MATIUS 10:3 - KITTA KAREBA MADECENG

³ Purairo, Pilipus nenniya Bartoloméus, sibawa Tomas kuwaéttopa Matius, passinge' simaé, enrengngé Yakobus ana' Alféus sibawa Tadéus;

MATIUS 10:3 ပူးပေါင်းရင်းမြစ်များ

MATIUS 18:17

Rékko dé' natarimai pangajana iyaro sining tauwé, paissengini iyaro gau'é lao ri jema'é. Na angkanna, rékko dé' namaélo tarimai pangajana jema'é, angga'ni selaku passinge' sima sibawa séddi tau iya dé'é naissengngi Allataala.”

MATIUS 27:56

Ri yelle'na iyanaritu Maria Magdaléna, Maria indo'na Yakobus sibawa Yusuf, enrengngé indo'na ana'-ana'na Zébédéus.

MATIUS 9:9

Nasalaini Yésus onrongngéro. Mattengngangngi joppa, naita-Ni séddi passinge' sima, riyasengngé Matius, tudang ri kantoro assimanna. Nakkeda Yésus ri aléna, “Laono mai namuwaccowé ri Iyya!” Natettonna Matius, nanaccowériwi Yésus.

MARKUS 15:40

Naengkato kuwaro siyagangngaré makkunrai mitai iya manennaro polé mabéla. Ri yelle'na engkai Salomé, Maria Magdaléna, sibawa Maria indo'na Yakobus iya maloloé sibawa Yosés.

MARKUS 2:14

Ri wettunna Yésus joppa kuwaro, naitani séddi passinge' sima riyasengngé Léwi, ana'na Alféus, mattengngang tudat-tudang ri kantoro accukéngngé. Nakkeda Yésus lao ri Léwi, “Accowéno ri Iyya.” Natettonna Léwi naccowériwi Yésus.

MARKUS 3:18

Andréas, Filipus, Bartoloméus, Matius, Tomas, Yakobus ana' Alféus, Tadéus, Simon si Patriot,

LUKAS 18:10

Nakkeda Yésus, “Engka duwa tau lao ri Bolana Puwangngé untu' massempajang. Iya séddié tau Farisi, naiya laingngé séddiwi passinge' sima.

LUKAS 18:11

Iyaro tau Farisié natampuiwi arona namassempajang ri laleng ati, ‘Oh Allataala, mattarima kasi'ka ri Idi, saba' dé' upada-pada tau laingngé, iya mangowaé, macéko-céko iyaré'ga malaweng. Sukkuru'ka saba' dé' upada iyaro passinge' simaé.

LUKAS 18:13

Iyakiya iyaro passinge' simaé tettongngi mabéla-béla sibawa mala dé' nabarani conga ri langié. Nasappurui arona nanakkedato, ‘Oh Allataala, amaséika, tau madosaéwé!’ ”

LUKAS 19:2

Ri kotaéro engka séddi kapala passinge' sima iya sugié. Asenna Zakhéus.

LUKAS 5:27

Purairo massuni Yésus nanaitai séddi passinge' sima iya riyasengngé Léwi, mattengngang tudang ri kantoro'na. Nakkeda Yésus ri Léwi, “Accowéko ri Iyya.”

YOHANES 1:48

Nakkutana Natanaél ri Yésus, “Pékkugi taissekka Pa'?” Nappébali Yésus, “Riwettu dé'napa naobbiko Filipus, Uwita mémenno ri yawana pong araé.”

YOHANES 11:16

Tomas iya riteppué “Si Dénru” makkedai lao ri sellao-sellaona ana'-ana' gurunna Yésus, “Laono mai taccowé, leppessakki maté silaong Aléna!”

YOHANES 14:22

Yudas (tenniya Yudas Iskariot) makkutana ri Yésus, “Puwang, magi Puwang tamaélo mappaitangngi aléta lao ri idi tenniya lao ri linoé?”

YOHANES 14:5

Nakkeda Tomas lao ri Yésus, “Puwang, dé' nariisseng kégaki Puwang lao, pékkugiki missengngi lalenna?”

YOHANES 14:9

Iyakiya mappébaliwi Yésus, “Makkuwamani ittana Usibawakko, nadé'paha muwissek-Ka, Filipus? Tau iya puraé mita-Ka, purani naita Ambo'é. Pékkugiko wedding makkeda, ‘Jellokekki Ambo'é?’

YOHANES 21:2

Riséuwaé esso, Simon Pétrus, Tomas iya riyobbié si Dénru, Natanaél polé ri Kana ri Galiléa, ana'-ana' Zébédéus, sibawa duwa ana' gurunna Yésus laingngé, mattengngang maddeppungeng.

RIWAYA'NA RASUL-RASUL-E 1:13

Ri Yérusalém laowi mennang ri bola nappérumaiyé mennang, nainappa ménré ri bili' yasé'é. Iyaro rasul-rasul-é, iyanaritu Pétrus sibawa Yohanés, Yakobus sibawa Andréas, Filipus sibawa Tomas, Bartoloméus sibawa Matius, Yakobus ana' Alféus, Simon Patriot sibawa Yudas ana' Yakobus;

RIWAYA'NA RASUL-RASUL-E 12:17

Mabbéréni Pétrus tanra-tanrang sibawa limanna kuwammengngi natennang mennang, nainappa nacurita pékkugi Puwangngé pura tiwii massu polé ri tarungkué. Nainappa makkeda, “Powadangngi iyaé lao ri Yakobus sibawa saudara-saudara laingngétto.” Purairo nasalaini Pétrus iyaro onrongngé nalao ri onrong laingngé.

RIWAYA'NA RASUL-RASUL-E 15:13

Pajanana mennang mabbicara, makkedani Yakobus, “Saudara-saudara! Coba méngkalingai!

RIWAYA'NA RASUL-RASUL-E 21:18

Pappa bajana silaonni Paulus lao célléngiwi Yakobus; sininna pamimping-pamimpinna jema'é engka towi kuwaro.

GALATIA 1:19

Dé' usiruntu sibawa rasul-rasul iya laingngé, sangadinna Yakobus, silessurenna Puwangngé.

GALATIA 2:9

Yakobus, Pétrus sibawa Yohanés, iya riitaé mancaji sining pamimpinna jema'é, nangakui makkedaé Allataala pura mpérékka jama-jamang dé'é padannaé. Najjama'na mennang sibawa Barnabas enrengngé iyya selaku tanrang assisellaongeng. Nainappa mennang sibawa idi risitujuini makkedaé majjamaki matu ri yelle'na bangsa-bangsa iya tenniyaé Yahudi, na mennang ri yelle'na tau Yahudié.

YAKOBUS 1:1

Saudara-saudara umma'na Allataala iya tassiya-siyaé ri sininna linoé! Sellekku, iyya, Yakobus, atanna Allataala sibawa atanna Puwang Yésus Kristus.

YUDAS 1:1

Saudara-saudara iya puraé riyobbi sibawa iya riyamaséi senna'é ri Allataala Ambo'é, enrengngé rijagaiyé untu' Yésus Kristus. Selaku atanna Yésus Kristus, iyya – Yudas – saudarana Yakobus,