MATIUS 2:2 - KITTA KAREBA MADECENG

² Makkutanai mennang kégi-kégi, “Kégai jaji iyaro ana'é, iya jajiyé untu' mancaji arunna tau Yahudié? Riitai wéttowin-Na mompo ri seddé alau, na engkaki polé maélo sompai Aléna.”

MATIUS 2:2 ပူးပေါင်းရင်းမြစ်များ

MAZMUR 2:6

Adan-Na, “Ri Sion bulu-bulu-Ku iya mapaccingngé purani Ulanti arung upilé-Ku.”

MAZMUR 45:11

Eh Putri, éngkalingai ada-adakku, allupaini bangsamu sibawa sellaomu.

YESAYA 60:3

Mattinro-tinrosengngi bangsa-bangsaé lao ri tajammu, tattaré'i sining arungngé ri cahaya iya mompoé untu' alému.

YEREMIA 23:5

Makkedai Puwangnge, “Narapii matu wettunna, Uwakkai séddi tau arung iya adélé'é polé ri wija-wijanna Daud. Iyaro arungngé mapparéntai matu sibawa mapanré, nenniya pogau'i aga iya adélé'é sibawa tongengngé ri sininna linoé.

YEREMIA 30:9

Mattumaniko matu ri Iyya, Puwang Allataala, sibawa lao riséddié wija-wijanna Daud iya Uwakkaé matu selaku arung.

ZAKHARIA 9:9

Eh pabbanuwana Sion, arennuno! Eh pabbanuwana Yérusalém, gorano! Itani! Poléi arummu sibawa apakalang! Aléna arung adélé iya tiwié asalamakeng. Iyakiya lettu'i sibawa penno ariyawang ati tonangi kaleddé, sikaju kaleddé lolo.

ABBILANGENG 24:17

Uwitai, iyakiya tenniya makkekkuwangngé; utiroi, iyakiya polé mabéla. Séddiwi arung polé ri Israélié assalenna, poléi matu pada-pada wéttowing mattappaé. Sining pamimpinna Moab naancuru'i matu naancuru'i matu bangsa Sét.

MATIUS 2:3

Wettunna naéngkalinga Arung Hérodés iyaro, tasséleng senna'ni, makkuwatoro sininna tauwé ri Yérusalém.

MATIUS 21:5

“Powadanni lao ri Sion, poléni Arummu ri iko. Malemma kininnawai sibawa tonangi sikaju kaleddé, sikaju ana' kaleddé lolo.”

MATIUS 27:11

Wettunna Yésus mangolo ri Pilatus, gubernurna wanuwaéro, makkutanani Pilatus, “Ikonaga Arunna tau Yahudié?” Nappébali Yésus, “Makkuwaitu adatta puwang.”

LUKAS 19:38

Gorani mennang, “Ribarakkakiwi Arung iya polé sibawa asenna Puwangngé! Saléwangengngi ri surugaé sibawa ripojiwi ri Allataala!”

LUKAS 2:11

Iya essoé ri kota Daud, jajini Arung Pappassalama'mu iyanaritu Kristus, Puwangngé.

LUKAS 23:3

Nakkutana Pilatus lao ri Yésus, “Tongek-Koga Arunna tau Yahudié?” Nappébali Yésus, “Makkuwaitu adatta puwang.”

LUKAS 23:38

Ri coppo'na aju sallina Yésus, tarokii ada-adaéwé: “Iyanaé Arunna Tau Yahudié.”

YOHANES 1:49

Nakkeda Natanaél, “Pa' Guru, Bapa' iyanaritu Ana' Allataala! Bapa' ritu Arunna bangsa Israélié!”

YOHANES 12:13

Nanalana mennang daud-daung pattuku nalao duppaiwi, nagora-gorato, “Pojiwi Allataala! Ribarakkakiwi iya polé ri laleng asenna Puwangngé. Ribarakkakiwi Arunna Israélié!”

YOHANES 18:37

Nakkutana Pilatus ri Aléna, “Rékko makkuwaitu, aruk-Kotu?” Nappébali Yésus, “Tapowadai puwang makkedaé Iyya'é arung. Jaji-Ka sibawa lao-Ka ri linoé untu' séddi akkatta, iyanaritu mabbéré asabbiyang passalenna atongengengngé. Tau iya polé ri atongengengngéro naéngkalinga-Ka.”

YOHANES 19:19

Ri aju sallina Yésus, nassurowangngi Pilatus pasangngi okiéwé: “Yésus polé ri Nazarét, Arunna Tau Yahudié”.

YOHANES 20:28

Nakkeda Tomas lao ri Yésus, “Puwakku sibawa Allataalaku!”

YOHANES 5:23

Napogau'i Ambo'é iyaro kuwammengngi nasininna tauwé pakalebbii Ana'é pada-pada mennang pakalebbii Ambo'é. Tau iya dé'é napakalebbii Ana'é dé'to napakalebbii Ambo'é iya suroéngngi Ana'é.

YOHANES 9:38

Nakkeda iyaro tauwé, “Mateppe'ka, Puwang.” Nasuju'na ri yolona Yésus.

IBRANI 1:6

Iyakiya wettunna Allataala nasuro Ana'-Na iya macowaé muttama ri linoéwé, makkeda makkuwaiyé Allataala, “Sininna malaéka'na Allataala waji'i sompai iyaro Ana'é.”

WAHYU 22:16

“Iyya, Yésus, pura suroi malaéka'-Ku lao ri iko kuwammengngi nappassengengngi gau'-gau'éwé untu' apentingenna jema'-jema'é. Iyya'naé wija-wijanna Daud; Iyya'naé wéttowing alau iya macakkaéro.”