LUKAS 8:9 - KITTA KAREBA MADECENG

⁹ Nakkutanana ana'-ana' gurunna Yésus lao ri Yésus aga bettuwanna pakkalarapangngéro.

LUKAS 8:9 ပူးပေါင်းရင်းမြစ်များ

HOSEA 6:3

Rimakkuwannanaro laono mai tamakkuraga untu' mattonget-tongeng missengngi Puwangnge. Pasti laowi matu ri idi pada-pada apolénna éléé, sibawa pada-pada bosi iya rica'éngngi tanaé ri cappa'na wettu bare'é.”

MATIUS 13:10

Nainappa poléni ana'-ana' gurunna Yésus nanakkutana ri aléna, “Magi Bapa' napaké pakkalarapang rékko mabbicarai sibawa tau maégaéro?”

MATIUS 13:18

“Engkalingani bettuwanna pakkalarapangeng passalenna pangampoéro.

MATIUS 13:36

Purairo nasalaini Yésus iyaro tau maégaé, nanauttama ri bolaé. Napoléna ana'-ana' gurun-Na sibawa makkeda, “Coba Bapa' pakatajangekki bettuwanna iyaro pakkalarapangeng ariyaé ri yelle'na gandongngé.”

MATIUS 15:15

Nakkeda Pétrus, “Tulungngi tapénessaingekki iyaro pakkalarapangngé, Pa'!”

MARKUS 4:10

Wettunna Yésus alé-alénami, poléni sining tau iya puraé méngkalingai pappagguruwan-Na silaong iya seppulo duwa ana' gurun-Na. Naéllauni mennang pakatajangngi bettuwanna iyaro pakkalarapangngé.

MARKUS 4:34

Tuli pakéi Yésus pakkalarapangeng rékko napaggurui iyaro sining tauwé. Iyakiya rékko Alénami sibawa ana'-ana' gurun-Na, napakatajang manengngi lao ri mennang.

YOHANES 15:15

Dé'na Uwobbiko ata, saba' ataé dé' naissengngi aga napogau' puwanna. Uwobbiko sellao, saba' sininna Uwéngkalingaé poléi ri Ambo'é, pura manenni Upaissengiko.