MATIUS 18:3 - KITTA KAREBA MADECENG

³ Nainappa makkeda Yésus, “Ateppe'no! Banna rékko tappinrako mancaji pada-pada ana'-ana'éwé, mumancaji matu anggota-Na umma'na Allataala.

MATIUS 18:3 ပူးပေါင်းရင်းမြစ်များ

MAZMUR 131:2

Sitongenna, tennang sibawa amang atikku; pada-pada ana'lolo puraé susu, léwu tennang ri wakkanna indo'na.

YESAYA 6:10

Namakkeda-Na lao ri iyya, “Kunruiwi pikkiranna sining tauwéro, pataru-taruiwi daucculinna sibawa pabutai matanna, kuwammengngi aja' nakkita, maréngkalinga iyaré'ga majeppuiwi, nagiling ri Iyya sibawa majjappa.”

MATIUS 13:15

Saba' makunruni pikkiranna sining tauwé, mataru-taruni daucculinna sibawa napappeddenni matanna mennang. Kajajiyangngi iyaé kuwammengngi aja' nakkita matanna mennang, aja' namaréngkalinga daucculinna mennang, aja' nappahang pikkiranna mennang na aja' nalisu ri Iyya, na-Upajjappai mennang.’ ”

MATIUS 18:2

Naobbini Yésus séddi ana' baiccu, nanasuroi tettong ri yolona mennang.

MATIUS 18:4

Tau iya pakariyawaéngngi aléna mancajiwi pada-pada iyaé anana'é, iyanaritu kaminang battowa ri yelle'na umma'na Allataala.

MATIUS 19:14

Nakkeda Yésus lao ri ana'-ana' gurun-Na, “Leppessangngi iyaro ana'-ana'é lao ri Iyya! Aja' muwattéyangngi mennang, saba' sining tau makkuwaéwé mancaji anggotana umma'na Allataala.”

MATIUS 19:23

Nainappa makkedani Yésus lao ri ana'-ana' gurun-Na, “Makkeda-Ka lao ri iko, mawatang senna' tau sugié mancaji anggota-Na umma'na Allataala.

MATIUS 5:18

Engngerangngi! Ri wettu engkana mupa langié sibawa linoé, muwi séddi hurupu' iyaré'ga tetti iya kaminang baiccu'é ri laleng hukkungngéro, dé' matu nariledda, rékko dé'pa nakajajiyang maneng!

MATIUS 5:20

Jaji, éngngerangngi: Dé' nakkulléko mancaji umma'na Allataala, rékko dé' mupakacauriwi guru-guru agamaé sibawa sining tau Farisié ri laleng pogau'i élona Allataala!”

MATIUS 6:16

“Rékko mappuwasako aja' mupajjameru'i rupammu pada-pada tau iya pojiyéngngi majjaiwi. Napinrai mennang rupanna kuwammengngi sininna tauwé naissengngi makkedaé mappuwasai mennang. Engngerangngi, iyanaro sarona pura natarima mennang.

MATIUS 6:2

Jaji rékko mabbéréko sidekka ri tau kasiyasié, aja' mugora-gorangngi iyaro gau'é pada-pada iya napogau'é sining munapé'é. Napoji mennang pogau'i iyaro ri laleng bola assompangngé sibawa ri watattanaé, kuwammengngi naripoji ri tauwé. Engngerangngi purani mennang natarima sarona.

MATIUS 6:5

“Rékko massempajakko, aja' mupada pada tau iya majjaiyéngngi. Napoji mennang massempajang sibawa tettong ri bola assompangngé enrengngé ri pékka lalengngé kuwammengngi nariita ri tauwé. Engngerangngi iyanaro sarona natarima mennang.

MARKUS 4:12

kuwammengngi ‘Natonget-tongengngi matu mennang makkita, iyakiya dé' nakkita, matterui matu mennang maréngkalinga, iyakiya dé' nappéjeppu, kuwammengngi naaja' mennang nakkita sibawa mappéjeppu naaja' napolé ri Allataala nariyaddampengeng mennang ri Allataala.’ ”

LUKAS 13:24

“Akkuragako muttama' lalo ri tange' macipié. Saba' éngngerangngi! Maéga tau makkuraga muttama' iyakiya dé' naulléi.

LUKAS 22:32

Iyakiya purana massempajangekko, Simon, kuwammengngi aja' nalollo teppe'mu. Sibawa narékko lisuno ri Iyya, harusu'ko péwatangiwi silessu-silessuremmu.”

YOHANES 1:51

Nakkedapa Yésus, “Tongeng, ateppe'no, muwitai matu langié tattimpa', na malaéka'-malaéka'na Allataala noté ri Ana'na Tolinoé.”

YOHANES 3:3

Nappébali Yésus, “Ateppe'no, dé' séddi tau mulléi mancaji anggotana umma'na Allataala, rékko dé' narijajiyang paimeng.”

YOHANES 3:5

Nappébali Yésus, “Tongeng senna' adak-Ku: rékko tauwé dé narijajiyang polé ri uwai sibawa polé ri Rohna Allataala, iyaro tauwé dé' nawedding mancaji anggotana umma'na Allataala.

RIWAYA'NA RASUL-RASUL-E 14:22

Ri kota-kotaéro napakkasse'ni mennang atinna sining tau maccowériyéngngi Yésus sibawa napangajarinna iyaro sining tau maccowéé kuwammengngi tette'i maccowé ri Yésus. “Harusu'ki maéga manrasa-rasa riyolo, nainappa weddikki péneddingiwi asennangenna Lino Barunna Allataala,” makkuwaniro iyaro rasul-rasul-é paggurui sining tau maccowériyéngngi Yésus ri kotaéro.

RIWAYA'NA RASUL-RASUL-E 28:27

Saba' atinna iyaé bangsaé madonggoi, nalape'i daucculinna, sibawa nasampoi matanna. Saba' rékko dé' nakkuwaro, tentu makkitai matu matanna, maréngkalingai matu daucculinna, mappahangngi matu atinna, nalisu matu mennang ri alé-Ku,’ adanna Allataala, ‘Na-Upajjappai matu mennang.’ ”

RIWAYA'NA RASUL-RASUL-E 3:19

Rimakkuwannanaro, toba'no polé ri dosa-dosamu sibawa lisuno ri Allataala, kuwammengngi naleddai dosa-dosamu.

1 KORINTUS 14:20

Saudara-saudara! Aja' muwappikkiri pada-pada ana'-ana'é. Ri laleng gau' majaé, sitinajako tette' pada-pada anana' baiccu'é. Iyakiya ri laleng pikkirang, sitinajako mancaji tau iya battowaénna.

1 PETRUS 2:2

Sitinajako mancaji pada-pada ana'loloé iya silalonaé jaji, tuli madekka lao ri susu rohanié iya mapaccingngé. Nanallalengiro nawekke'ko sibawa ripassalama'.

2 PETRUS 1:11

Nanallalengiro riwérékko matu ha' penno untu' muttama ri Akkarungeng mannennungengngé iya polé ri Puwangngé sibawa Arung Pappassala'ta Yésus Kristus.