MATIUS 24:7 - KITTA KAREBA MADECENG

⁷ Bangsa séddié mammusui matu méwai bangsa laingngé, sibawa wanuwa séddié nagasai wanuwa laingngé. Kajajiyangngi matu akkadérengngé kégi-kégi sibawa mpéwangngi tanaé.

MATIUS 24:7 ပူးပေါင်းရင်းမြစ်များ

2 TAWARIKH 15:6

Bangsa séddié tenre'i bangsa laingngé, sibawa kota séddié tenre'i kota laingngé, nasaba Allataala papoléngengngi ronta battowa ri yasé'na mennang.

YESAYA 19:2

Makkedai Puwangnge, “Pakangkaka matu musu assilessureng ri Maséré: Silessurengngé méwai silessurengngé, balibolaé méwai balibolaé, kotaé méwai kotaé sibawa akkarungengngé méwai akkararungengngé.

YESAYA 29:6

Puwang Iya Pommakuwasaé paleppe'i matu iyaro kotaé nasibawang anginraja sibawa mpéwang tana iya maseroé. Papoléi matu anginraja sibawa api iya majjallo'é.

YEHEZKIEL 14:21

Makkedai Puwang Iya Pommatanré, “Upateppai matu iya eppa pahukkungek-Ku iya kaminang maseroé ri yasé'na Yérusalém untu' paccappui muwi tolinoé iyaré'ga olokolo'é. Iyaro pahukkungengngé iyanaritu: musu, abala akkadéreng, olokolo masekkang sibawa sai.

YEHEZKIEL 21:27

Iyaé kotaé Uwancuru sisengngi matu, angkanna kégi-kégi engka sésa-sésa ruttungeng. Iyakiya iyaro gau'é nappai kajajiyang narékko tau iya Upilé untu' hukkungngi kotaéwé poléni. Lao ri aléna ritu Uwabbéréyang iyaé kotaé.’ ”

ZAKHARIA 14:13

Iyaro essoé naébbui matu Puwangnge iyaro bangsa-bangsaé malippu senna sibawa métau angkanna tungke' tauwé natikkengngi matu silaonna iya engkaé ri seddéna nanagasai.

LUKAS 21:11

Kajajiyangngi matu kégi-kégi mpéwangngi tanaé sibawa masero, bahaya akkadérengngé sibawa saiyé. Kajajiyangngi matu gau'-gau' iya mappakatau-taué sibawa maseroé ri langié.

RIWAYA'NA RASUL-RASUL-E 11:28

Ri yelle'na engka séddi riyaseng Agabus. Nasaba doronganna Rohna Allataala nabotoni makkedaé ri sininna linoé maéloi kajajiyang akkadéreng iya maseroé. (Na iyaro gau'é mémeng kajajiyangngi wettunna Kaisar Klaudius mapparénta.)

RIWAYA'NA RASUL-RASUL-E 2:19

Upakangkai matu sining anu makalallaingngé ri yasé' kuwaro ri langié, sibawa gau'-gau' dé'é padanna ri yawa kuwaé ri linoé; engka matu dara sibawa api, sellung sibawa rumpu.

IBRANI 12:27

Ada-ada “siseppi” mappaitangngi makkedaé sininna linoé iya puraé ripancaji rigoccangngi matu sibawa ripaddésu, kuwammengngi iya monroé banna ritu iya dé'é naulléi taggoccang.

WAHYU 6:12

Nainappa uwita iyaro Ana' Bimbala'é reppa'i ségélé' iya maennengngé. Kajajiyanni mpéwang tanaé iya maseroé. Mancaji malotonni mata essoé pada-pada kaing lotong iya makassara'é, enrengngé kétengngé mancaji macella pada-pada daraé.

WAHYU 6:5

Nainappa iyaro Ana' Bimbala'é reppa'i ségélé' iya matellué. Nauwéngkalingai mahlu' iya matellué makkeda, “Laono mai!” Makkitana, napaita sikaju anyarang bolong. Tau iya tonangiyéngngi makkatenning sipasang dacing ri limanna.

WAHYU 6:6

Nauwéngkalinga séuwa iya riyéngkalingaé pada-pada sadda iya goraé polé ri tengnga-tengngana iya eppa mahlu'éro. Iyaro saddaé makkedai, “Sibang gandong ellinna gaji siessoé, sibawa tellubbang gandong laingngé ellinna untu' gaji siessoétto. Iyakiya aja' musolangiwi poppong zaitungngé sibawa dare anggoro'é!”

WAHYU 6:8

Makkitana, napaita sikaju anyarang iya makawiyaé. Tau iya tonangiyéngngi riyasengngi Amaténg. Polé ri munri, riyaccowériwi macawé'-cawé' ri Linona Amaténgngé. Akuwasangngé ri tawa eppana linoéwé riyabbéréyangngi lao ri mennang, kuwammengngi naulléi mabbuno naolai musué, naolai wettu akkadérengngé, naolai saiyé enrengngé naolai olokolo' masekkangngé.