Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MATIUS 17:5 - KITTA KAREBA MADECENG

5 Ri wettu mabbicarana mupa Pétrus, ellung iya macakka senna'é salipuriwi mennang, na polé ri ellungngéro, naéngkalingai saddaé makkeda, “Iyanaé Ana'-Ku iya Uwamaséiyé. Napésennangiwi atik-Ku. Engkalingai Aléna!”

အခန်းကိုကြည့်ပါ။ ကော်ပီ




MATIUS 17:5
38 ပူးပေါင်းရင်းမြစ်များ  

Nainappa naéngkalingani saddanna Allataala makkeda, “Iyanaé Ana'-Ku iya Uwamaséiyé. Napésennangi atik-Ku.”


“Iyanaé suro-Ku Upilé, Tau iya Uwamaséiyé sibawa nasitujuiyé atik-Ku. Uwéréngngi matu Roh-Ku ri Aléna, Nabbirittangngi matu adélékek-Ku ri bangsa-bangsaé.


Nainappa nasalipurini ellung mennang, napolé ri ellungngéro engka sadda riyéngkalinga makkeda, “Iyanaé Ana'-Ku Uwamaséiyé. Engkalingai Aléna!”


Sibalé'na polé ri bangsata muto maéloi suro lao ri iko séddi nabi pada-pada iyya'é, na harusu'ko mapato lao ri aléna.


Ambo'é namaséiwi Ana'-Na, sibawa pura nabbéréyang manengngi akuwasangngé ri Aléna.


Nainappa naéngkalinga saddanna Allataala makkeda, “Ikona Ana'-Ku iya Uwamaséiyé. Mupésennangi atik-Ku.”


Itai, poléni risalipuri ri ellungngé! Sininna tauwé naitai matu Aléna, muttama toni mennang iya puraé gajangngi. Sininna bangsaé ri linoé mpatingngi matu nasaba Aléna. Iyyé, pasti! Aming!


na Rohna Allataala nonnoni ri yasé'-Na sinrupa jangang-jangangngé. Nanaéngkalingai saddanna Allataala makkeda, “Ikona Ana'-Ku iya Uwamaséiyé. Mupésennangi atik-Ku.”


Adanna Puwangnge, “Iyanaé atak-Ku iya Usokongngé, tau upilé-Ku iya sennangiyéngngi atik-Ku. Purani Uwéréng akuwasak-Ku lao ri aléna, untu' tiwi adélékeng lao ri tungke bangsaé.


Na puranana ripancaji pappassalama' iya sukkué, mancajiwi assalenna asalamakengngé iya mannennungengngé lao ri sininna tau iya matinulué ri Aléna,


Mabbicarai matu ri laleng asek-Ku, na-Uhukkungngi matu nigi-nigi iya dé'é namaélo méngkalingai.


Alénato Musa iya makkedaé lao ri bangsa Israélié, ‘Allataala maélo mpérékko séddi nabi iya napilé polé ri yelle'mu, pada-pada Aléna napiléka.’


Na Ambo'é iya suroék-Ka mabbéré towi asabbiyang passalek-Ku. Iko dé'pa naengka muwéngkalingai saddan-Na iyaré'ga muwitai tappa-Na.


Puraki napaleppe' polé ri akuwasanna pettangngé sibawa napalétté'ki ri laleng akkarungenna Ana'-Na iya Namaséiyé.


Ripojiwi Allataala iya marajaé nasaba naolai Ana'-Na iya naéloriyé, Nanamaséi senna'ki.


Nasaba makkumani Allataala namaseinna rupa tauwé ri linoéwé, angkanna Nabbéréyangngi Ana' Tungke'na, kuwammengngi na tungke' tau iya matepperiyéngngi dé' nabinasa sangadinna lolongengngi atuwong tongengngé sibawa mannennungengngé.


Maéloi Puwangnge mappassalama; macinnai ripakalebbi hukkun-Na sibawa ripakaraja.


Iyanaro parénta-parénta iya nabbéréyangngé Puwangnge lao ri iko wettummu maddeppungeng ri bulué. Wettunna mabbicara sibawa sadda maddalenrungngé polé ri apié sibawa ellung makkompe'é, nabbéréyangngi sining paréntaéro, sibawa tenniya laingngé. Nainappa naoki ri iya duwa pépeng batué nanawérékka.”


Pédé maladde'i oni tarompé'é. Mabbicarani Musa, na Allataala baliwi sibawa guttu.


Puranana Yésus makkeda makkuwaro, riyakkani ménré ri surugaé ri yolona matanna mennang, naritongko-Na ri ellungngé polé ri pakkitanna mennang.


“Purani uwakka tiwi polé ri salangkammu, sibawa leppessangngi baka lémparengngé polé ri limammu.


Nainappa polé ri laleng anginrajaé mabbicarani Puwangnge lao ri Ayub, makkuwaé:


Wettunna ana'-ana' gurunna Yésus méngkalingai iyaro saddaé, makkumani tauna mennang angkanna tassulung ri tanaé.


Nainappa makkitaka, napaitana séuwa ellung iya maputé. Ri yasé'na ellungngéro tudangngi séddi tau iya paitaé samanna pada tolinoé. Ri ulun-Na engka séddi passigera' ulaweng, sibawa ri liman-Na engka séddi kandao iya matarengngé.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ