MATIUS 2:4 - KITTA KAREBA MADECENG

⁴ Nasuroni sininna kapala imangngé sibawa guru-guru agamana bangsa Yahudié polé maddeppungeng. Nainappa makkutana ri mennang, “Kégai maélo jaji Arung iya najjanciyangngé Allataala?”

MATIUS 2:4 ပူးပေါင်းရင်းမြစ်များ

2 TAWARIKH 34:13

riwéréngngi jamang jagaiwi arakkareng bahab-bahangngé, kapalaiwi pajjamaé ri maddupa-rupang jamang, jamai administrasié sibawa monrowangngi tange'é.

2 TAWARIKH 34:15

Makkedani Hilkia lao ri Safan, “Uruntu'i kitta Hukkunna Puwangnge ri Bolana Puwangnge,” nainappa nabbéréyang iyaro kitta'é lao ri Safan.

2 TAWARIKH 36:14

Rilainnaéro, Bolana Puwangnge iya puraé napallaing untu' Aléna muto, napanajisi'i sining pamimpinna Yéhuda, sining imangngé sibawa ra'ya'é, nasaba maccowéi massompa barahala sibawa maccowériwi cara atuwo-tuwong iya madosaé polé ri bangsa-bangsaé ri seddéna mennang.

EZRA 10:5

Nappammulana Ezra tinda. Nasuroni imang-ngimang kapalaé, sining tau Léwié sibawa sining tau Israél laingngé mattanro makkedaé maéloi mennang pogau'i tangngana Sékhanyaro.

EZRA 7:6

Ezra séddiwi tau iya maccaé sibawa maéga naisseng passalenna Hukkung iya nabbéréyangngé Puwangnge, Allataalana Israélié lao ri Musa. Nasaba ribarakkakiwi Ezra ri Puwang Allataalana, nariwérénna ri arungngé sininna iya naéllauwé. Ri taung mapitué apparéntanna Arung Artahsasta, joppani Ezra polé ri Babél mattuju ri Yérusalém silaong sirombongang tau Israél iya polé risijumella imang, tau Léwi, pakkélong nenniya panganrowang gerbang ri Bolana Puwangnge, sibawa sining pajjamaé.

MAZMUR 2:2

Massamangngi tokkong sining arung linoé sibawa sining panguwasaé masséddiwi méwai Puwangnge sibawa arung Napilé.

YEREMIA 8:8

Barani tongekko makkeda makkedaé mapanréko, sibawa missengngi hukkung-hukkuk-Ku! Coba mitai hukkung-hukkuk-Kuro ripinra ri ahli-ahli agama iya macéko-cékoé!

MALEAKHI 2:7

Mémeng kewajibanna sining imangngé untu' mappagguruwangngi iya tongengngé passalek-Ku, Puwang Iya Pommatanré. Lao ri mennang ritu harusu'i makkutana ra'ya'é aga élo-Ku, nasaba mennang ritu sining suro-Ku.

MATIUS 13:52

Nakkeda Yésus, “Iyanaro saba'na tungke' guru agama iya mancajiyé anggotana umma'na Allataala, pada-padai séddié punna bola iya passué polé ri onrong waramparanna barab-barang barué sibawa malaungngé.”

MATIUS 2:3

Wettunna naéngkalinga Arung Hérodés iyaro, tasséleng senna'ni, makkuwatoro sininna tauwé ri Yérusalém.

MATIUS 2:5

Nappébali mennang, “Ri kota Bétléhém ri wanuwa Yudéa. Nasaba makkuwaniyé naoki nabié,

MATIUS 21:15

Iyakiya kapala-kapala imangngé sibawa guru-guru agamaé macaii mitai sining anu makalallaing iya napogau'é Yésus. Sibawa macai towi mennang méngkalingai ana'-ana'é gora-gora ri Bolana Puwangngé, “Tuwoi Ana' Daud!”

MATIUS 21:23

Nainappa lisuni Yésus ri Bolana Puwangngé, nanauttama sibawa mappagguru kuwaro. Wettun-Na mappagguru, poléni kapala-kapala imangngé sibawa sining pamimpinna Yahudié ri Aléna nanakkutana, “Aga nallalengi na-Mupogau'i iya manennaro? Niga mpérék-Ko ha'?”

MATIUS 26:3

Iyaro wettué kapala-kapala imangngé sibawa sining pamimpinna Yahudié maddeppungenni ri saorajana Imang Lompoé Kayafas.

MATIUS 26:47

Ri wettu mabbicarana mupa Yésus, Yudas, sala séddinna polé ri ana'-ana' gurunna Yésus poléni. Maéga tau naéwa silaong iya tiwié peddang sibawa tarasulu. Risuroi mennang ri kapala-kapala imangngé sibawa sining pamimpinna Yahudié.

MATIUS 27:1

Maélé senna'ni sininna kapala imangngé sibawa pamimpinna Yahudié mébbu apettung untu' mpunoi Yésus.

MATIUS 7:29

Saba' Aléna mappaggurui sibawa akuwasang, dé' napada-pada guru-guru agamana mennang.

MARKUS 8:31

Purairo mappammulani Yésus paggurui ana'-ana' gurun-Na makkedaé Ana'na Tolinoé pasti napéneddingi maéga anrasa-rasang, sibawa riyéwai risining pamimpingngé, kapala-kapala imangngé, sibawa guru-guru agamaé. Riyunoi matu, iyakiya ri esso matellué, ripaoto'i paimeng.

LUKAS 20:19

Naissenni guru-guru agamaé sibawa kapala-kapala imangngé makkedaé iyaro pakkalarapangengngé napattujui Yésus lao ri mennang. Rimakkuwannanaro macinnani mennang tikkengngi Yésus iyaro wettué, iyakiya métaui lao ri tau maégaé.

LUKAS 23:10

Kapala-kapala imangngé sibawa guru-guru agamaé mangolo towi kuwaro sibawa tenre'i Yésus.

YOHANES 18:3

Nalaona Yudas ri onrongngéro sibawa tiwi sipasukang tentara Romawi sibawa siyagangngaré pengawalna Bolana Puwangngé iya risuroé ri kapala-kapala imangngé sibawa sining tau Farisié. Tiwii mennang senjata, pajjennangeng sibawa sulo.

YOHANES 3:10

Nappébali Yésus, “Na guruko ri Israél; masa' dé' muwissengngi?

YOHANES 7:32

Naéngkalingani sining tau Farisié pékkugi tau maégaéro mabbici'-bici' passalenna Yésus. Rimakkuwannanaro, sibawani kapala-kapala imangngé nasuroi siyagangngaré pengawalna Bolana Puwangngé lao tikkengngi Yésus.

YOHANES 8:3

Na iyaro wettué, guru-guru agamaé sibawa sining tau Farisié natiwini ri Yésus séddi makkunrai iya napoléiyé malaweng. Nasuroni mennang iyaro makkunraié tettong ri tengnga-tengnga,

RIWAYA'NA RASUL-RASUL-E 23:9

Naompona rukka masero. Siyagangngaré tau Farisi iya mancajiyé guru agama tettong sibawa tonget-tongeng méwai. Makkedai mennang, “Manuru' idi, iyaé tauwé dé' napasala muwi céddé! Naullé mémeng engka roh iyaré'ga malaéka' iya mabbicaraé ri aléna!”

RIWAYA'NA RASUL-RASUL-E 4:5

Pappa bajanana sining tomariyolona Mahkama Agamaé, sining pamimpinna Yahudié sibawa guru-guru agamaé maddeppungenni ri Yérusalém.

RIWAYA'NA RASUL-RASUL-E 6:12

Makkuwaniro mennang pakiri-kiriwi sining tauwé sibawa sining pamimping Yahudié, enrengngé guru-guru agamaé. Nainappa mennang lao tikkengngi Stéfanus, nanatiwii mangolo ri Mahkama Agamaé.