MATIUS 22:4 - KITTA KAREBA MADECENG

⁴ Nainappa iyaro arungngé nasurosi sining pattumaninna laingngé. Nakkeda lao ri mennang: ‘Powadangngi sining undangengngéro: Sadiyani patalaé. Saping sibawa ana'-ana' sapikku iya kaminang makessingngé purani rigéré. Sadiya manenni. Talaona ri abottingengngé!’

MATIUS 22:4 ပူးပေါင်းရင်းမြစ်များ

NEHEMIA 9:17

Dé' namapato mennang, sininna akessingem-Mu nallupaiwi, sibawa sininna pangkaukem-Mu makalallaingngé teddéngngi polé ri paréngngeranna. Nasibawang atempong piléi mennang séddi ketua, untu' tiwii mennang ri Maséré, lisui mancaji ata. Iyakiya Iko Allataala iya pojiyéngngi maddampeng, malampé asabbarakeng, masémpo ati sibawa penno pammasé. Pammasé-Mu dé' padanna; dé' Musalaiwi mennang.

MAZMUR 86:5

Makessikko, oh Puwang, sibawa mupoji maddampeng, tau iya massempajangngé lao ri Iko tette'i Muwamaséi sibawa pammasé iya maonaé.

AMSAL 15:17

Lebbi kessing muwi manré ukkaju nasibawang pappoji pammasé, naiya manré juku malunra iyakiya nasibawangngi paccéccé.

ELONG MARAJA 5:1

Laoka ri palla'ku, anri, bottikku, upaddeppungengngi murku sibawa rampa-rampaku; uwanréi sarang wanikku sibawa cani'ku, uwénungngi dadi'ku sibawa uwai anggoro'ku. Manré ménunno, sellao-sellao, énunno gangka mabo' assicintang.

MATIUS 21:36

Nakirissi punna tanaéro sining pattumani laingngé. Iyakiya rigaukeng towi sibawa cara pada-padaé dénré.

MATIUS 22:5

Iyakiya iyaro sining undangengngé pada dé' nabati-batiwi. Laowi mennang tungke'-tungke' ri jama-jamanna – iya séddié laowi ri dare'na, iya laingngé ri perusahaanna;

MATIUS 22:8

Purairo naobbini sining pattumaninna, nainappa makkeda, ‘Sadiyani pésta abottingengngé, iyakiya sining undangengngé dé' nasipato'.

LUKAS 14:17

Narapinana wettunna ripammulai pestaéro, iyaro tauwé nasuroni pattumaninna lao risining naundangngé sibawa makkeda, ‘Laoni', saba' sadiya manenni!’

RIWAYA'NA RASUL-RASUL-E 1:8

Iyakiya lolongekko matu kuwasa, rékko engkani ri iko Rohna Allataala. Mancajiko matu sabbi-sabbik-Ku ri Yérusalém, ri sininna Yudéa, ri Samaria, sibawa lettu ri cappa'na linoé'.”

RIWAYA'NA RASUL-RASUL-E 13:46

Iyakiya pédé' lebbi baraniwi Paulus sibawa Barnabas mabbicara terus terang. Makkedai mennang, “Ada-adanna Allataala mémeng harusu'i ripalettu' lao ri iko riyolo. Iyakiya nasaba dé' mumaélo tarimai, iko muto pura pattentui makkedaé dé' musitinaja tarima atuwong tongengngé sibawa mannennungengngé. Namakkekkuwangngé risalaiko natalao ri bangsa laingngé.

ROMA 8:32

Ana' ri Aléna paimeng dé' Nacarinnaiwi, sangadinna nabbéréyangngi untu' apentingetta maneng; masa' dé' nabbéréyangngi matu lao ri idi sininna séuwa-séuwaé iya laingngé?