MATIUS 26:10 - KITTA KAREBA MADECENG

¹⁰ Naissengngi Yésus pikkiranna mennang, nanakkeda, “Magi musussaiwi iyaro makkunraié? Napogau'i séuwa makessingngé sibawa ripojiyé untu' Iyya.

MATIUS 26:10 ပူးပေါင်းရင်းမြစ်များ

NEHEMIA 2:18

Ucuritangenni mennang pékkugi Allataala tulukka sibawa aga iya puraé napowada arungngé lao ri iyya. Mappébalini mennang, “Laono mai tapammulaiwi mappatettong!” Nasadiya-sadiyana mennang untu' mappammula majjama.

AYUB 13:7

Weddigga nasaba Allataala, mumabbellé? Weddikkoga mabbellé untu' apentingen-Na?

MATIUS 26:11

Tau kasiyasié tuli engkai ri yelle'mu, iyakiya Iyya dé' utuli sibawakko.

MATIUS 26:9

Iyaro minnya' wangié wedding ribalu' sibawa masuli, na ellinna riwéréngngi tau kasiyasié!”

MARKUS 14:6

Iyakiya makkedai Yésus, “Leppessangngi siya! Magi musussaiwi? Napogau'i anu makessingngé sibawa ripojiyé lao ri Iyya.

LUKAS 8:49

Ri wettu mabbicarana mupa Yésus, engkasi séddi tau risuropa polé ri bolana Yairus. Makkedai lao ri Yairus, “Maténi Puwang ana' makkunraitta. Aja'na tasussaiwi Bapa' Guru.”

2 KORINTUS 9:8

Makuwasai Allataala mabbéré lao ri iko barakka iya tabbollompollongngé, kuwammengngi tuli muwappunnai aga iya muwapparelluwangngé; mala alebbikko matu untu' pogau'i madécéngngé sibawa makkammala.

GALATIA 1:7

Sitongenna dé'gaga “karéba madécéng iya laingngé”. Banna engka sining tau iya mabbirittangngéngngi lao ri iko “karéba madécéng” passalenna Kristus iya naputara'balé'é mennang angkanna napakacauko.

GALATIA 5:12

Lebbi kessing muwi sining tau iya pakacauéngngi pikkirammuro matterui bawang massu maneng polé ri jema'é!

GALATIA 6:17

Napurairo, aja'na muwi séddi tau sussaisika, saba' ri watakkaléku engka butti-butti makkedaé ana' gurunnaka Yésus.

EFESUS 2:10

Idi iyanaritu winrunaki Allataala, nanaolai Kristus Yésus, nabentu'ki Allataala kuwammengngi naripogau' gau'-gau' iya makessingngé iya puraé napassadiyangekki.

KOLOSE 1:10

Nanallalengiwi muwulléi tuwo situru élona Allataala, sibawa tuli pésennangiwi atin-Na, angkanna ri laleng sininna séuwa-séuwaé muwulléi powassélé' gau'-gau' iya makessingngé. Sibawa pangissengemmu passalenna Allataala tattamba towi matu.

1 TIMOTIUS 3:1

Tongeng senna' ada-adaéwé, “Tau iya macinnaé mancaji pamimpinna jema'é, nacinnaiwi séuwa jama-jamang iya makessing senna'é.”

1 TIMOTIUS 5:10

sibawa kalabba selaku makkunrai iya pogau'éngngi gau'-gau' iya makessingngé, padaénna ébara'na: napawekke'i ana'-ana'na sibawa makessing, masennang tarima tamu-tamu mappéruma ri bolana, natumaningiwi sining tau mateppe'é, nabantui sining tau masussaé, enrengngé napogau'i sibawa mattonget-tongeng sininna rupanna jama-jamang iya makessingngé.

2 TIMOTIUS 2:21

Tau iya pépaccingiyéngngi aléna polé ri sininna iya dé'é namakessing ripakéi matu untu' apparelluwang-apparelluwang iya dé'é padanna. Mancajiwi appunnangenna iya ripallaingngé sibawa makkégunaé untu' puwanna. Ripassadiyai untu' ripaké lao ri tungke' jama-jamang iya makessingngé.

TITUS 1:16

Makkedai mennang makkedaé naissengngi mennang Allataala, padahal pangkaukenna mennang massakkarengngi. Mappakaciddi-ciddi mennang sibawa dé' namaélo turu'; mennang iyanaritu sining tau iya dé'é naulléi pogau'i séuwa iya makessingngé.

TITUS 2:14

Purani nakkarobangeng Aléna untu' idi untu' paleppe'ki polé ri sininna jaé, sibawa pancajiki séddi umma' iya leppe'é polé ri dosaé, iya mancajiyé appunnangen-Na bawang, enrengngé mapato pogau'i makessingngé.

TITUS 3:1

Paréngngerangiwi anggota-anggota jema'mu kuwammengngi natunru' mennang lao risining pamimpingngé sibawa tomakuwasana wanuwaé, enrengngé matinulu sibawa sadiya pogau'i tungke' pangkaukeng iya makessingngé.

TITUS 3:14

Sining tautta harusu'i magguru pogau'i gau'-gau' iya makessingngé kuwammengngi naulléi pennoiwi apparelluwanna iya napparelluwang senna'é; aja' narapii tuwo temmakkéguna.

TITUS 3:8

Tongeng senna' iyaé adaé. Uwéllauwi muteddeki gau'-gau'éwé, kuwammengngi nasining tau iya mateppe'é ri Allataala tonget-tongengngi makkuraga untu' pogau'i jama-jamang iya makessingngé sibawa makkégunaé untu' sininna tauwé.

IBRANI 13:21

Tennapodo Allataala assalenna asaléwangengngéro passukkuko sibawa sininna iya makessingngé iya muwapparelluwangngé untu' pogau'i élo-Na. Tennapodo naolai Yésus Kristus, najamai Allataala ri laleng idi, aga iya Nacinnaiyé. Sitinajai Kristus ripoji mannennungeng! Aming.

1 PETRUS 2:12

Ampé-ampému ri yelle'na tau iya dé'é naissengngi Puwangngé harusu'i makessing senna', angkanna rékko napétenna'ko selaku tau maja, harusu'i mennang nangakui pangkaukemmu iya makessingngé, angkanna napojiwi matu mennang Allataala ri Esso apolén-Na.