MATIUS 10:7 - KITTA KAREBA MADECENG

⁷ Powadangngi mennang makkedaé dé'na namaitta napparénta Allataala selaku Arung.

MATIUS 10:7 ပူးပေါင်းရင်းမြစ်များ

YESAYA 61:1

Akuwasanna Puwang Iya Pommatanré engkai ri aléku; napiléka sibawa nasuroka untu' tiwi karéba lao ri tau kasiyasié sibawa pajjappai tau iya mareppo'é atinna; untu' mappallebbangengngi lao ri tau ritahangngé makkedaé ripaleppe'i mennang masitta, sibawa lao risining tauwé ri laleng tarungkué makkedaé ripaleppe'i matu mennang.

MATIUS 10:8

Pajjappai sining tau malasaé; patuwoi sining tau iya mate'; pajjappai sining tau iya malasa oli mappakatautaué, sibawa paddésu'i sétangngé. Purani mutarima manenro sibawa cuma-cuma. Jaji abbéréyang towi sibawa cuma-cuma.

MATIUS 11:1

Puranana Yésus mabbéré panunju'-panunju' lao riseppuloé duwa ana' gurun-Na, Nasalaini iyaro onrongngé. Laoni mappagguru sibawa mappallebbangengngi pasenna Allataala ri kota-kota iya macawé'é kuwaro.

MATIUS 21:31

Nari yelle'na iya duwa ana'éro, nigana pogau'i élona ambo'na?” Nappébali kapala-kapala imangngé sibawa sining pamimpinna Yahudié, “Iya macowaé.” Nakkeda Yésus lao ri mennang, “Ateppe'no: Sining passinge' simaé sibawa sining makkunrai cakkuribangngé poddiyoloiko matu mancaji anggotana umma'na Allataala naiya iko.

MATIUS 21:43

Nakkeda Yésus, “Jaji éngngerangngi, sininna ha'é selaku umma'na Allataala ribébbui matu polé ri iko nariwéréng lao riséddié bangsa iya pajoppaéngngi parénta-paréntana Allataala. [

MATIUS 23:13

“Cilakano iko guru-guru agamaé sibawa sining tau Farisié! Mupoji mabbonga-bonga. Mulawa-lawaiwi tauwé untu' mancaji wargana umma'na Allataala. Nadé' mumaélo mancaji wargana umma'na Allataala, na tau laingngé iya maéloé mulawa-lawaiwi. [

MATIUS 3:2

Adanna, “Toba'no polé ri dosa-dosamu, saba' dé'na namaitta napparénta matu Allataala selaku Arung!”

MATIUS 4:17

Mappammulai wettuéro nabbirittanni Yésus, “Toba'no polé ri dosa-dosamu, nasaba dé'na namaitta napparénta Allataala selaku Arung!”

MARKUS 6:12

Najoppana iyaro seppuloé duwa ana' gurunna Yésus. Laoni mennang mappallebbangengngi karébaé makkedaé harusu'i toba' rupa tauwé polé ri dosa-dosana.

LUKAS 16:16

Hukkunna Musa sibawa pappagguruwanna nabi-nabié, iya manenna tette'i ripajoppa narapi wettunna Yohanés Paccemmé. Mappammulai wettuéro Karéba Madécéng passalenna pékkugi Allataala mapparénta selaku Arung riyabbirittangngi matteru. Nakkuraga tauwé passai aléna untu' mancaji anggotana umma'na Allataala.

LUKAS 9:2

Nainappa nasuro mennang lao pajjappai tau malasaé sibawa mappallebbangengngi pékkugi Allataala mapparénta selaku Arung.

LUKAS 9:6

Najoppana ana'-ana' gurunna Yésus, nalao ri désa-desaé untu' mabbirittangngi Karéba Madécéngngé sibawa pajjappai tau malasaé kégi-kégi.

LUKAS 9:60

Nappébali Yésus, “Leppessangngi siya tau maté kuburu'i taunna maté. Iyakiya iko laono namuwappallebbangengngi karébaé makkedaé mappammulani Allataala mapparénta.”

YOHANES 3:2

Riséuwaé wenni laowi ri Yésus sibawa makkeda, “Bapa' Guru, irissengngi Bapa' risuroi ri Allataala. Saba' dé' muwi séddi tau mulléi mébbu anu makalallaing pada-pada naébbué Bapa', rékko dé' narisibawang ri Allataala.”

RIWAYA'NA RASUL-RASUL-E 10:25

Lettu'nana Pétrus, laoni Kornélius duppaiwi sibawa suju' ri yolona.

RIWAYA'NA RASUL-RASUL-E 28:31

Baraniwi mabbirittangngi lao ri mennang passalenna pékkugi Allataala mapparénta selaku Arung, sibawa passalenna Puwatta Yésus Kristus. Napogau'ni Paulus iyaro sibawa laluwasa, tenrihalang-halangi.

RIWAYA'NA RASUL-RASUL-E 4:2

Macaii mennang nasaba Pétrus sibawa Yohanés makkedai lao risining tauwé makkedaé tuwoi paimeng Yésus polé ri amaténgngé. Na iyaro pabuttiwi makkedaé tuwoi matu paimeng tau maté.