LUKAS 9:51 - KITTA KAREBA MADECENG

⁵¹ Wettunna macawé'é senna'ni Yésus riyakka ménré ri surugaé, malani apettung untu' lao ri Yérusalém.

LUKAS 9:51 ပူးပေါင်းရင်းမြစ်များ

2 ARUNG-NGARUNG 2:11

Mabbicarani mennang sipadduwa, nanajoppato. Tennasenna-sennana séddi karéta makkéapi iya nagettengngé anyarang makkéapi polé passarangngi mennang sipadduwa nainappa riyakka Elia ménré ri surugaé ri anging talippurué.

MARKUS 16:19

Puranana Puwang Yésus mabbicara sibawa mennang, riyakkani ménré ri surugaé. Napparénta kuwaro sibawa Allataala.

LUKAS 12:50

Engka mupa anrasa-rasang masero iya harusu'é Ujoppai. Namasussa senna' atik-Ku riwettu dé'napa nakajajiyang.

LUKAS 13:22

Ri laleng allalengenna Yésus lao ri Yérusalém laloi ri kota-kotaé sibawa ri kampong-kampongngé nanappagguruto.

LUKAS 17:11

Ri laleng allalengenna lao ri Yérusalém, laloi Yésus ri daéra pakkasésénna Samaria sibawa Galiléa.

LUKAS 18:31

Napaddeppungenni Yésus iya seppulo duwa ana' gurun-Na mallaiseng, nainappa makkeda, “Engkalingai! Makkekkuwangngé mattujuki ri Yérusalém. Kuwaro, sininna iya naokié nabi-nabié passalenna Ana'na Tolinoé, kajajiyangngi matu.

LUKAS 19:11

Ri wettu naéngkalingana mupa tauwé Yésus mabbicara, nacuritani séuwa pakkalarapangeng. Saba' iyaro wettué engkai ri seddéna Yérusalém, nanasengngi tauwé makkedaé dé'na namaittana napparénta Allataala selaku Arung ri linoé.

LUKAS 19:28

Purana napowada maneng Yésus iyaro, joppani ri yolona mennang mattuju ri Yérusalém.

LUKAS 24:51

Ri wettu Napogau'naro, tarakkani ménré ri surugaé, nassaran-Na sibawa mennang.

LUKAS 9:57

Wettunna Yésus sibawa ana'-ana' gurun-Na patterui joppana, engka tau makkeda lao ri Yésus, “Pa', maéloka maccowériwi Bapa' kégi-kégi!”

YOHANES 13:1

Siesso riwettu dé'napa na Esso Maraja Paskaé, naissenni Yésus makkedaé narapini wettunna Yésus salaiwi linoéwé untu' lisu ri Ambo'-Na. Namaséiwi sining tau iya mancajiyé appunnangen-Na ri linoé, natette'i namaséi mennang lettu paccappureng.

YOHANES 16:28

Mémeng assalek-Ku poléi ri Ambo'é, naulao ri linoé. Iyakiya makkekkuwangngé Usalaini linoé untu' lisu ri Ambo'é.”

YOHANES 16:5

Iyakiya makkekkuwangngé maélo-Ka lao ri iya suroék-Ka; nadé' séddi tau polé ri iko makkutana kéga-Ka lao.

YOHANES 17:11

Makkekkuwangngé lao-Ka ri Ambo'. Dé'na Uwonrona ri linoé. Ambo' iya mapaccingngé! Jagaiwi mennang sibawa akuwasang asenna Ambo', iyanaritu aseng puraé nawérék-Ka Ambo' – kuwammengngi namancaji seddi mennang, pada-pada Ambo' sibawa Iyya séddito.

YOHANES 6:62

Pékkugi jajinna matu rékko muwitai Ana'na Tolinoé ménré paimeng ri onronna mammulangngé?

RIWAYA'NA RASUL-RASUL-E 1:2

narapi esso riyakkana ménré ri surugaé. Riwettu dé'napa naénré ri surugaé, nasibawang akuwasanna Rohna Allataala mabbéréi panunju'-panunju' lao ri rasul-rasul-Na iya tappilé.

RIWAYA'NA RASUL-RASUL-E 1:9

Puranana Yésus makkeda makkuwaro, riyakkani ménré ri surugaé ri yolona matanna mennang, naritongko-Na ri ellungngé polé ri pakkitanna mennang.

EFESUS 1:20

iya Napaké wettunna napatuwo paimeng Kristus polé ri amaténgngé sibawa mpéréngngi Aléna tudangeng kaminang matanré silaong Allataala ri surugaé.

FILIPI 3:14

Iyanaro saba'na ulari matteru mattuju ri akkatta paccappurengngé untu' lolongeng apakalang, iyanaritu atuwong ri surugaé; untu' iyanaro naobbika Allataala naolai Kristus Yésus.

1 TIMOTIUS 3:16

Muwi séddi tau dé'to mulléi massakkarengngi, temmaka loppona rahasiyana agamata: Nappaitangngi aléna ri laleng rupa tolinoé, sibawa ripannessa tongeng ri Rohna Allataala, enrengngé naita sining malaéka'é. Karébanna ripamengngoi ri yelle'na bangsa-bangsaé, sibawa riyatepperi ri sininna linoé sibawa riyakka ménré ri surugaé.

IBRANI 12:2

Sitinajai pakkitatta mattuju lao ri Yésus, saba' Aléna ritu iya paoto'éngngi teppe'ta sibawa piyarai polé ri pammulanna lettu ri paccappurenna. Tahangngi Yésus manrasa-rasa ri aju sallié! Dé' Napaduliwi makkedaé maté ri aju salliéro iyanaritu séuwa gau' iya mappakasiri-sirié. Banna maréngngerangngi lao ri arennuwang iya Napérasaiyé matu ri munri. Makkekkuwangngé tudanni ri seddé ataunna akkarungenna Allataala, enrengngé mapparéntai silaong Aléna.

IBRANI 6:20

Purani nawajikekki Yésus lalengngé lao ri onrongngéro, sibawa purani muttama kuwaro mancaji Imang Lompota lettu mannennungeng pada-pada Imang Malkisédék.

1 PETRUS 3:22

sibawa ménré'ni ri surugaé. Makkekkuwangngé makuwasai silaong Allataala sibawa paréntai sininna malaéka'é, sininna panguwasaé enrengngé sininna awatangengngé.