MATIUS 10:1 - KITTA KAREBA MADECENG

¹ Engka séuwa esso naobbii Yésus iya seppulo duwa ana' gurun-Na maddeppungeng. Nanawéréngngi mennang kuwasa untu' paddésu'i roh-roh majaé sibawa pajjappai sininna rupa-rupanna lasaé enrengngé sininna rupanna tau sala-salangngé watakkaléna.

MATIUS 10:1 ပူးပေါင်းရင်းမြစ်များ

MATIUS 19:28

Nakkeda Yésus lao ri mennang, “Ateppe'no: Ri Lino Baruéro, Ana'na Tolinoé tudangngi matu ri kadéra arajan-Na malebbié. Iyaro wettué iko ana'-ana' guruk-Ku tudakko matu ri yasé'na seppuloé duwa kadéra arajang sibawa madélékiwi seppuloé duwa suku bangsana Israélié!

MATIUS 26:20

Wenninnana, tudanni Yésus sibawa iya seppulo duwa ana' gurun-Na manré.

MATIUS 26:47

Ri wettu mabbicarana mupa Yésus, Yudas, sala séddinna polé ri ana'-ana' gurunna Yésus poléni. Maéga tau naéwa silaong iya tiwié peddang sibawa tarasulu. Risuroi mennang ri kapala-kapala imangngé sibawa sining pamimpinna Yahudié.

MATIUS 4:23

Ri Galiléa, mattulilini Yésus ri sininna wanuwaéro. Mappagguruni risining bola assompangngéro, sibawa nappallebbangengngi Karéba Madécéngngé makkedaé mapparéntai matu Allataala sibawa napajjappai sining tau sala-salangngé sibawa malasaé.

MATIUS 6:13

Aja' taleppessakki ateddéngeng ateppereng wettutta ricobai, iyakiya taleppessakki polé ri akuwasanna iya mappéjariyé. [Ikona Arung makuwasa sibawa malebbi lettu mannennungeng. Amin.]’

MATIUS 9:35

Makkuwaniro Yésus lao mattulili polé riséddié kota lao ri kota laingngé sibawa polé riséddié kampong lao ri kampong laingngé. Mappagguruni risining bola assompangngé, sibawa mappallebbangengngi Karéba Madécéngngé, pékkugi Allataala mapparénta selaku Arung. Napajjappai sining tau nakennaé maddupa-rupang lasa sibawa sala-salangngé watakkaléna.

MATIUS 9:38

Rimakkuwannanaro, éllauno ri punnaé dare'ro kuwammengngi nakiring paréngngala untu' éngngalanna.”

LUKAS 10:19

Issenni! Pura Uwérénno akuwasang kuwammengngi mulléi malléjja'i ulaé sibawa dokkéngngé enrengngé lemmaiwi awatangenna sininna balié, nadé' gaga séuwa mulléi cilakaiko.

LUKAS 21:15

Aléku matu mpérékko iyaro ada-adaé sibawa pangissengengngé, angkanna dé' séddi tau polé risining balimmu mulléi méwa iyaré'ga massakkarengngi aga mupowada.

LUKAS 24:49

Na alé-Ku maélo kiringngi lao ri iko aga pura najjanciyang Ambo'é. Iyakiya harusu'ko tette mattajeng ri kotaéwé narapi akuwasang polé ri Allataala pennoiko.”

LUKAS 6:13

Wettunna macakkani essoé, Naobbini ana'-ana' gurun-Na, nainappa napilé seppulo duwa tau polé ri mennang. Nasenni iyaro seppuloé duwa tau rasul. Iya mennang iyanaritu:

YOHANES 17:2

Ambo'é pura mabbéréyangngi akuwasangngé ri sininna rupa tauwé lao ri Ana'é, kuwammengngi nabbéréyangngi atuwong mannennungengngé lao ri sininna tau iya nabbéréyangngé Ambo'é.

YOHANES 3:27

Nappébali Yohanés, “Dé' naulléi mappunnai agi-agi tolinoé rékko dé' nariwéréng ri Allataala.

YOHANES 3:35

Ambo'é namaséiwi Ana'-Na, sibawa pura nabbéréyang manengngi akuwasangngé ri Aléna.

YOHANES 6:70

Nappébali Yésus, “Tenniyaga Iyya piléko iya seppulo duwa tauwéwé? Namuni séddi ri yelle'mu iyanaritu Sétang!”

RIWAYA'NA RASUL-RASUL-E 1:8

Iyakiya lolongekko matu kuwasa, rékko engkani ri iko Rohna Allataala. Mancajiko matu sabbi-sabbik-Ku ri Yérusalém, ri sininna Yudéa, ri Samaria, sibawa lettu ri cappa'na linoé'.”

RIWAYA'NA RASUL-RASUL-E 19:15

Iyakiya makkedai iyaro roh sétangngé lao ri mennang, “Uwisseng Yésus sibawa uwissetto Paulus, iyakiya iko niga?”

WAHYU 12:1

Nainappa paita ri langié séuwa iya makalallaingngé enrengngé dé'gaga padanna. Séddi makkunrai iya pakééngngi mata essoé selaku pakéyanna, mattengngang tettong ri yasé'na kétengngé. Ri ulunna engka séuwa passigera' iya polé riseppulo duwa wéttowing.