MATIUS 11:3 - KITTA KAREBA MADECENG

³ “Bapa'ga tau maéloé polé situru jancinna Allataala, iyaré'ga harusu'ki tajeng tau laing?”

MATIUS 11:3 ပူးပေါင်းရင်းမြစ်များ

KAJAJIYANG 12:3

Maélo-Ka barakkakiwi sining tau iya barakkakiyéngngékko sibawa tanroiwi sining tau iya tanroiyéngngékko. Nasaba iko maélo-Ka barakkakiwi sininna bangsaé ri linoé.”

KAJAJIYANG 3:15

Iko sibawa makkunraiéro tuli sibenciko matu, wija-wijanna sibawa wija-wijammu tuli simusui matu. Wija-wijanna naancuru'i matu ulummu, na iko muwokkoi matu amputuna mennang.”

KAJAJIYANG 49:10

Nakkatenningngi matu Yéhuda tekkeng akkarungengngé, mapparéntai matu wija-wijanna mannennungeng. Tiwii matu bangsa-bangsaé pakkasuwiyang, enrengngé suju' sibawa tunru ri yolona.

MAZMUR 118:26

Ribarakkakiwi iya polé ri laleng asenna Puwangnge. Ribarakkakiko polé ri Bolana Puwangnge.

YESAYA 7:14

Makkekkuwangngé, Aléna Puwangnge mabbéré matu tanrang lao ri iko: Séddi ana'dara iya mattampu'é jajiyangngi matu séddi ana' worowané iya nasengngé Imanuél.

HOSEA 3:5

Iyakiya poléi matu wettunna lisui bangsa Israélié lao ri Puwang Allataalana mennang, sibawa lao ri arunna mennang polé ri wijanna Daud. Namétauna matu mennang sibawa mappakalebbi lao ri Puwangnge, enrengngé tarimai sining barakka'-Na.

OBAJA 1:21

Pabbanuwana Yérusalém iya poré nagasai matu Edom sibawa caui. Na Iyya Puwang mapparénta matu selaku arung.”

MIKHA 5:2

Jaji, naleppessangngi matu Puwangnge umma'-Na rikuwasai risining balinna narapi makkunrai iya ripattentué untu' mancaji indo'na iyaro panguwasaé jajiyangngi Aléna. Purairo sining tau sibangsana iya engkaé ri appalirengngé ripasséddiwi matu paimeng sibawa bangsana.

HAGAI 2:7

Upawéwang manengngi matu sininna bangsaé sibawa ritiwii matu waramparanna lao Kumaiyé, angkanna pennoi matu Bola-Ku sibawa asugirenna mennang.

ZAKHARIA 9:9

Eh pabbanuwana Sion, arennuno! Eh pabbanuwana Yérusalém, gorano! Itani! Poléi arummu sibawa apakalang! Aléna arung adélé iya tiwié asalamakeng. Iyakiya lettu'i sibawa penno ariyawang ati tonangi kaleddé, sikaju kaleddé lolo.

MALEAKHI 3:1

Pappébalinna Puwang Iya Pommakuwasaé, “Ukiringngi matu suro-Ku untu' passadiyangek-Ka laleng. Na temmusenna-sennai Iyya, Puwang iya musappaé, laowi matu ri Bola-Ku. Suro-Ku iya muwuddaniyéro poléi matu sibawa mappallebbangengngi assijancik-Ku.”

MALEAKHI 4:2

Iyakiya untu' iko iya matinulué lao ri Iyya, akuwasak-Ku iya mappassalama'é mompoi matu pada-pada mata essoé, sibawa tappana mappapoléi ajjappang. Leppe'ko matu sibawa marennu pada-pada ana' saping iya nappaé massu polé ri wakkéé.

ABBILANGENG 24:17

Uwitai, iyakiya tenniya makkekkuwangngé; utiroi, iyakiya polé mabéla. Séddiwi arung polé ri Israélié assalenna, poléi matu pada-pada wéttowing mattappaé. Sining pamimpinna Moab naancuru'i matu naancuru'i matu bangsa Sét.

MATIUS 11:10

Saba' Yohanés ritu naseng ri laleng Kitta'éwé, ‘Iyanaé suro-Ku, adanna Allataala, Usuroi lebbi riyolo na Iko kuwammengngi natimpakek-Ko laleng.’

MATIUS 11:4

Nappébali Yésus, “Lisuno ri Yohanés namupowadangngi aga muwéngkalinga sibawa muwita:

MATIUS 21:5

“Powadanni lao ri Sion, poléni Arummu ri iko. Malemma kininnawai sibawa tonangi sikaju kaleddé, sikaju ana' kaleddé lolo.”

MATIUS 21:9

Tau maégaé iya joppaé ri yolo sibawa ri monrinna Yésus gora-gorani, “Tuwoi Ana' Daud! Ribarakkakiwi iya polé ri laleng asenna Puwangngé! Pojini Allataala Iya Pommatanré!”

MARKUS 11:9

Sining tau joppaé ri yolo, sibawa sining tau iya maccowériyéngngi polé monri, gora-gora maneng, “Pojiwi Allataala! Ribarakkakiwi Aléna iya polé ri laleng asenna Puwangngé!

LUKAS 19:38

Gorani mennang, “Ribarakkakiwi Arung iya polé sibawa asenna Puwangngé! Saléwangengngi ri surugaé sibawa ripojiwi ri Allataala!”

YOHANES 11:27

Nappébali Marta, “Puwang, mateppe'ka, Puwang Ana'na Allataala, Arung Pappassalama'é iya maéloé polé ri linoéwé.”

YOHANES 12:13

Nanalana mennang daud-daung pattuku nalao duppaiwi, nagora-gorato, “Pojiwi Allataala! Ribarakkakiwi iya polé ri laleng asenna Puwangngé. Ribarakkakiwi Arunna Israélié!”

YOHANES 16:14

Napakaraja-Ka matu, saba' aga Napalettu ri iko, Natarimai polé ri Iyya.

YOHANES 4:21

Nakkeda Yésus lao ri makkunraiéro, “Ateppe'no, séuwa wettu matu nasompai tauwé Ambo'é, tenniyana ri buluéwé, sibawa tenniyato ri Yérusalém.

YOHANES 6:14

Wettunna naita tau maégaé anu makalallaing iya napogau'é Yésus, makkedani mennang, “Iya tongennaé nabi riyamménasaiyé lao ri linoé!”

YOHANES 7:31

Maéga ri yelle'na sining tauwéro mammulani mateppe' ri Aléna, sibawa makkeda, “Rékko poléi Arung Pappassalama'é, naulléga pogau'i lebbi maéga anu makalallaing naiya iyaé tauwé?”

IBRANI 10:37

Saba' ri laleng Kitta'é tarokii, “Banna cinampe' bawappi, na iyaro maéloé polé, masitta'i matu polé; dé' napasoro-soroi apolén-Na.