MATIUS 19:9 - KITTA KAREBA MADECENG

⁹ Jaji, éngkalingai iyaé: Nigi-nigi massarang bainéna – padahal iyaro makkunraié dé' nakédo sala – nainappa kawissi sibawa makkunrai laingngé, iyaro tauwé malawengngi.”

MATIUS 19:9 ပူးပေါင်းရင်းမြစ်များ

KAJAJIYANG 20:3

Riséuwaé wenni nappaitangngi Allataala aléna lao ri arungngéro ri laleng nippi, sibawa makkeda, “Matéko matu, nasaba purai muwala iyaro makkunraié; saba' purani mallakkai.”

2 TAWARIKH 21:11

Mala patettongngi onrong-ngonrong assompang barahala ri daéra buluna Yéhuda, sibawa nassabariwi ra'ya' Yéhuda sibawa Yérusalém madosa lao ri Puwangnge.

YEREMIA 3:1

Makkedai Puwangnge, “Rékko séddié bainé ritelle ri lakkainna, nainappa iyaro makkunraié mancaji bainéna tau laingngé, poro lakkainna dé' nawedding malai paimeng selaku bainéna, saba' iyaro gau'é nasolangiwi iyaé wanuwaé. Iko Israélié, mappunnaino maéga senna canring, masa makkekkuwangngé maéloko lisu lao ri Iyya!

YEHEZKIEL 16:15

Iyakiya muwakkégunang salai agelloremmu enrengngé abaurenna asemmu. Matinroko sibawa worowané muwi niga iya laloé.

YEHEZKIEL 16:29

Nainappako mancaji cakkuribanna tau Babél-é, bangsa padangkangngéro. Iyakiya dé'to mennang naulléi mabbéré asennangeng lao ri iko.”

MATIUS 19:10

Nanakkedana ana'-ana' gurunna Yésus lao ri Yésus, “Rékko assisumpungenna lakkaié sibawa bainé pada-padaéro, lebbi kessing muwi aja' takawing.”

MATIUS 19:8

Nappébali Yésus, “Napalaloko Musa massarang bainému saba' mawatang senna'ko ripagguru. Iyakiya sitongenna dé' nappakkuwaro ri pammulanna.

MATIUS 5:32

Iyakiya makkekkuwangngé makkeda-Ka ri iko: nigi-nigi massarang bainéna padahal iyaro makkunraié dé' nakédo sala, nassabariwi iyaro bainé malaweng rékko kawingngi paimeng iyaro bainéna. Sibawa nigi-nigi kawing sibawa makkunrai iya massarangngéro, malaweng towi.”

LUKAS 16:18

Niga massarang bainéna nainappa kawing sibawa makkunrai laingngé, malawengngi iyaro tauwé. Sibawa tau iya kawingiyéngngi makkunrai iya massarangngé, malaweng towi.”

1 KORINTUS 5:1

Sitongenna engkana laporan utarima makkedaé ri yelle'mu engka appangaddiyang iya talliwe'-liwe'é: Engka ri yelle'na Saudara iya malawengngé sibawa poro indo'na. Muwi sining tau iya dé'é naissengngi Puwangngé dé'to napogau'i makkuwaéro!

1 KORINTUS 7:39

Séddié makkunrai iya kawingngénna tassiyoi ri lakkainna ri wettu tuwonami bawang lakkainna. Rékko maténi lakkainna, iyaro makkunraié laluwasani kawissi sibawa tau iya napojiyé; assaleng iyaro akawingengngé, akawingeng Kristéng.

1 KORINTUS 7:4

Bainé dé' nakuwasaiwi tubunna muto; iya makuwasaiyéngngi tubunna iyanaritu lakkainna. Makkuwatoro lakkaié dé' nakuwasaiwi tubunna muto; iyakiya iya makuwasaiyéngngi tubunna iyanaritu bainéna.