LUKAS 9:41 - KITTA KAREBA MADECENG

⁴¹ Nappébali Yésus, “Tenniya culé-culé ikoé! Lao sala tongekko iko sibawa dé' mumateppe! Gangka kégi harusu'ka monro sibawakko sibawa sabbara' lao ri iko? Tiwii iyaro ana'mu kumaiyé!”

LUKAS 9:41 ပူးပေါင်းရင်းမြစ်များ

2 ARUNG-NGARUNG 5:8

Naéngkalingani Nabi Elisa passalenna gau'éro, nanakiringngi pasengngéwé lao ri arung Israél, “Magi mumanenneng? Suroi iyaro tauwé lao ri iyya kuwammengngi naissengngi makkedaé ri Israéliéwé engka séddi nabi!”

MAZMUR 78:8

kuwammengngi mennang dé' napada néné-nénéna iya pojiyéngngi maronta sibawa madoraka; abbatireng iya kaléwa'-léwa'é teppe'na, sibawa dé' namatinulu lao ri Allataala.

ASSURENG 10:3

Nanalaona Musa sibawa Harun mangolo ri arungngé sibawa makkeda lao ri aléna, “Makkedai Puwang, Allataalana bangsa Ibranié, ‘Gangka kégiko dé' mumaélo tunru lao ri Iyya? Leppessangngi umma'-Ku lao, kuwammengngi weddingngi mennang massompa ri Iyya.

ASSURENG 16:28

Nanakkeda Puwangnge lao ri Musa, “Gangka kégako dé' mumaélo turusiwi parénta-parénta-Ku?

YEREMIA 4:14

Yérusalém, abbéyangngi jaé polé ri laleng atimmu kuwammengngi naripassalama'ko. Gangka kégi iyaro sining pikkirang majaé maélo mutaro ri laleng atimmu?

ABBILANGENG 14:11

Makkedai Puwangnge lao ri Musa, “Siyagapi ittana iyaé sining tauwé méwaka? Gangka kégi mennang dé' namaélo mateppe ri iyya, namuni puraka mébbu makkuwamani égana anu makalallaing ri yelle'na mennang?

ABBILANGENG 14:27

“Gangka kégi iyaro sining tau majaé mannoko-noko lao ri Iyya? Sininna addarékénna mennang Uwéngkalingani.

MATIUS 11:28

Laono mai ri Iyya iko maneng posoé sibawa péneddingiyéngngi tane'na tiwié; maélo-Ka pétakkariko.

MATIUS 12:39

Nappébali Yésus, “Temmaka jana sibawa dorakana sining tauwé wettuéwé! Muwéllau-Ka mébbu anu makalallaing? Dé' matu nariwérékko anu makalallaing, muwi séddi, sangadinna anu makalallainna Nabi Yunus.

MATIUS 12:45

Nalaona sibawa tiwi pitu roh laing iya lebbi majaé naiya aléna. Nainappa muttama' ri lalenna tauwéro, naonro kuwaro. Na angkanna keadaanna iyaro tauwé lebbi majani naiya pammulanna. Iyatonaro kajajiyang matu sibawa sining tau majaé wettuéwé.”

MATIUS 16:4

“Anengka makkuwa jana tauwé makkekkuwangngé. Muwéllau-Ka mébbu anu makalallaing. Dé' nariwérékko matu muwi séddi anu makalallaing, sangadinna anu makalallainna Nabi Yunus.” Purana makkeda makkuwaro Yésus, nasalaini mennang nalao.

MATIUS 17:17

Nappébali Yésus, “Tenniya culé-culé ikoé! Lao sala tongekko sibawa dé' mumateppe. Gangka kéga-Ka harusu' monro sibawakko sibawa sabbara' lao ri iko? Tiwii iyaro ana'é kumaiyé!”

MATIUS 23:36

Ateppe'no. Iya manennaro natanggungngi matu sining tauwé makkekkuwangngéwé!”

MATIUS 3:7

Maégato tau Farisi sibawa Saduki lao ri Yohanés untu' ricemmé. Iyakiya wettunna mennang naita polé, makkedani lao ri mennang, “Tau majako iko! Niga powadai makkedaé weddikko leppe' polé ri pahukkungenna Allataala iya maéloé polé?

MARKUS 10:14

Naitana gau'éro, macaini Yésus nakkeda lao ri ana'-ana' gurun-Na, “Leppessangngi siya iyaro ana'-ana'é lao ri Iyya! Aja' muwattéyangngi mennang, saba' sining tau pada-padaénnaé mancaji anggotana umma'na Allataala.

MARKUS 10:49

Naléppanna Yésus nainappa makkeda, “Obbii.” Jaji naobbini mennang iyaro tau butaé. Makkedani mennang ri aléna, “Tennano! Naobbiko Yésus, oto'no!”

MARKUS 9:19

Nakkeda Yésus lao ri mennang, “Tenniya culé-culé ikoé! Tonget-tongekko iko tau dé' mumateppe. Gangka kégi-Ka harusu' monro sibawakko sibawa sabbara' lao ri iko? Tiwii iyaro ana'é lao kumaiyé!”

LUKAS 8:25

Nakkeda Yésus lao ri ana'-ana' gurun-Na, “Magi nadé' mumateppe lao ri Iyya?” Héranni mennang sibawa métau. Nakkedana mennang séddié lao ri laingngé, “Niga sitongenna iyaé tauwé, nariturusi paréntana ri angingngé sibawa bombangngé!”

LUKAS 9:40

Purani uwéllau ana'-ana' gurunna Bapa' untu' paddésu'i iyaro roh-é, iyakiya dé' naulléi mennang.”

LUKAS 9:42

Ri wettu joppana mupa iyaro ana'é lao ri Yésus, iyaro roh majaé naggeppuwangngi iyaro ana'é sibawa napatojoi watakkaléna. Iyakiya nagera'i Yésus iyaro roh-é sibawa napajjappai iyaro ana'é. Nainappa nabbéréyang paimeng lisu iyaro ana'é lao ri ambo'na.

YOHANES 14:9

Iyakiya mappébaliwi Yésus, “Makkuwamani ittana Usibawakko, nadé'paha muwissek-Ka, Filipus? Tau iya puraé mita-Ka, purani naita Ambo'é. Pékkugiko wedding makkeda, ‘Jellokekki Ambo'é?’

YOHANES 20:27

Nainappa makkeda Yésus lao ri Tomas, “Itai limak-Ku sibawa taroni jarimmu kuwaé. Loro'i limammu namutaroi ri benrék-Ku. Aja'na mubata-bata, iyakiya ateppe'no!”

RIWAYA'NA RASUL-RASUL-E 13:18

Sabbara'i lao ri ampé-ampéna mennang ri padang kessi'é patappulo taung ittana.

RIWAYA'NA RASUL-RASUL-E 2:40

Makkuwaniro Pétrus pakatajangngi lao ri mennang. Sibawa maégato ada-ada laingngé pétangngariwi mennang kuwammengngi naleppe polé ri bangsa iya majaéwé iya maéloé rihukkung ri Allataala.

ROMA 2:4

Iyaré'ga mupandang énténgngi asémpowanna Allataala sibawa asagénang atinna enrengngé asabbaraken-Na iya makkuwaéro loppona? Pasti muwisseng makkedaé Allataala mappaitangngi akessingeng atin-Na nasaba maéloi kuwammengngi mutoba' polé ri dosa-dosamu.

ULANGENG 32:5

Iyakiya iko iyanaritu bangsa iya dé'é namatinulu, sibawa dé' nasitinajana mancaji umma'-Na, bangsa iya pennoé acéko-cékong sibawa dosa.

IBRANI 3:19

Ripahanni makkekkuwangngé makkedaé dé' naulléi mennang muttama, nasaba dé' mennang namateppe' ri Allataala.

IBRANI 4:11

Rimakkuwannanaro, laono mai takkuraga tonget-tongeng untu' muttama ri onrong appésaungeng iya najjanciyangngé Allataalaro. Aja' lalo narapii muwi séddi tau polé ri idi dé' nakkéwassélé' pada-pada mennang riyolo, nasaba dé' namateppe' ri Allataala.

IBRANI 4:2

Saba' iyaro Karéba Madécéngngé purani riyabbirittang ri idi pada-pada lao ri mennang. Namuni lao ri mennang, iyaro birittaé dé'gaga gunana. Saba' wettunna mennang naéngkalinga, dé' mennang namateppe'.

IBRANI 7:25

Rimakkuwannanaro lettu mannennungeng naulléi Yésus passalama'i sining tau iya laowé ri Allataala naolai Aléna, saba' tuwoi mannennungeng untu' méllauwi ri Allataala untu' sining tauwéro.