MATIUS 17:3 - KITTA KAREBA MADECENG

³ Nainappa iya telluro ana' gurunna Yésus naitai Musa enrengngé Elia mabbicara sibawa Yésus.

MATIUS 17:3 ပူးပေါင်းရင်းမြစ်များ

1 ARUNG-NGARUNG 17:1

Engka séddi nabi riyaseng Elia. Assalenna poléi ri Tisbe, séddiwi kota polé ri daéra Giléad. Riséuwaé esso laowi ri Arung Ahab sibawa makkeda, “Nasabbing Puwang iya tuwoé, Allataala iya nasompaé tau Israélié sibawa iya utumaningiyé, upaissengiwi Puwang makkedaé ri lalenna duwa iyaré'ga telluttaung mangoloéwé dé'e gaga matu cinoddo iyaré'ga bosi muwi céddé, sangadinna rékko iyya powadai.”

MALEAKHI 4:5

Iyakiya ri wettu dé'napa napolé esso iya héba'é sibawa maseroé iya Upattentuéro, Usuroi matu lao ri iko Nabi Elia.

MATIUS 17:2

Ri yolona mennang, tappinrani tappana Yésus: Macakkai rupan-Na pada-pada mata essoé sibawa pakéyan-Na maputé lala'-lala'.

MATIUS 17:4

Nakkeda Pétrus lao ri Yésus, “Puwang, manyameng senna'ki kuwaé. Rékko tapojiwi Puwang, upatettongekki matu tellu kéma kuwaé: séddi untu' Puwang, séddi untu' Musa sibawa séddi untu' Elia.”

MARKUS 9:4

Nainappa iya telluro ana' gurunna Yésus naitai Yésus sipabbicara sibawa Elia enrengngé Musa.

LUKAS 1:17

Mancajiwi matu surona Puwangngé iya mawatangngé sibawa makuwasana pada-pada Elia. Napasidaméi matu ambo'é sibawa ana'é, enrengngé tau iya dé'é namatinulu napimpingngi matu lisu ri laleng pikkiranna iya tongengngé. Nanallalengiro napassadiyai matu séuwa umma' iya sadiyaénna untu' Puwangngé.”

LUKAS 16:16

Hukkunna Musa sibawa pappagguruwanna nabi-nabié, iya manenna tette'i ripajoppa narapi wettunna Yohanés Paccemmé. Mappammulai wettuéro Karéba Madécéng passalenna pékkugi Allataala mapparénta selaku Arung riyabbirittangngi matteru. Nakkuraga tauwé passai aléna untu' mancaji anggotana umma'na Allataala.

LUKAS 24:27

Nainappa napakatajang Yésus lao ri mennang aga tarokié ri laleng sininna Kitta'é passalenna Aléna, mappammulai ri Kitta'-kitta'na Musa enrengngé Kitta'na sining Nabié.

LUKAS 24:44

Purairo makkedani lao ri mennang, “Iyanaé gau'-gau' iya puraé Upowadakko wettuk-Ku sibawa mupo: makkedaé tungke' gau' iya tarokié passalenna Iyya ri laleng Kitta'na Musa, sining Nabié, sibawa Mazmur-é, harusu'i kajajiyang.”

LUKAS 9:33

Wettunna iya duwa tauwéro maélo salaiwi Yésus, makkedani Pétrus ri Yésus, “Bapa' Guru, manyameng senna'ki kuwaé. Madécéngenni patettokki tellu kéma: séddi untu' Bapa', séddi untu' Musa, sibawa séddito untu' Elia.” (Makkeda makkuwairo Pétrus, dé' napahangngi aga napowada.)

YOHANES 1:17

Hukkunna Puwangngé ritarimai naolai Musa. Iyakiya pammasé sibawa atinulurenna Allataala ripannessai naolai Yésus Kristus.

ULANGENG 18:18

Polé ri bangsana muto mennang maélo-Ka suro lao ri mennang séddi nabi pada-pada iko. Maélo-Ka powadangngi aga iya harusu'é napowada, nainappa napalettu matu lao ri bangsaéro sininna iya Uwapparéntangngé.

ULANGENG 34:10

Ri Israélié dé'na gaga nabi pada-pada Musa iya mabbicaraé siyolong tappa Puwangnge.