LUKAS 9:16 - KITTA KAREBA MADECENG

¹⁶ Nainappa nalani Yésus iyaro limaé roti sibawa duwaé balé, nanaconga ri langié mattarima kasi ri Allataala. Purairo napuwé'-puwé'ni rotié nenniya baléro sibawa liman-Na nainappa nawéréng ana'-ana' gurun-Na untu' nabbagé-bagéyang lao ri tau maégaéro.

LUKAS 9:16 ပူးပေါင်းရင်းမြစ်များ

MATIUS 14:19

Nainappa Nasuro iyaro tau maégaé tudang ri tompo'na wellaé. Purairo nalani iyaro roti limaé sibawa balé duwaé, nainappa conga ménré ri langié nanasukkuru ri Allataala. Purairo napuwé'-puwé'ni iyaro rotié sibawa liman-Na na-Nawéréngngi ana'-ana' gurun-Na untu' nabagé-bagé lao ri tau maégaé.

MATIUS 15:36

Nainappa nala iyaro pitué roti sibawa balé, nanasukkuru ri Allataala. Purairo napuwé'-puwé'ni iyaro rotié enrengngé balé sibawa liman-Na, nainappa Nawéréng ana'-ana' gurun-Na. Nanabbagé-bagéyanni mennang lao ri tau maégaéro.

MARKUS 7:34

Purairo congani Yésus ri langié, nainappa mannyawa loppo sibawa makkeda lao ri tauwéro, “Efata,” bettuwanna, “Tabbukkano!”

LUKAS 22:19

Purairo nalani Yésus rotié. Napuranana massempajang sukkuru', Napuwé'-puwé'ni iyaro rotié sibawa liman-Na, nainappa nawéréng mennang, sibawa makkeda, “Iyanaé tubuk-Ku [iya riyabbéréyangngé untu' iko. Pogau'ni iyaé untu' sénge'-Ka.”

LUKAS 24:30

Ri wettu tudanna mennang manré, malani Yésus roti, Nasukkuru' ri Allataala, nainappa Napuwé-puwé iyaro rotié, na-Nawéréngngi lao ri mennang.

LUKAS 9:15

Napogau'ni ana'-ana' gurunna Yésus iya napowadaé Yésus lao ri mennang.

LUKAS 9:17

Manré manenni mennang gangka messo. Nainappa ana'-ana' gurunna Yésus paddeppungengngi lebbinna iyaro anré égana seppulo duwa baku.

YOHANES 6:11

Nainappa nala Yésus iyaro rotié, nanasukkuru ri Allataala. Purairo nabagé-bagéni iyaro sining rotié lao ri tau maégaéro. Nainappa sukkuru'to nanabagé-bagéi iyaro sining balé, nanréna mennang gangka messo.

YOHANES 6:23

Nasiyagangngaré lopi polé ri Tibérias lettu sibawa mallabu ri seddéna onronna tau maégaéro manré roti puranana Puwangngé méllau sukkuru'.

RIWAYA'NA RASUL-RASUL-E 27:35

Purana makkeda makkuwaro malani roti Paulus nainappa mattarima kasi ri Puwangngé ri yolona maneng mennang. Nainappa nabagé-bagé iyaro rotié, nananréi.

ROMA 14:6

Tau iya pentingkangngéngngi esso-esso mattentué, iyaro tauwé napogau'i makkuwaéro untu' pakalebbii Puwangngé. Tau iya manrééngngi sini-sininnaé, napogau'i makkuwaro untu' pakalebbii Puwangngé, nasaba sukkuru'i lao ri Allataala nasaba iyaro naanré. Makkuwatoro sibawa tau iya manrééngngi banna anrékanré mattentué bawang; iyaro tauwé napakalebbi towi Puwangngé sibawa sukkuru' lao ri Allataala.

1 KORINTUS 10:30

Rékko manréka inanré sibawa mattarima kasi lao ri Allataala, magi na tauwé harusu'i cellaka nasaba iyaro inanré, napurana mattarima kasi lao ri Allataala?”

1 KORINTUS 11:24

na puranana mattarima kasi lao ri Allataala nasaba rotiéro, napuwé-puwé'ni iyaro rotié sibawa liman-Na, nainappa makkeda, “Iyanaé tubuk-Ku iya riyabbéréyangngé untu' iko. Pogau'ni iyaé untu' méngngerak-Ka.”