LUKAS 9:11 - KITTA KAREBA MADECENG

¹¹ Iyakiya wettunna sining tauwé naisseng passalenna gau'éro, naccowérini mennang Yésus. Natarimani mennang, nainappa mabbicara lao ri mennang passalenna pékkugi Allataala mapparénta selaku Arung. Enrengngé Napajjappa towi tau malasaé ri yelle'na mennang.

LUKAS 9:11 ပူးပေါင်းရင်းမြစ်များ

YESAYA 61:1

Akuwasanna Puwang Iya Pommatanré engkai ri aléku; napiléka sibawa nasuroka untu' tiwi karéba lao ri tau kasiyasié sibawa pajjappai tau iya mareppo'é atinna; untu' mappallebbangengngi lao ri tau ritahangngé makkedaé ripaleppe'i mennang masitta, sibawa lao risining tauwé ri laleng tarungkué makkedaé ripaleppe'i matu mennang.

MATIUS 12:15

Naisseng Yésus makkedaé iyaro sining tau Farisié majai akkattana lao ri Aléna. Jaji Nasalaini onrongngéro namaéga tau maccowériwi. Nanapajjappai sininna tau malasaé.

MATIUS 14:14

Wettunna Yésus nonno polé ri lopié nanaitai tau maégaéro, messéni babuwana lao ri mennang. Nainappa napajjappa sining tau iya malasaé ri yelle'na mennang.

MATIUS 21:31

Nari yelle'na iya duwa ana'éro, nigana pogau'i élona ambo'na?” Nappébali kapala-kapala imangngé sibawa sining pamimpinna Yahudié, “Iya macowaé.” Nakkeda Yésus lao ri mennang, “Ateppe'no: Sining passinge' simaé sibawa sining makkunrai cakkuribangngé poddiyoloiko matu mancaji anggotana umma'na Allataala naiya iko.

MATIUS 21:43

Nakkeda Yésus, “Jaji éngngerangngi, sininna ha'é selaku umma'na Allataala ribébbui matu polé ri iko nariwéréng lao riséddié bangsa iya pajoppaéngngi parénta-paréntana Allataala. [

LUKAS 1:53

Napésennangiwi tau malupué sibawa sininna adécéngengngé tau sugié napaddésu'i sibawa kosong.

LUKAS 5:31

Nappébali Yésus, “Tau madisingngé dé' napparelluwang dottoro', banna tau malasaé bawang.

LUKAS 8:1

Dé' namaitta ri munrinna, laoni Yésus ri kota-kotaé sibawa ri kampong-kampongngé, untu' mabbirittangngi Karéba Madécéngngé makkedaé Allataala mappammulani mapparénta selaku Arung. Iya seppulo duwa ana' gurun-Na maccowé towi silaongengngi.

LUKAS 8:10

Nappébali Yésus, “Purano riwéréng pammasé untu' missengngi rahasiyana pékkugi Allataala mapparénta selaku Arung. Iyakiya tau laingngé ripaggurui sibawa pakkalarapangeng, kuwammengngi napénessaiwi, iyakiya dé' naissengngi aga iya kajajiyangngé; sibawa maréngkalingai, iyakiya dé' napahang.”

LUKAS 9:10

Lisunnana sining surona Yésus, nacuritani lao ri Yésus iya maneng puraé napogau'. Naérani Yésus mennang lao silaong massala ri kota Bétsaida.

LUKAS 9:12

Wettunna labuni essoé, poléni iya seppulo duwa ana' gurunna Yésus ri Aléna sibawa makkeda, “Pa' iyaé onrongngé tassubbu. Lebbi kessing muwi Bapa' suroi sining tauwéro lao, kuwammengngi naweddingngi sappa anré sibawa onrong mappéruma ri kampong-kampongngé sibawa désa-désaé ri onrongngéwé.”

LUKAS 9:2

Nainappa nasuro mennang lao pajjappai tau malasaé sibawa mappallebbangengngi pékkugi Allataala mapparénta selaku Arung.

YOHANES 4:34

Nakkeda Yésus, “Nanré-Ku iyanaritu maccowériwi élo-Na iya suroék-Ka, sibawa pappurai jamang iya nawéréngngék-Ka.

YOHANES 6:37

Sininna tauwé iya nabbéréyangngé Ambo'é lao ri Iyya laowi matu ri Iyya. Dé' Umaélo sampéyangngi nigi-nigi lao ri Iyya.

RIWAYA'NA RASUL-RASUL-E 28:31

Baraniwi mabbirittangngi lao ri mennang passalenna pékkugi Allataala mapparénta selaku Arung, sibawa passalenna Puwatta Yésus Kristus. Napogau'ni Paulus iyaro sibawa laluwasa, tenrihalang-halangi.

ROMA 10:14

Iyakiya pékkugiwi tauwé naulléi mangobbi lao ri Puwangngé rékko dé'pa mennang namateppe'? Sibawa pékkugiwi mennang naulléi mateppe' lao ri Puwangngé rékko dé' mennang naéngkalingai passalenna Aléna? Makkuwatoro, pékkugiwi mennang naulléi maréngkalinga passalenna Puwangngé, rékko dé'gaga mabbirittangngi?

ROMA 10:17

Iyanaro saba'na namancaji mateppe' sining tauwé nasaba naéngkalingai mennang karébaé, na iyaro karébaé naéngkalingai nasaba engka tau mabbirittangngi passalenna Kristus.

ROMA 15:3

Saba' Kristus dé'to napikkiri'i asennangeng Aléna bawang. Ri laleng Kitta'é tarokii makkuwaé, “Sininna paccellaé iya ripattujué ri Iko sempé'ni ri yasé'ku.”

2 TIMOTIUS 4:2

Sitinajako mabbirittangngi karéba polé ri Allataalaro, sibawa matteru maddessa kuwammengngi naéngkalingai tauwé, maélogi mennang iyaré'ga dé'. Sitinajako patepperiwi tauwé, mappaitangngi iya salaé, sibawa mpéréngngi dorongang mennang. Paggurui tauwé sibawa sabbara.

IBRANI 4:16

Rimakkuwannanaro, laono mai sibawa penno abaraningeng mangolo ri Allataala iya mapparéntaé sibawa makessing ati. Namaséiki matu Allataala sibawa barakkakiki kuwammengngi lolongekki pattulung ri wettunna.