LUKAS 9:52 - KITTA KAREBA MADECENG

⁵² Nasuroni tauwé poddiyoloiwi. Sining tau iya Nasuroé lao, muttama'ni riséuwaé kampong ri Samaria kuwaniro napassadiya sini-sininnaé untu' Yésus.

LUKAS 9:52 ပူးပေါင်းရင်းမြစ်များ

MALEAKHI 3:1

Pappébalinna Puwang Iya Pommakuwasaé, “Ukiringngi matu suro-Ku untu' passadiyangek-Ka laleng. Na temmusenna-sennai Iyya, Puwang iya musappaé, laowi matu ri Bola-Ku. Suro-Ku iya muwuddaniyéro poléi matu sibawa mappallebbangengngi assijancik-Ku.”

MATIUS 10:5

Nainappa nakirinni Yésus iyaro seppuloé duwa rasul sibawa lolongeng panunju'-panunju'éwé, “Aja' mulao ri daérana sining tau tenniyaé tau Yahudi. Aja'to ri kota-kotana tau Samariaé.

LUKAS 10:1

Purairo pilési Puwangngé pituppulo ana' guru, nainappa nasuro mennang tadduwa-duwa poddiyoloiwi lao ri tungke' kota sibawa onrong iya maéloé Nalokkai.

LUKAS 10:33

Iyakiya purairo, engka séddi tau Samaria lalo kuwaro. Wettunna naita iyaro tauwé, tassinnau senna'ni atinna nasaba messéi.

LUKAS 17:11

Ri laleng allalengenna lao ri Yérusalém, laloi Yésus ri daéra pakkasésénna Samaria sibawa Galiléa.

LUKAS 17:16

Nasuju'na sibawa mattarima kasi ri yolona Yésus. Iyaro tauwé séddiwi tau Samaria.

LUKAS 7:27

Saba' Yohanés ritu naseng ri laleng aya'na Kitta'éwé, ‘Iyanaé suro-Ku,’ adanna Allataala, ‘Maélo-Ka suroi lebbi riyolo naiya Iko, kuwammengngi natimparek-Ko laleng!’ ”

YOHANES 4:4

Ri laleng allalengennaro harusu'i nalaloi Samaria.

YOHANES 4:5

Nalettu'na Yésus riséuwaé kota ri Samaria iya riyasengngé Sikhar, dé' namabéla polé ri tana iya nabbéréyangngé Yakub riyolo lao ri Yusuf, ana'na.

YOHANES 4:9

Nappébali iyaro makkunrai Samariaé, “Puwang tau Yahudi, na iyya tau Samaria; magi Puwang taéllau uwai rinung ri iyya?” (Saba' dé' gaga assisumpungenna sining tau Yahudié sibawa tau Samariaé.)

YOHANES 8:48

Iyaro sining tau Yahudié nabalini Yésus, “Dé'ga natongeng adatta makkedaé tau Samaria-Ko iya nauttamakiyé sétang?”