétrus, naonina manu'é.

YOHANES 18:27

Nassakkasi Pétrus, “Dé',” – na iyatoro wettué naoni manu'é.

ROMA 9:3

nasaba saudara-saudaraku iya si bangsaékka. Nasaba untu' mennang, aléku paimeng macenning ritanroi ri Allataala sibawa ripassarang polé ri Kristus.

1 KORINTUS 16:22

Tau iya dé'é namaséiwi Puwangngé, leppessanni siya tattanro! Maranata – Puwatta, poléni!

WAHYU 3:19

Sining tau iya Uwamaséiyé, mennang ritu Uwampareng enrengngé Ucambu. Rimakkuwannanaro sitinajako masumange', sibawa toba'no polé ri dosa-dosamu.

HAKING-HAKING 17:2

Riséuwaé esso makkedai lao ri indo'na, “Indo', wettunna indo' ateddéngeng sisebbu sératu dowi péra', uwéngkalingai indo' tanroiwi pangana. Engkaniyé, indo' dowina! Iyya ritu ménnauwi.” Nappébali indo'na, “Tennapodo Puwangnge barakkakiko, na'!”