MATIUS 22:3 - KITTA KAREBA MADECENG

³ Iyaro arungngé nasuroni sining pattumaninna lao duppaiwi sining tau puraé naundang lao ri péstaéro. Iyakiya iyaro sining undangengngé dé' namaélo polé.

MATIUS 22:3 ပူးပေါင်းရင်းမြစ်များ

MAZMUR 68:11

Nainappa umma'-Mu monro kuwaro; ri laleng akessingem-Mu, oh Allataala, Mupiyarai tau kasiyasié.

YESAYA 30:15

Puwang Iya Pommatanré, Allataala mapaccinna Israélié, makkeda lao ri umma'-Na, “Toba'no sibawa tette tennang, na-Upassalama'ko matu. Ateppe'no ri Iyya sibawa ati iya amangngé, na-Upéwatangiko matu.” Iyakiya dé' mumaélo!

YEREMIA 25:4

Matteru-teru towi Puwangnge suroi lao ri iko sining nabié ata-atan-Na, iyakiya dé' mumaélo méngkalingai sibawa jampangiwi mennang.

YEREMIA 35:15

Matteru-teru-Ka suroi lao ri iko maneng atak-Ku sining nabié, napurani mennang napangajariko untu' pédécéngiwi ampé-ampému sibawa mappésau pogau'i majaé. Naparéngngerangiko mennang untu' dé' mumassompa déwata-déwata laing sibawa dé' mumattumani lao ri mennang, kuwammengngi weddikko matteru monro ri wanuwaéwé iya puraé Uwabbéréyang lao ri iko sibawa lao ri toriyolomu. Iyakiya dé' mumaélo jampangiwi sibawa dé' mumaélo méngkalinga-Ka.

HOSEA 11:2

Iyakiya pédé Uwobbii iyaro umma'-Ku pédé nabélai-Ka. Tiwii akkarobangeng sibawa mattunu dupa untu' Baal sibawa déwata-déwata lainna.

HOSEA 11:7

sibawa mattedde'i untu' salai-Ka. Naritenre'i matu mennang, iyakiya dé'gaga paleppe'i mennang namuni gorai mennang méllau tulung.”

ZEFANYA 1:7

Macawé'ni essona Puwangnge, iyaro essoé tinda'i matu Allataala; rimakkuwannanaro, ammekkono ri yolo-Na. Sadiya-sadiyani Puwangnge untu' mpunoi umma'-Na pada-pada akkarobangeng pakkasuwiyangngé sibawa purani Naundang sining balinna Yéhuda.

MATIUS 21:34

Narapinana wettunna maccéppu buwa anggoro, nakirinni iyaro punna tanaé sining pattumaninna lao risining pajjamana dare' anggoro'éro untu' tarimai bagiyanna.

MATIUS 23:37

“Yérusalém, Yérusalém! Muwunoi nabi-nabié, sining surona Allataala mugenrungiwi batu gangka maté. Maléwe'ni maélo-Ka pasipuppung manengngi pabbanuwamu pada-pada indo' manu'é iya rokongiyéngngi ana'-ana'na ri yawana pannina, iyakiya dé' mumaélo!

MATIUS 3:2

Adanna, “Toba'no polé ri dosa-dosamu, saba' dé'na namaitta napparénta matu Allataala selaku Arung!”

MATIUS 9:15

Nappébali Yésus, “Pékkugi pallolongemmu? Weddigga sining undangengngé ri abottingengngé tassinnau atinna rékko engka mupi bottimpurané silaong mennang? Tentu dé'! Iyakiya engka matu narapii wettunna nariyala iyaro bottimpurané polé ri mennang. Ri wettuénnaro nainappa mappuwasa mennang.

LUKAS 13:34

Yérusalém! Yérusalém! Muwunoi nabi-nabié! Mugenrungiwi batu sining surona Allataala gangka maté! Wékkasiyagani macinna-Ka paddeppungengngi sininna pabbanuwamu pada-pada indo' manu'é karokongiwi ana'-ana'na ri yawana pannina, iyakiya dé' mumaélo!

LUKAS 15:28

Macai senna'ni iyaro ana' macowaé, angkanna dé' namaélo muttama' ri bolaé. Namassuna ambo'na palécéi muttama'.

LUKAS 19:27

Namakkekkuwangngé tiwii lao mai sining balikku iya dé'é naéloriwi iyya mancaji arunna. Uno manengngi mennang ri yoloku!’ ”

YOHANES 5:40

Iyakiya dé' mumaélo lao ri Iyya untu' lolongengngi atuwong mannennungengngé.

RIWAYA'NA RASUL-RASUL-E 13:45

Wettunna sining tau Yahudié naita tau maégaéro, mangémpuru senna'ni mennang. Nacellani mennang Paulus sibawa naéwana sininna iya napowadaé.

ROMA 10:21

Iyakiya passalenna bangsa Israélié makkedai Yésaya, “Makkuwanié adanna Allataala, ‘Puppu esso Uloro'i limak-Ku lao ri riséddié bangsa iya matedde atié sibawa dé'é namatinulu.’ ”

IBRANI 12:25

Rimakkuwannanaro, atutuko aja' narapii dé' mumaélo méngkalingai iya mabbicaraéro. Mennang iya dé'é namaélo méngkalingai Aléna iya laowé ri linoé palettu'i biritta polé ri Allataala, dé' nawedding lari. Apalagi idi'é iya méngkalingaéngngi Aléna iya mabbicaraé polé ri surugaé! Rékko dé' tamaélo méngkalingai, pékkugi makkulléki wedding leppe'.

IBRANI 9:15

Iyanaro saba'na, Kristus mancaji Pappasisumpung untu' séuwa assijancingeng iya mabarué, kuwammengngi na tau iya puraénna riyobbi ri Allataala naulléi tarimai barakka-barakka mannennungengngé iya puraé najjanciyang Allataala. Iya manennaro weddingngi kajajiyang nasaba engkana maté, iyanaritu Kristus; na amatén-Naro paleppe'i tauwé polé risining asalanna iya napogau'é mennang ri wettu takkennana mupa assijancingeng iya mammulangngé.

WAHYU 22:17

Nakkeda Rohna Allataala sibawa Botting Makkunraié, “Laono mai!” Tungke' tau iya méngkalingaéngngi iyaé harusu towi makkeda, “Laono mai!” Niga madekka, sitinajai polé! Sibawa niga iya macinnangiyéngngi, sitinajai mala uwai iya mabbéré atuwonro sibawa cuma-cuma!