MATIUS 13:3 - KITTA KAREBA MADECENG

³ Nanappagguruna Yésus maéga passaleng lao ri mennang ri laleng pakkalarapang. Napammulaini Yésus curita-Na, “Engka séddi patani lao mangampo biné.

MATIUS 13:3 ပူးပေါင်းရင်းမြစ်များ

MAZMUR 49:4

Maéloka powadai ada-ada mapanré, malamung senna buwa nawa-nawakku.

MAZMUR 78:2

Maéloka powada warékkada sibawa pakkalarapangeng, sibawa pakatajangngi patteppungngé wettu riyolo,

YEHEZKIEL 17:2

iya Iyya'é, Puwang Iya Pommatanré maéloi palettu'i lao ri mennang: Engka sikaju kuwajang battowa senna iya mabbulu magelloé sibawa mappanni malebba enrengngé mawatang. Luttui lao ri Bulu Libanon, léto'i colli'na sipong camara,

YEHEZKIEL 20:49

Iyakiya iyya Yéhézkiél pannessai pappotane'ku sibawa makkeda, “Puwang Iya Pommatanré, aja' musuroka powadai iyaro! Maddaréké manenni tauwé saba' upoji mabbicara sibawa pakkalarapang angkanna mawatang riyajeppui.”

MIKHA 2:4

Napakéi matu tauwé totomu selaku bahang assindirikeng, sibawa naébbui matu mennang élong abbaratangngéwé, ‘Purani nasittai Puwangnge wanuwattaé sibawa mabbéréyangngi lao ri iya méwaékki. Ancuru sisekki.’ ”

HABAKUK 2:6

Iyakiya sininna iya napatunru'éro nasindiri'i matu sibawa naéllé-kéllé. Makkedai matu mennang, “Tattanroko saba' goppoko barang iya tenniyaé appunnangemmu! Siyagapi ittana mupasugiriwi alému sibawa passai sining tau iya makkinrengngé ri iko untu' wajai inrenna mennang?”

MATIUS 13:4

Wettunna mampo, engka biné teppa ri lalengngé. Napoléna manu'-manu'é nananréi iyaro biné angkanna cappu.

MATIUS 13:53

Puranana nacurita Yésus sining pakkalarapangngéro, nasalaini iyaro onrongngé,

MATIUS 22:1

Mabbicarasi Yésus lao ri tau maégaéro sibawa paké pakkalarapangeng,

MATIUS 24:32

“Agguruko polé ri pong araé. Rékko manyilai takké-takkéna sibawa masomé', enrengngé mammulani cura'-cura', muwissennitu makkedaé mawé'ni wettu timoé.

MARKUS 12:1

Nainappa mappammulani Yésus mabbicara sibawa pakkalarapangeng lao ri kapala-kapala imangngé, guru-guru agamaé sibawa sining pamimpinna Yahudié. Nakkeda Yésus, “Engka séddi tau iya tanengiyéngngi séuwaé dare' anggoro, nainappa nasappo mattulili. Purairo kalini kalebbong untu' mappera' anggoro, nainappa naébbureng séuwa langkiyang anganrowangeng. Purairo nappasséwanni iyaro dare' anggoro'na lao ri risiyagangngaré tau paddare' nainappa joppa ri wanuwa laingngé.

MARKUS 12:12

Nasininna tomariyolona bangsa Yahudié iya méngkalingaéngngi pakkalarapangngéro, makkuragani tikkengngi Yésus, saba' naissengngi mennang aléna ripakennai ri Yésus iyaro pakkalarapangngé. Iyakiya métaui mennang ri tau maégaé. Jaji laoni nasalaiwi Yésus.

MARKUS 3:23

Nanaobbini Yésus iyaro tau maégaé, nanacuritangngi mennang siyagangngaré pakkalarapangeng. Nakkeda Yésus, “Pékkugi wedding sétangngé paddésu'i sétangngé?”

MARKUS 4:13

Nainappa Yésus makkeda lao ri mennang, “Rékko dé' mupahangngi pakkalarapangngéro, pékkugi mulléi pahangngi sining pakkalarapang laingngé?

MARKUS 4:33

Makkuwaniro Yésus paggurui tauwé sibawa makkégunang maéga pakkalarapangeng pada-padaéro, situru iya weddingngé napahang mennang.

LUKAS 12:41

Nakkutana Pétrus, “Puwang, Mupattujugi ri idi Puwang iyaro pappagguruwangngé iyaré'ga lao ri sininna tauwé?”

LUKAS 8:10

Nappébali Yésus, “Purano riwéréng pammasé untu' missengngi rahasiyana pékkugi Allataala mapparénta selaku Arung. Iyakiya tau laingngé ripaggurui sibawa pakkalarapangeng, kuwammengngi napénessaiwi, iyakiya dé' naissengngi aga iya kajajiyangngé; sibawa maréngkalingai, iyakiya dé' napahang.”

YOHANES 16:25

“Iya manennaé Upowadakko sibawa rapang-rapang. Iyakiya engka matu napolé wettunna, nadé' Upaké rapang-rapang, iyakiya mabbicara terus terang lao ri iko passalenna Ambo'é.