MATIUS 26:3 - KITTA KAREBA MADECENG

³ Iyaro wettué kapala-kapala imangngé sibawa sining pamimpinna Yahudié maddeppungenni ri saorajana Imang Lompoé Kayafas.

MATIUS 26:3 ပူးပေါင်းရင်းမြစ်များ

MAZMUR 56:6

Puppu esso balié kacauwi parakaraku, matteru-terui mennang makkuraga cilakaika.

YEREMIA 11:19

Pada-padaka bimbala iya tebbata-bataé ritiwi ri onrong aggérékengngé. Dé' uwissengngi makkedaé iyya ritu mancaji akkatta rancana-rancana majana mennang. Makkedai, “Laono mai tatubbangngi iyaé ajué ri wettu naulléna mupa powassélé buwa; natapallennye'i kuwammengngi nallupaiwi tauwé asenna.”

YEREMIA 17:27

Iya manennaro kajajiyangngi matu narékko muturusi-Ka sibawa pallaingngi esso Saba'é untu' Iyya. Aja' muwakka muwi barang aga lalo ri pintu-pintu gerbanna Yérusalém ri essoéro. Rékko muwajjalékkaiwi iyaro parénta-parénta-Ku, utunui matu gangka cappu pintu-pintu gerbanna Yérusalém enrengngé saoraja-saorajana na iyaro apié dé' nawedding ripeddéi.’ ”

MATIUS 26:69

Tudat-tudanni Pétrus ri saliweng, ri seddé bolaé. Napoléna sala séddinna pattumani makkunrai makkeda lao ri Pétrus, “Dé'ga musilaotto Yésus tau Galiléaéro?”

MATIUS 27:27

Nainappa prajuri'-prajuri'na Pilatus natiwi Yésus muttama' ri saorajana gubernur-é, naddeppungenna sininna tentaraé mattulilingiwi Yésus.

MARKUS 14:54

Maccowérini Pétrus Yésus polé mabéla lettu muttama' ri laleng seddé bolana imang lompoé. Natudanna kuwaro pellaiwi watakkaléna ri seddéna apié silaong pengawal-pengawal-é.

MARKUS 14:66

Wettunna Pétrus engka mupa ri seddé bolaé, sala séddinna pattumani makkunrainna imang lompoé lao kuwaro.

MARKUS 15:16

Ritiwini Yésus ri prajuri'-prajuri'éro ri onrong pengadilangngé ri saorajana gubernur-é. Nainappa riyobbi maddeppungeng maneng pasukangngé.

LUKAS 22:55

Ri tengnga-tengngana seddé bolaéro ripalluwa'ni api appulué, nalaona Pétrus tudang silaong sining tau iya tudangngé mattulilingiwi.

LUKAS 3:2

Iya mancajiyé imang-ngimang lompo iyanaritu Hanas sibawa Kayafas. Ri taungngénnaro nabbicara Allataala ri padang kessi'é lao ri Yohanés, ana'na Zakharia.

YOHANES 11:57

Napowadai mennanro saba' kapala-kapala imangngé sibawa sining tau Farisié pura passu parénta makkedaé tau missengngéngngi kégi Yésus monro, harusu'i nalaporo' kuwammengngi weddingngi ritikkeng.

YOHANES 18:24

Nainappa Hanas suroi tauwé tiwii Yésus sibawa ribalenggu lao ri Imang Lompoé Kayafas.

YOHANES 18:28

Maélé senna'ni mennang tiwii Yésus polé ri bolana Kayafas lao ri saorajana gubernur-é. Sining tau Yahudié dé' nauttama ri laleng saorajaé, kuwammengngi dé' nanajisi' secara agama, nasaba maéloi maccowé manré nanré Paska.