MATIUS 2:8 - KITTA KAREBA MADECENG

⁸ Purairo nasuroni mennang lao ri Bétléhém sibawa pasengngéwé, “Laono musappai sibawa madécéd-décéng passalenna Ana'éro. Narékko muruntu'ni, paissengika, kuwammengngi ulaoto sompai.”

MATIUS 2:8 ပူးပေါင်းရင်းမြစ်များ

2 SAMUEL 17:14

Naéngkalinganaro makkedani Abasalom sibawa sininna tau Israélié, “Lebbi kessing muwi pangajana Husai naiya pangajana Ahitofel.” Mémeng, Puwangnge pura pattentui untu' pasisalai pangajana Ahitofel iya makessingngéro, kuwammengngi nakennai Absalom abala.

1 ARUNG-NGARUNG 19:2

Nanakirinni Izebél iyaé karébaé lao ri Elia, “Tennapodo pahukkungngi sining déwataé, mala naunoka, rékko baja wettu pada-padaéwé dé' ugaurekko pada-pada mugaurengngéngngi nabi-nabi Baal-éro.”

AMSAL 21:30

Dé'gaga amaccang iyaré'ga apanréng iya mullééngngi tahang ri yolona Puwangnge.

AWATINGENG 3:37

Rékko dé' napuwéloi Puwangnge séuwaé, pasti dé' aga-aga naullé pogau' tauwé untu' iyaro.

MATIUS 2:1

Yésus rijajiyang ri kota Bétléhém ri wanuwa Yudéa; ri wettu apparéntanna Arung Hérodés. Iyaro wettué siyagangngaré ahli wéttowing polé alau, poléi ri Yérusalém.

MATIUS 2:7

Puranana nalolongeng pappakatajangngéro, naobbini Hérodés iyaro ahli wéttowing polé alaué mammekko-mekko. Nainappa makkutana ri mennang, siyaganna tongeng nappammula paita iyaro wéttowingngé.

MATIUS 2:9

Nalaona mennang. Ri tengnga laleng, wéttowing iya naitaé mennang riyolo ri seddé alau, paitasi paimeng. Temmakana senna'na mennang mitai iyaro wéttowingngé poddiyoloiwi mennang, nainappa mappésau ri yasé'na onronna iyaro Ana'é.