MATIUS 13:2 - KITTA KAREBA MADECENG

² Maéga senna tau maddeppungeng mattulilingiwi Yésus, rimakkuwannanaro laoni Yésus tudang ri lalenna lopié na iyaro tau maégaé tudangngi ri wirinna tapparengngé.

MATIUS 13:2 ပူးပေါင်းရင်းမြစ်များ

KAJAJIYANG 49:10

Nakkatenningngi matu Yéhuda tekkeng akkarungengngé, mapparéntai matu wija-wijanna mannennungeng. Tiwii matu bangsa-bangsaé pakkasuwiyang, enrengngé suju' sibawa tunru ri yolona.

MATIUS 15:30

Maégani tau lao ri Yésus tiwii sining tau iya képpangngé, butaé, péso'é, pépé, sibawa maéga mupa malasa laingngé. Iyaro sining tauwé nataroi mennang ri yolona Yésus, nanapajjappai Yésus iyaro sining tauwé.

MATIUS 4:25

Maéga senna tau maccowériwi Yésus iyaro wettué – engka polé ri Galiléa, polé ri Seppuloé Kota, polé ri Yérusalém, polé ri Yudéa sibawa engkato polé ri wanuwa ri liwenna Yordan.

MARKUS 4:1

Mappaggurusi Yésus ri wirinna Tappareng Galiléa. Maéga senna' tau katulungngi. Rimakkuwannanaro laoni tudang ri lalenna séuwaé lopi iya engkaé ri tompo'na uwai, na iyaro tau maégaé tettongngi ri wirinna tapparengngé.

LUKAS 5:3

Naénré'na Yésus risala séddinna iyaro sining lopié, iyanaritu lopinna Simon, nainappa nasuro Simon sorongngi iyaro lopinna mabéla céddé polé ri wiring. Natudanna Yésus ri laleng lopiéro, nanapaggurui tau maégaé.