MATIUS 26:72 - KITTA KAREBA MADECENG

⁷² Nassakkasi Pétrus sibawa mattanro, adanna, “Dé' tongeng uwissengngi iyaro tauwé!”

MATIUS 26:72 ပူးပေါင်းရင်းမြစ်များ

ASSURENG 20:7

Aja' muteppuwi asek-Ku sibawa sembarangang, saba' Iyya, Puwang Allataalamu, hukkungngi nigi-nigi iya makkégunang salaéngngi asek-Ku.

YESAYA 48:1

Engkalingai éh wija-wijanna Yakub, wija-wijanna Yéhuda iya pakééngngi asenna Israélié, adammu muwangakuiwi Allataalana Israélié, sibawa mattanro ri laleng asenna Puwangnge. Iyakiya iyaro ada-adammu dé' namalempu.

ZAKHARIA 8:17

Aja' murancanai iya majaé lao ri pada-padammu. Aja' mupowada tanro bellé. Ucéccé bellé sibawa dé'é naadélé nenniya ateddekengngé.”

MALEAKHI 3:5

Adanna Puwang Iya Pommakuwasaé, “Polé-Ka matu ri iko untu' mangadéléki. Masitta'-Ka matu mancaji sabbi lao ri passéhéré'é, sining tau iya malawengngé, iya sabbi bellé-bellé, iya macéko-cékoé ri laleng pagajiwi tau napéssaroiyé, iya tenre'éngngi sining jandaé, ana' béué sibawa tau laingngé, lao risininna tau iya dé'é napakalebbi-Ka.”

MATIUS 26:71

Nainappa lao ri sumpanna seddé bolaé. Na engka séddi pattumani makkunrai laingngé mitai Pétrus, nakkeda lao risining tauwé kuwaro, “Iyaé tauwé sibawa towi onna' Yésus polé ri Nazarét-éro.”

MATIUS 26:73

Dé' namaitta puranaro, sining tau iya tettongngé kuwaro laoni ri Pétrus sibawa makkeda, “Pasti iko sala séddinna polé ri mennang. Matanrang senna' polé ri saddammu.”

MATIUS 26:74

Nappammulana Pétrus mattanro-tanro, “Matéka, dé' uwissengngi iyaro tauwé!” Iyatoro wettué naonina manu'é.

LUKAS 22:34

Nakkeda Yésus, “Ateppe'no Pétrus, riwettu dé'napa naoni manu'é iyaé essoéwé, wékkatelluni muwassakkarek-Ka.”