LUKAS 9:7 - KITTA KAREBA MADECENG

⁷ Wettunna Hérodés iya mapparéntaé ri Galiléa, naéngkalinga passalenna iya maneng gau'éro, bengngani. Saba' engka makkeda makkedaé tuwoi paimeng Yohanés Paccemmé.

LUKAS 9:7 ပူးပေါင်းရင်းမြစ်များ

MAZMUR 73:19

Ri laleng sikédé mata ancuru'i mennang, masero senna accappurenna.

YESAYA 22:5

Mémeng Puwang Iya Pommatanré sibawa Pommakuwasaé pura pattentui iyaé essoé selaku esso akacaungeng, awéwangeng sibawa arocakeng ri Lompo Pakkitangngé. Riruttunni témbo-témbo kotaé. Kelli méllau tulungngé maddaremmeng ri bulu-bulué.

MIKHA 7:4

Muwi kaminang makessingngé sibawa kaminang malempué polé ri mennang pada towi alekale maddori iya dé'é nakkéguna. Narapini wettunna nahukkung Allataala umma'-Na pada-pada iya puraé Napparéngngerangeng lao ri mennang naolai nabi-nabin-Na. Momponi makkekkuwangngé akacaungeng ri yelle'na mennang.

MATIUS 11:2

Yohanés Paccemmé iya ritarungkué, naéngkalingani passalenna jama-jamanna Kristus. Nainappa nasuro siyagangngaré ana' gurunna lao ri Yésus untu' makkutanangngi,

MARKUS 8:28

Nappébali mennang, “Engka makkeda: Yohanés Paccemmé; engkato makkeda Elia, na laingngé makkeda: sala séddinna nabié.”

LUKAS 13:31

Iyatoro wettué, engka siyagangngaré tau Farisi lao ri Yésus sibawa makkeda, “Aja' muwonro kuwaé! Laoko ri onrong laingngé, saba' maéloi Hérodés mpuno-Ko.”

LUKAS 21:25

“Paitai matu tanra-tanrangngé ri mata essoé, kétengngé sibawa sining wéttowingngé. Ri linoé, métaui matu bangsa-bangsaé sibawa malippunna moloiwi oni-onié nenniya bombanna tasi'é.

LUKAS 23:7

Ripowadannana makkedaé assalenna Yésus poléi ri daéra iya ri yawa paréntanaé Hérodés, nakirinni Pilatus Yésus lao ri Hérodés, iya wettuéro engka towi ri Yérusalém.

LUKAS 3:1

Ri taung maseppulona lima apparéntanna Kaisar Tibérius, Pontius Pilatus mancaji gubernur ri Yudéa, sibawa Hérodés mapparénta ri Galiléa. Filipus, silessurenna Hérodés mapparéntai ri daérana Ituréa sibawa Trakhonitis, na Lisanias mapparéntai ri Abiléné.

LUKAS 9:19

Nappébali mennang, “Engka makkeda Yohanés Paccemmé. Engkato makkeda Elia, iya laingngé makkedai sala séddinna nabié riyolo iya tuwoénna paimeng.”