MATIUS 24:3 - KITTA KAREBA MADECENG

³ Nalaona Yésus ri Bulu-bulu Zaitun, tudanna-Na, poléni ana'-ana' gurun-Na untu' mabbicara mammessang-messang. Nakkeda mennang ri Yésus, “Powadakki uppanna kajajiyang iya manennaro! Aga tanra-tanranna iya mappaitangngéngngi apolénna Bapa' sibawa paccappurenna linoé?”

MATIUS 24:3 ပူးပေါင်းရင်းမြစ်များ

MATIUS 13:36

Purairo nasalaini Yésus iyaro tau maégaé, nanauttama ri bolaé. Napoléna ana'-ana' gurun-Na sibawa makkeda, “Coba Bapa' pakatajangekki bettuwanna iyaro pakkalarapangeng ariyaé ri yelle'na gandongngé.”

MATIUS 13:49

Makkuwatoniro lao-laona ri Esso Kiyame', laowi matu malaéka'-malaéka'é passara-sarangngi sining tau majaé polé risining tau iya pogau'éngngi élona Allataala.

MATIUS 15:12

Nanapoléna ana'-ana' gurunna Yésus nanakkeda ri Yésus, “Naissegga Bapa' makkedaé sining tau Farisié tassinggungngi wettunna naéngkalinga Bapa' makkeda makkuwaro?”

MATIUS 16:27

Dé'na namaitta Ana'na Tolinoé silaong sining malaéka'-Na napolé matu sibawa akuwasanna Ambo'-Na. Iyaro wettué Nawale'i tungke'-tungke' tau situru pangkaukenna.

MATIUS 16:28

Issenni! Riyelle'mu mennang kuwaé engka dé' namaté matu, riwettu dé'napa naitai Ana'na Tolinoé polé selaku Arung.”

MATIUS 17:19

Nainappa laoni ana'-ana' gurunna Yésus polé ri Aléna secara alé-alé sibawa makkutana ri Aléna, “Pa' aga saba'na idi dé' nariyullé paddésu'i roh majaé?”

MATIUS 21:1

Macawé'nana ri Yérusalém, lettu'ni mennang ri Bétfagé ri Bulu-bulu Zaitun. Kuwaniro nasuro Yésus duwa ana' gurun-Na joppa lebbi riyolo.

MATIUS 24:27

Saba' apolénna Ana'na Tolinoé pada-padai tappa billa'é iya mattappaé polé alau, namattappa lettu ri yajang.

MATIUS 24:30

Purairo tanranna Ana'na Tolinoé paitani matu ri langié. Iyaro wettué sininna bangsaé ri linoé teriwi matu. Naitai matu mennang Ana'na Tolinoé polé ri yasé'na ellungngé sibawa akuwasanna enrengngé alebbirenna battowaé.

MATIUS 24:37

Rékko poléi matu Ana'na Tolinoé, keadaanna pada-padai wettunna Nuh riyolo.

MATIUS 24:39

Wettunna lémpe' rajaé mappo manengngi mennang, nappai mainge' mennang aga matu kajajiyang. Makkuwaniro keadaanna matu rékko poléi Ana'na Tolinoé.

MATIUS 24:43

Engngerangngi iyaé! Akkalarapanna naissengngi punna bolaé tetté siyaga ri wennié napolé matu pangaé, dé'na namatinro, kuwammengngi dé' namuttama pangaé ri lalempolana.

MATIUS 28:20

Paggurui mennang turusiwi sininna iya puraé Uparéntakko. Na éngngerangngi tuli Usibawakko matu lettu paccappurenna linoé.”

LUKAS 21:7

Nakkutana mennang ri Yésus, “Bapa' Guru, uppanna kajajiyang matu iyaro gau'é? Sibawa aga tanranna makkedaé narapini wettunna iyaro gau'é maéloni kajajiyang?”

RIWAYA'NA RASUL-RASUL-E 1:7

Nappébali Yésus, “Aléna Ambo'-Ku pattentui esso sibawa wettunna. Iyaro dé' naparellu muwisseng, saba' iyaro ha'na Ambo'é.

IBRANI 9:26

Saba' rékko makkuwairo, bettuwanna iyaro makkolik-kolinni manrasa-rasa sipongenna ripancaji linoéwé. Iyakiya annessana, makkekkuwangngé ri wettu paccappurengngéwé, siseng bawang polé untu' leddai dosaé ri laleng nakkarobangenna Aléna.