LUKAS 9:47 - KITTA KAREBA MADECENG

⁴⁷ Naissengngi Yésus pikkiranna mennang, rimakkuwannanaro malani séddi ana' baiccu nanasuroi tettong ri seddé-Na.

LUKAS 9:47 ပူးပေါင်းရင်းမြစ်များ

YOHANES 16:30

nariissenni makkedaé taisseng manenni Puwang. Dé' naparellu séddié tau makkutangngi agi-agi lao ri Puwang. Rimakkuwannanaro mateppe'ki poléki Puwang ri Allataala.”

MAZMUR 139:23

Salidikika oh Allataala, wellungiwi atikku, ojika sibawa issengngi pikkirakku.

WAHYU 2:23

Sining iya maccowériyéngngi maélo tok-Ka mpunoi kuwammengngi sininna jema'é namaingekiwi makkedaé Iyya'naé iya mpellungiyéngngi pikkiranna sibawa atinna tolinoé. Iko maneng maélo-Ka mpale'i situru pangkaukemmu tungke'-tungke'.

IBRANI 4:13

Dé'gaga muwi séddi mahlu' iya tassubbué polé ri pakkitanna Allataala. Sininna séuwa-séuwaé mallusu-lusui sibawa tabbukka ri yolo-Na. Sibawa harusu'ki mabbéré tanggung jawa' ri Aléna.

LUKAS 5:22

Naissengngi Yésus pakkutanana mennang. Jaji makkedani, “Magi muwakkutana makkuwaro ri laleng atimmu?

MATIUS 9:4

Naissengngi Yésus pikkiranna mennang, jaji makkedai, “Magi namaja makkuwaro pikkirammu?

YEREMIA 17:10

Iyya, Puwang, salidikiwi atié, Uwojiwi baténna tolinoé. Uwale'i matu tungke tauwé situru kédo-kédona, sibawa Ugaukeng situru sibawa pangkaukenna.”

MAZMUR 139:2

Muwisseng sininna pangkaukekku; Mupahangngi pikkirakku polé mabéla.

1 KORINTUS 14:20

Saudara-saudara! Aja' muwappikkiri pada-pada ana'-ana'é. Ri laleng gau' majaé, sitinajako tette' pada-pada anana' baiccu'é. Iyakiya ri laleng pikkirang, sitinajako mancaji tau iya battowaénna.

YOHANES 21:17

Untu' mabbékkatellunna Yésus makkutana ri aléna, “Simon ana' Yona, muwamaséi-Ka'ga?” Messéni Pétrus saba' genne'ni wékkatellu Yésus makkutana ri aléna. Nappébali Pétrus, “Puwang, taisseng Puwang sini-sininnaé. Taisseng Puwang uwamaséiki Puwang!” Nakkeda Yésus lao ri aléna, “Piyarai bimbala'-Ku.

YOHANES 2:25

Dé' naparellu tauwé mabbéré pappakatajang lao ri Aléna passalenna nigi-nigi, saba' aléna missengngi aga iya engkaé ri laleng atinna rupa tauwé.

MATIUS 12:15

Naisseng Yésus makkedaé iyaro sining tau Farisié majai akkattana lao ri Aléna. Jaji Nasalaini onrongngéro namaéga tau maccowériwi. Nanapajjappai sininna tau malasaé.