MATIUS 13:57 - KITTA KAREBA MADECENG

⁵⁷ Na sining tauwé dé' namaélo tarimai Yésus. Nakkedana Yésus lao ri mennang, “Séddié nabi ripakalebbii kégi-kégi, sangadinna ri kampong assalenna sibawa ri bolana muto.”

MATIUS 13:57 ပူးပေါင်းရင်းမြစ်များ

YESAYA 49:7

Allataala mapaccing Pappassalama'na Israélié makkeda lao ri tau iya ripakatuna senna'é, sibawa iya ricéccé ri bangsa-bangsaé enrengngé mancaji atanna sining panguwasaé, “Naitai matu sining arungngé pangkaukek-Ku; tokkongngi matu mennang pakalebbi-Ka. Naita towi matu sining panguwasaé, nanasuju' massompa.” Kajajiyangngi iyaro nasaba Puwangnge pura piléi atan-Na; Allataala mapaccinna Israélié matinului lao ri jancin-Na.

YESAYA 53:3

Tapakatunai sibawa mabélaiwi aléna, tau iya pennoé anrasa-rasang sibawa tanggung apeddireng. Dé' muwi séddi tau maélo mitai, sibawa muwi idi dé'to tajampangiwi.

YESAYA 8:14

Nasaba mapaccing senna'-Ka, mancaji batu tabbutturek-Ka untu' ra'ya' Yéhudaé sibawa Israélié, sibawa siyo-siyo iya malaéngngi pabbanuwana Yérusalém.

MATIUS 11:6

Masennangngi tau iya dé'é nappunnai alasang untu' sampéyangngi Iyya”

MATIUS 13:58

Rimakkuwannanaro dé' napogau'i Yésus maéga anu makalallaing kuwaro saba' dé' mennang namateppe'.

MARKUS 6:1

Polé ri onrongngéro, lisuni Yésus silaong ana'-ana' gurun-Na ri kampong assalen-Na.

MARKUS 6:14

Karéba passalenna iyaro kajajiyangngé lettu toni ri Arung Hérodés, saba' kalabbani asenna Yésus kégi-kégi. Engka tau makkeda, “Tuwoni paimeng Yohanés Paccemmé! Iyanaro saba'na nappunnai kuwasa pogau'i iyaro makalallaingngé.”

MARKUS 6:3

Tenniyaga iyaé panré ajui, ana'na Maria, sibawa silessurenna Yakobus, Yosés, Yudas sibawa Simon? Na ana'-ana' daranna engkato monro kuwaé.” Rimakkuwannanaro nasampéyangngi mennang.

MARKUS 6:4

Nakkeda Yésus lao ri mennang, “Séddié nabi ripakalebbii kégi-kégi; sangadinna ri kampong assalenna, sibawa ri yelle'na sumpulolona nenniya kaluwargana.”

LUKAS 4:24

Natambaiwi Yésus, “Engngerangngi dé' gaga nabi ripakalebbi ri kampong assalenna.

LUKAS 7:23

Masennangngi tau iya dé'é gaga alasanna untu' sampéyak-Ka.”

YOHANES 4:44

Yésus muto pura makkeda, “Séddié nabi dé' naripakalebbi ri wanuwanna.”

YOHANES 6:42

Nakkeda mennang, “Tenniyaga iyaé Yésus, ana'na Yusuf? Riisseng ambo' indo'-Na! Pékkugi weddingngi makkeda makkedaé nonnoi polé ri surugaé?”

YOHANES 6:61

Naissengngi Yésus makkedaé mannoko'-noko'i ana'-ana' gurun-Na passalenna gau'éro. Nakkedana, “Tassinggukkoga nasaba ada-adaéro?